今日落好大雨....  個天好黑 好慘呀.....

今朝落好大雨  但都係掛黃雨  之後放左學  冇雨  但佢就掛紅雨

今日考maths  完全失敗
我覺得我真係好蠢呀   其實份卷都唔係好難...  有3題  我諗唔到....  但其實我係應該識ga  但果一刻我諗唔到...
個梯形...  我計左一邊  又唔識另一邊  不過其實都係用同樣既方法  但我唔知點解唔識計呀....
個cone  我諗到la  但我寫左一句" let the radius be r."  咁就話停筆la  我真係識做ga....  /_\
仲有個斜率...  我尋日都有做左好多練習ga  我知斜率點計ga  但係又唔知點解果時用唔到落幅圖度....
呢度 3題  16分  應該係攞到ga  但唔知點解會諗唔到呀..... 真係好死蠢呀 
但係呢...係我考maths既時候  唔知點解  我一路諗緊果個梯形點計  個腦就諗住《Forever Love》呢首歌 不斷咁唱住『forever love forever love  我只想用我這一輩子去愛你......』

eng dict  d unseen 好difficult呀!!!

listening  都幾好la....  冇乜特別  如無意外都係7字頭度la....

放左學  輕鬆左好多  終於都考完一個星期la....

同埋Sandy,Eva,Karen一齊去食雪糕呀  好開心呀
去左談心  傾左好耐....  行左一陣  就返屋企la 

好眼訓呀  成個星期都冇一日訓夠4粒鐘  狂飲咖啡  今晚我真係好想可以好自由咁唔洗攬住d書黎訓  聽住我最愛既學友...  嘩~~ 真係舒服到死lo

但下晝仲要補習呀  真係想死la.....

好慘呀....  今次考試  成績大倒退....  我都有好努力咁溫書ga  我好忍心咁熄左電腦  又淨係睇秀才遇著兵  但係今次考得好差呀.....

Karen都好唔開心  佢話佢好多科都死左a  但係佢真係好比心機ga  我地每晚都一齊溫書...
互相打電話  叫醒大家  我訓到2點  佢就叫醒我  然後佢就訓到5點  我就叫醒佢  大家都好比心機
但係就竟然考成咁  我對我自己好失望....
我地仲交換咖啡  雖然好辛苦  好難捱  但係都好開心  互相支持~~~

今日呢就係考中文作文同埋hist.呀

作文  都mama地la  但都合格ga 
今次比較趕  唔係好夠時間  所以個看圖作文  就好馬虎咁結尾...

Hist. 好辛苦呀  背左好多野
寫錯左好多字呀  同埋d美國總統d名好亂呀  又有尼克遜 又有威爾遜 仲有個甘迺迪  搞到我都亂鬼哂....
我唔夠時間做呀  差dd  餐餐都唔夠時間  但今次都算好彩  冇左3分姐....
總括  成份卷都ok la  都有8字頭既  但就比上次差....

今日就考第三日啦.... 

EPA... 呢科溫左好耐呀  多野背到死  咁份卷呢...  唔難又唔易  但答左好多野先得果少少分  咁D M.C.同填充都好易  咁個問答就好多野寫喇  又係好似D中史咁  明明有溫  但又記得果少少 唔熟...  我諗都有70分ga  死啦...以前背野係我既強項  但兒家都唔知搞乜  背極都唔入腦  唉!! 腦生塞....

咁呢....  係我考緊EPA既時候  唔知點解  我滿腦子都係度唱住《明日恩典》 不斷咁重覆『還有恩典 開遍面前 寒季終必回暖.....』

咁之後就係英文la  我覺得呢份卷 好長  但都幾易呀  唔識少少la  今次可能有6字頭la  哈哈哈~~~
其實今次係我由小學到依家  第一次真係用心去溫過英文  以前不嬲都係考天才  但今次英文真唔可以死....

我記得有一題...  係要加somebody,something,anything....果d既 
咁果題就係  "I love you more than _______ else." 咁啦  
我就無啦啦諗起黃凱芹既一首歌  叫《傷感的戀人》 當中有句歌詞『冷風一般的你  沒法讓我親近  I'll love you more than anyone  熱暖像你的心.....』  咁所以我就寫左anyone喇....  哈哈~~都唔知o岩唔o岩!!
但都幾抵死丫~~~

今日考第二日喇  真係快....

今日就係考Eng Comp 同埋中史...

eng comp 都ok la  我諗都有5字頭ga  eng comp....5字頭  我都滿意ga la

咁中史就慘la  唔識做  我唔合格呀  我計到得46分咋  一日最衰都係我溫唔熟la  d問答  我有溫過ga  但係太多野la  全部都記得少少  咁佢出左果d  我就識得少少.....唉!! 個填充就仲抵死寫錯哂d字  最唔掂就係個m.c.啦  好多題都係撞...  咁資料題...我不嬲都好弱ge  死左都冇乜感覺  而我覺得做得最好既就係填圖la  因為全對呀  不過得果6分....

今日落好大雨呀  真係來勢洶洶  勇不可擋 
我地係個學校等左一陣  諗住細雨d先行啦  點知佢就越來越大喎   所以我地就好勇敢咁闖出去喇
咁eva冇帶傘喎  咁我就同佢一齊遮啦  嘩~  好好玩呀  玩水  玩到傻左咁...  半身濕哂...  但好開心呀...

去左葵廣  買左個鬧鐘  SNOOPY黎ga  好響...就係中意佢夠響 hahaha...一定聽到呀 希望以後都唔好遲到啦~~~

跟住買左把傘  同Karen Eva一樣ga....  如果Sandy都買  咁就好靚la  但....佢有佢理由....  咁就返屋企la 

今日係考試第一日  考中文  bio  中文聆聽

中文  閱讀理解好難  我諗我都合格ga

bio  我覺得今次呢份卷比較易  但我都錯左好多   雖然係咁  但我都真係放左好多心機ga  兩晚都攬住D bio黎訓ga 
同埋呢  今日我見到何同學  好努力呀  佢真係好比心機溫bio  真係好想好衷心咁祝佢考試成功...  

之後中文聆聽就死la  果個傻佬係咁講係咁講  講d野好深奧  完全唔知佢想講咩  但佢講到好似好勁咁  我就真係聽到想死......

 溫書

《 Friendship 4ever 》

原曲作曲：KellyJackie
原曲填詞：LK_Hangman
原曲編曲：LK_Hangman
歌詞提供：LK_Hangman

　曾同處這一室詳談舊日　曾互相分享內心秘密
　但到今日　自有一些更重要　應走了　誰忘掉缺失
　曾和我吐苦水閒談共聚　曾被我欺負都不怪罪
　若告吹　不知到某月某日重遇見　在臨走想揮手你卻沒允許

　將往事記低　感激這一切
　愉快的痛苦的　驟眼即逝去的　亦窩心　深到未見底
　在世間再沒哪位　清楚我身世
　做對的做錯的　在記憶盡見識　有話題　找不到代替

　誰難過痛心都與我玩樂　誰受傷都可贈我歡樂
　誰陪我上千天慰解寂寞　良朋是你　何日發覺

「繼續努力　我用心引證」
　在那天　你曾對我衷心的說聲
「順應天命　何不冷靜　處理事情」
　勸勉我清醒　願你長留內心這劇情

　學會將往事記低　珍惜這一切
　愉快的痛苦的　驟眼即逝去的　亦窩心　深到未見底
　若覺得這是無稽　都不必怕失禮
　錯過的已失色　做過的亦褪色　仍願深交可以玩一世

　就算將往事放低　感激這一切
　做對的做錯的　在記憶盡見識　獲得這知己　亦算抵
　在世間再沒哪位　清楚我身世
　若處境已變遷　若放手仍掛牽　唯願分開都記住一切
　唯願此生怎麼分開也記住　這份可貴

送給3B班的每一位同學~~~

今日就係上堂既最後一日....  好唔捨得.....

今朝何輝輝上電視呀  哈哈哈...  真人靚過上鏡~~ 一定投佢票呀~~

今日係問卷日  好多問卷呀~~

成班同學都好忙碌  個個都係咁寫紀念冊  個個都係咁問：「呢張邊個架?」
何煇輝寫到想死....哈哈哈!!! 

小息  見到d野  笑死....  就係因為呢件咁好笑既事  令到我同紅姑好多偈傾...  唉!  最後一日先熟D~~

PE堂  同紅姑係咁傾....真係好好笑~~  今堂係自由活動呀  同小華打羽毛球  之後又同joey佢地玩數字球  好開心~~  跟住又打排球  我都唔識打...  咁玩左一陣就去同紅姑佢地玩《唔係話  咁鬼易》 講成人藝術片名  好好笑呀...

lunch之後同Eva去左搵鄺sir簽閱讀卡呀  好野~~我逹標la...

返到課室  就繼續好努力咁寫紀念冊la  

成堂中文堂都冇乜點聽  係咁傳d紙簽名  又係咁寫紀念冊....

ms lau 送左個file比我呀  胡迪黎架  好多同學都有呀  ms lau真係對d學生好好  好捨得送禮物...
何輝輝有兩支筆呀  d筆好靚ga  但我普通話默書得好少印仔... 所以冇...

放學留係溫習班  溫Bio呀  個哥哥講得好好呀  我明左好多la...

之後返到屋企好眼訓呀  咁就訓la...

訓到食飯...  之後同    Eva傾左陣電話  嘩~ 佢地3A都好開心呀  係咁影相...

今日好早就訓la  要養足精神聽日溫書....

星期一就考試la  各位同學都要加油呀!!

今日好早返學抄功課...

之後就上家政la  Ms Law今日好燥....  整芝士蛋糕...  但我都唔係好中意食....

跟住上chem  好多人(接近全班)都未做完chem呀  咁對答案la  係咁抄係咁抄  都冇點聽佢講野  所以都唔係好明 
抄完  點知佢話佢印左張答案  陣間派   早知就聽佢解釋la  唉!!

music 睇番上次做果個音樂劇  唉! 我果組真係做得好差呀...  但其他果d好好笑~~
評分  bigt組：18/20  Joey組：19  我果組：12  Philip組：16  初仔組：15

lunch去家政室攞蛋糕  之後今日同景瑩佢地係學校食呀  其實學校d飯都好好食  又健康  又大盒  都係14蚊咋....

最後一堂成長新動力la  今次都幾好玩呀

放左學又去溫書班la  溫maths....  係咁做數la~~

返屋企就補習la  補bio  眼訓到死....

終於做完哂d網頁  今日好早就訓得la 哈哈哈~~~

今朝何輝輝攞獎呀  一金一銅  勁呀...  佢先前又話自己冇獎攞ge...

今日好眼訓...

上西史堂  睇片  就係咁中眼訓....

之後上左一堂phy  第二堂phy 就轉左做中文 

成語小測呀  原來有得揀ga   咁我都識ga 

maths 又轉左geog  做地圖閱讀測驗呀  死la  我發現好多我都唔識做  好彩隔離位識... 哈哈哈~~~

放學  又留係溫書班la....

返到屋企  就要搞果d網la  仲有幾份  但個肥彭又走左去東涌  唔知幾時返  都唔知做唔做得切....
11點佢先黎到我屋企  搞左好耐....   跟住佢走左...  返到屋企繼續.... 

搞到3點先做功課  跟住做做下chem就訓左喇....