今日約埋小華一齊返學呀  特登早D返去送禮比Philip...

ms wong 今日著左件鮮紅色既衫呀  真係好正~~

eng 好好笑  oral presentation 選香港先生呀  ms wong訪問阿ball果組  個個都高過ms wong  仲要一個一個咁遞增...

math 小測呀  好采做得切...  但有d個答案o岩  但係個方法又唔同ms chan講果個  希望都有分啦...

好傷心呀  個ms wong讀左個溫習班名單  有我名架  但之後又話讀錯左  冇得去溫習班呀....

放左學去左做中文oral呀   好緊張...  但都講得ok la...  好遲先上去上勵進呀  聽少左好多野...

之後同師父  小華  一齊去買水樽呀  三個都一樣色...

跟住就返學啦  燒烤晚會  嘩~ 我都未試過行雷閃電燒野食 仲好大雨...

食左都唔係好多野...  8:30就走la  返到屋企  好累  10點就訓左教喇...

今日一訓醒  就發現我未做完d功課呀  做淨本EPA作業  兩課呀...

返到學校  就lala聲做la  唔自己做la  抄人咪算lo...

果個ms wong好煩呀  阻住哂  成日走來走去  搞到d人做功課都做得唔順暢...

中文堂呀  答問題果陣把聲變左  痰上頸呀  死喇  開始咳la...

小息  送左份生日禮物比Eva喇  haha... 大家都好開心  太好la...

派左普通話個小測la  28/50 合格呀  我諗我都修到普通話掛~

eng quiz  我串錯左個embarrassed呀...  但其他都識識地la

epa 好眼訓...  之後對作業  我仲爭一頁未做呀

maths 做數...  我好幸福呀  雪華拍埋我張枱  同我一齊坐  我左右逢源  haha... 
個何輝啟玩果隻手  我諗左好耐  都唔知佢點整  之後c lam話比我知  原來係好簡單架  但點解我會咁白痴  諗唔到架... 

放學la  去左地埋室  傾音樂果個野  ms chan請我食奇異果呀  真係奇異恩典...
之後由地埋室傾到去canteen  昕怡姐發火  好恐怖...

跟住...  好趕呀  同小華去買philip既生日禮物  之後就趕返去補習  遲左3個字...

我又改左張選科表la... 

今日一早就起身溫Geog...

跟住就返學la.....

今日ms wong著得好青春呀  做左法老王個妹....  給人一個耳目一新既既感覺....

eng 玩果d類似分類拼字既遊戲  好好笑...  我地果組出哂貓  之後要寫組長名  大家都你推我讓  最後寫左詩(二次)輝南....

Geog小測呀   唔識做...  死得la...

放學去左勵進  好多數都未做呀  又好難喎  上左半個鐘就落堂la  去左canteen食雪糕  李sir請呀...  之後就講下選科d野  唉~ 我忽然間好唔想入到a math班呀  我諗我要改改張選科表la...

今日都係返學啦...   Day 2

bio 又派新筆記la  咁多份  考試都唔知點死....

maths  又做數喇  但今次d數我識呀  但做得好慢...

終於都有野講la  大家用左好多時間去冷靜...

小息  我覺得有兩位人兄  做d野好衰呀....  搞到我好唔自在...

太好喇...  唔洗上PE  我尋日特登整左個雨天公仔ga  但我今日唔記得帶傘...
咁唔洗上  就留係課室做數啦  ms cheung叫左我同小華落去借書  我F.1到兒家第一次係上堂期間去圖書館借代堂果D書呀 

lunch之後  eng  比ms wong叫左出去改人地做果d野  不過我唔識呀  企左係度...  跟住好眼訓呀...

轉堂先搞笑   係度玩手指  原來無名指係長過食指ga  但有個人例外   笑死我地....  佢d手指好可愛...伸唔直~~

放左學就去中樂團la  好鬼眼訓....

今日隻手甩皮la  d皮甩得好勁  小華話  我隻手好似發左霉咁  haha  好貼切呀  笑死~~

今日一早就起身做埋d功課...
6:20 打左個好大既雷  嚇左我一嚇  之後個天就黑沈沈  落雨la...
跟住就返學喇...

今日呢... 我總係覺得有dd好似好embarrassed咁...
仲要咁o岩一齊入課室  又坐得咁近...  感覺怪怪的  好似唔知點咁...
『輕輕的一個吻  已經打動我的心?!?』
今日就全日都冇野講啦  佢又唔講野  我又唔知講咩  但今日我都係得兩堂咁大把  留係課室上
本來呢  我諗住問佢借本maths黎抄ga  但係『就是開不了口讓他知道  就是那麼簡單幾句我辦不到...』

家政堂  冇得整野食  係圖書館渡過左兩堂既家政  Joey 揶揄我呀...(玩姐)

之後chem  比ms man叫左兩次...  一次問問題  一次答問題...
果隻馬騮撚化我呀...  佢同我講"今日我地班有一男一女一齊返學呀!"  咁我就好8婆咁問 "吓! 係咩  邊個呀?"
之後雪華就話" 唉~佢講緊你呀..."  我好無奈...  但又好好笑....

今日填左選科表la...  好難決定...  仲未諗到修唔修普通話....

今日一起身就做左d功課  之後就去左大窩口  同karen佢地去報名呀  haha...好開心  暑假有得去camp  不過如果Eva都去就好喇~~
嘩~ 今日真係陽光普照 行果條路  真係曬到想死  好熱呀 『 Once upon a summer time  熊熊烈日大家曬  在同行同流汗之中加深了解... 』

之後就返屋企  坐左一陣  返學...
中樂團演出呀  返到去練左幾次  食個lunch  又返去綵排  咁就出發la...
我帶左d功課係架車度做呀  d字好樣衰  haha...
去到  見到Sandy喇  但真係好無聊  冇野做  係度傾偈  聽歌....
呆等左幾粒鐘  終於都到我地出喇...  等左幾個鐘  拉得幾分鐘...
拉完就走la....

今日我個表妹1歲生日呀  咁有意思  但我都去唔到同佢慶祝  好遺憾....

我覺得呢... 雁雁嬲左我呀...   佢今日冇同我講過野  平時一見面  就咩都講  廢話都講  但今日佢一句野都冇同我講  我都有療佢講野ga  但佢即刻同第二個講野...  撘車  佢又唔同我坐喎  以前不嬲都一齊坐ga...
我諗....  緊係星期六  我地睇救命  所以佢唔開心la  但其實我地都冇錯ge...  點好呢~??  唔想冇左個朋友~~
希望聽日會好d啦...

今日一早起左身溫書  因為陣間First Aid mock exam....
咁返到去就考啦  筆試 都幾好la  41/50   之後就到考實習la  好緊張...
考完就走lu...

去左馬騮屋企  好多人呀  好熱鬧... 有Joey 肥鴻 何輝輝 喬喬 阿ball lamlam c lam 文文 雪華  kaco M奇 Philip 雁雁... 
一d人就打機  一d就打牌...
之後我地就睇碟la...  睇豪情... 但之後馬騮媽媽返黎就熄左佢la  睇救命...  跟住Kaco同雁雁走先  嘩~套野都幾變態  睇完之後個個都係度講"割腎"  Philip仲成日講  "我遲d再打電話比你  話比你知點樣攞個腎出黎丫！"
跟住玩扲綿胎  笑死....

跟住就打邊爐la...  好多野食... 

但本來約左師父游水架  不過遲左打邊爐  趕唔到去喇  ~爽約~  好對唔住呀... sorry  師父你唔好唔開心  同埋唔好怪我呀...

打到好夜呀  打完之後就玩la  玩7級豬 
佢地都玩得好激(對於我黎講)  我的第一次....
跟住又玩truth or dare  成日都要咀人... 又比人問哂d祕密...  我唔中意玩呢個game...
好中意馬騮個媽媽  馬騮話"你信唔信我叫埋你落玩"  佢媽媽答"你信唔信我夠膽落黎玩..."  haha...  真係搞笑~~

玩到就黎11點就走喇... 

今日比平時早左d返學  我入到課室  見到一個好好笑既情景  就係....
有一大堆人圍埋一齊  係兩張枱度抄功課  仲要全部都係英文  第2,3行有一堆   第4,5行又有一堆  跟住Joey無啦啦好大聲咁叫〝黎緊喇〞  d人既反應非常一致  全部人都以最快既速度返埋自己個位  而佢地行走既路線非常配合  行得好流暢  完全冇碰撞  係好短既時間完全冇破綻咁令ms wong入到黎見到個個都好乖咁坐係度等早會  3B真係夠團結la....

eng  好笑...  Leslie = 神犬拉西... 

小息...  非常之咁開心呀...  師父 竹竹  詠婷  佢地送左份大禮比我呀  真係多謝哂呀  好靚架  好得意  又好玩...  笑足成個小息~~  

history 好好笑  玩估字...

physics  又係好搞笑  lamlam好得意  雪華用隻眼污辱左lamlam... haha...  跟住又係度唱同撈同煲d歌  好底死呀...

lunch  同宗宗交換pastpaper  haha...  有人請食蘋果批呀~~

after lunch  好好玩  去左3A  叫Ken扮肥區個坐姿  笑死...

中文  派左默書呀  94分...  個何輝啟傻左,,, 眾口一辭 佢就寫眾口一"亂"  將功贖罪  佢就寫將功贖"罰"  真係錯得好笑~

之後佢講左好"恐怖"既"鬼故"呀...   笑死我同c.lam...  都未聽過一個咁恐怖既"鬼故"....

Maths  仲搞笑...  咁南南又同c.lam又係度玩啦  ms chan就叫佢地唔好拖手仔  講完之後都冇乜野  但係隔左一陣  何輝輝係咁係度笑  但我地都唔知佢笑乜   不過佢真係笑得好開心...  跟住就到我地笑喇   係笑何輝啟呀...

放左學  chem勵進  但太多人唔得閒  so取消左  咁我就倍佢地去美工啦   又係度傾  傾得好好笑...
之後就一齊去左新都會談心...  行行下  係葵廣見到區Bird同景瑩呀  咁佢地兩位就加入埋我地既行列  一齊去談心lu...
合共11個人  有師父  竹竹  詠婷  我  雪華  c lam  文文  lingling  雁雁  區Bird  景瑩.....  不過如果小華都係度就好喇... 
一齊玩  一齊談心  好開心呀....  跟住又去M記食雪糕  食完又傾  傾到7點幾就返屋企...

" 奕南無限好　C lam已黃昏  輝啟的快感...... " << 師父新作~~

夜晚  老豆又同我傾偈la  佢講d野都真係好o岩既   但記唔記得就好難講...

但我都希望我可以做到  手提  應用得用 唔好爆分鐘  傾電話要用屋企電話....
                            放學返屋企做左功課先
                            夜晚早d訓
                            返學要知醒
                            要好好分配時間.... 

今日Karen同Eva一齊 mor我呀...  真係好朋友^^

返學啦...    今日上堂全日都冇恰眼訓呀...

Eng  Ms Ng今日黎睇我地上堂呀  果個ms wong 噴香水呀  講野又扮哂溫柔咁  好恐怖呀~~

電腦  整網頁呀...  好有興趣上堂...

中文  派左默書呀  得58分咋  好唔掂呀  之後又默書  默完又測驗...  真係多野做...

放左學去留堂呀  留堂班d人好煩呀  果班F.2都白痴既  成日係度扮哂串咁  講埋哂d廢話  又係度講粗口  好憎人講粗口呀...  仲以為自己好好笑...  真係影衰kcckc

留完就返屋企la  又加左d歌落個日記度...  之後就補習la  好耐都冇補習  今日都幾多功課架  尤其是英文...

但唔想做workbook呀   唔做la....  

就算好心地　不足以選美
論舞姿都不夠伶俐
懷著缺陷美當作福利
麻木去做你的知己

未似小公主　都不夠優美
為你好都需要迴避
難道美麗至有專利
我怎去比也沒法比

＊扮相好　賣相好
六呎高　就最好　那樣吸引
柔順秀髮　才合襯＊

＃怪都怪　扮相差　賣相差
未夠高　未夠好　我沒吸引
明白與你難合襯　博得憐憫
那些漂亮世人　至匹配做情人
無需關懷來當做扶貧＃

像隻小青蛙　都不夠可愛
是個講姿色這年代
難道每滴愛變作傷害
才令眼淚變得光采

扮對好兄妹　怎可以戀愛
就算花青春再期待
盲目再為你去忍耐
我哭到得對大眼袋

REPEAT＊＃

這個世界只愛美　用美醜　判斷人
看看那個喜愛我　沒有人

REPEAT＊

怪都怪　是我醜　別獻醜
就放手　就要走　我沒吸引
明白與你難合襯　博得憐憫
我相信自己有日夠好人
明天醒來能變做情人