早2日同阿茶食飯, 佢無啦啦話買個沙包返屋企, 我當然舉腳贊成啦~~
沙包~~哈, 我就諗起以前返跆拳道既日子....... 
那時大概10歲左右, 就加入咗跆拳道呢個大家庭, 一個禮拜大概操2日, 果時識咗好多朋友, 吹水仲多過操拳wakaka
記得剛剛開始玩既時候真係好辛苦, 又要拉筋, 又要做體能, 不過熬下熬下到咗綠帶之後
原來更辛苦既野等緊我, 除咗操基本既動作, 套拳之外.......仲有博擊........
剛開始打既時候我係唔鍾意戴supporter, 次次打完手腳都總會瘀晒 haha
後來因為出去比賽唔戴唔得, 所以練習時都要戴番, 剛戴既時候好似比人綁住咗D手腳咁, 好唔習慣
不過D瘀傷又真係少咗好多......
記得每年臨比賽之前既2-3個月開始, 差唔多3日唔埋2日就要操拳, 應該係全年最辛苦既日子
暑假既時候仲日日6點起身去跑步, 如果果時唔係有班師兄弟姊妹, 我早已熬唔住啦
同佢地嘻嘻哈哈咁, 過下一日過下一日, 好快就到比賽既日子
每年比賽我都要增磅, 次次一齊去食飯既時候我都可以食好多好多野, 驚死唔夠重咁,
如果我E家可以回復番好似以前咁就好啦, 不過都應該冇乜可能GA LA~~~
我打咗幾年比賽, 基本上除咗返學之外, 就係玩跆拳, 我既努力有血有汗, 但係未試過攞冠軍....唔知係咪我其實唔適合玩跆拳呢~~
跆拳除咗博擊之外, 其實仲有套拳比賽gei, 反而我對e個項目比較有信心, 年年都有獎攞, 咁當然都攞過2-3次冠軍啦
可能我比較適合表演啦, 所以以前個個師兄都叫我"花樽" haha
我好記得我14歲生日既時候考咗上黑帶, 自從我考咗上黑帶之後, 我同班師兄弟仲有師父比以前更close, 佢地好似我d親人咁,
好錫我, 教我好多野, 好幫我........可以話除咗響日本既日子之外, 最開心既時刻
果時最唔開心既事就係,我為咗參加學校既一個活動而冇參加青少年訓練班, 見到同我一樣可以入少訓既師兄弟
已經入咗港隊, 真係好鄧佢地開心.......不過可能我有參加既話, now未必會響日本讀書, 所以都冇話好後悔gei.......
直到考會考果年就開始冇玩lu, 跟住就出咗嚟做野, 過咗日本, 跆拳道短短既生涯就係咁結束咗
響跆拳道既日子雖然唔係好長, 但係所發生既一點一滴都唔可能盡講, 亦都係我一生人入面最深刻既日子......
其實到而家我都想玩番跆拳, 不過身在日本, 同埋就算再操番, 都冇可能可以好似以前咁fit ga la
不過讀完書之後睇下會唔會當佢係一種運動咁玩番啦......
又或者同d師兄弟食下飯咁啦, 其實我真係好掛住佢地
有機會我會再寫下跆拳既感受同埋過程 hehe~~
|
