尋晚係我第一次響日本打麻雀

一直打到今朝6點

打到腰酸背痛, 鬼咩....我地要坐地下打, 仲要得閒掉位

尋晚本來係我, kayi, ian, 阿茶4個人打既

不過kasin過左來, 阿茶又無啦啦放飛機

由廣東牌變咗大陸牌.......haha

同佢地打牌好鬼死搞笑, 真係咩笑位都有.......

唔知幾時再有機會同kayi打牌呢

20號開學....

基本上已經準備好了, 來緊這2年應該係我學業上既衝刺

努力挨埋這2年, 便準備踏出社會~~

早2日返學orientation, 已經見到我班既人

日本人大概佔一半, 其餘都係外國人

台灣, 韓國, 泰國都有, 香港就好似得我一個

之前全校都好似得2個香港人, 今年唔知有幾多個呢.....

今日又打掃完間屋, 打掃真係幾消磨時間, 不過好多垃圾 = =

ヤナギ、誕生日おめでどう∼∼

尋晚同阿茶食飯, 跟住渡過咗12點既生日

今晚我同kayi響屋企食完飯再同佢慶祝......

不過我覺得尋晚開心D

2晚都趕唔切搭去大塚既電車

好彩仲有車去池袋, 結果我今晚同kayi一齊行返屋企

我好朋友Kayi終於響尋晚返咗來啦

今日一起身就彈咗過去佢間房吹水

一直到夜晚......

Ian過咗來, 仲整咗個黑椒雞andキムチ鍋

超~好食

今晚餐飯真係好~好~好~開心.......

p.s. 本來昨晚諗住唔瞓, 一直到今晚早D瞓, 調整番D時間

        點知.......今朝9點終於頂唔順, 瞓鬼著咗, 一直瞓到4點

        今晚都唔知點算...................

今日下午無聊得濟, 落咗街行咗一陣

經過大塚個公園, 原來都有桜花睇, 仲有D人帶D狗狗去散步

D狗狗真係好鬼得意丫~

仲見到D人開始野餐睇桜花......

如果我有一大班朋友一齊玩就好啦

天氣又唔熱, 涼涼地.........爽呀~