| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 1 月 27 日 星期五  | |
都唔知又得罪左d咩人….  |
我講我自己d野.....又無攻擊任何人!! 我唔知點解d人,可以一輪咀係咁係度講粗口.....我相信主席唔會做d咁o既野,況且,我並無講任何野攻擊主席.....你地唔好以為我唔知邊個,其實我已經check到,唔好懶醒...以為唔講名,就可以咩事都無....我都講過啦! 要check o既話,總有辦法check到....如果有咩係得罪左你地o既,你地又有理據去講o既,做咩要唔打名....打名o既話,起碼我都知你由咩角度黎睇事情,俾大家評評理,睇下你講得o岩唔o岩.....講粗口係絕對不君子行為,仲要係別人沒有得罪你o既地方下講粗口,更加係要不得...擺明就係對人不對事...呢個絕對唔係一個文明人會做o既事情.....請各位小心言行! 有咩做得唔o岩o既,咪出聲lor....絕對無需要係咁打粗口!! 一來我唔知你係度做緊咩,第二你俾人o既感覺只不過係度無理發洩、蠻不講理!! 依家我咁俾心機去改,我好似做緊d我應該做o既事....除非你地同我講,我依家做呢d野完全唔o岩,應該同主席撑到"行"...唔該,各位,我做得唔o岩o既地方當然要講...你地唔好係又鬧,唔係又鬧至得gar.....
P.S. 今次同上次一樣....講粗口o既人又捲土重來....只不過,係原因不明....今次都預左d同學,係"大難臨頭各自飛",自己捱啦! 都無咩好講啦......
|
| 刊登時間︰2006-01-27 03:18 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 1 月 26 日 星期四 | |
開心到癲左呀! 唔知可以點講…..  |
今日同主席、JoJo、Sam、Jackie去銅鑼灣中央傾History, Cathy Yeung話要借書,所以就一齊….主席遲左5分鐘….Jackie同Sam屈主席請佢地食飯…主席真係睬佢地都有味啦!
上到圖書館,係咁搵…去完六樓又落三樓,三樓之後又落二樓..係咁周圍去! 都幾無聊下….之後搵到,就坐低傾…但係勁多人…..去左一個神秘o既地方傾…kaka..有兩個廢話王,無可能傾到…係咁講廢話! 最後一人借左一本書…
之後同主席同Sam+Jackie搵Pride and Prejudice o個隻CD….Jackie叫我同JoJo落三樓搵本書俾佢做網上閱書報告….叫我幫你搵??真係蠢….結果就當然俾我玩啦! 搵左本”獨自去偷歡”o既書俾佢…勁好feel!! Jackie個樣好無奈…..
Jackie同Sam幫主席搵唔到….之後仲丟下我地三個女仔,去二樓睇無聊野…我地三個,就繼續搵….再問多次部電腦,但電腦明明話係架上,點知都係得個吉….都唔知搞咩….
我地四個之後就去左玩….主席同JoJo話去行花市,但去食M記先…我同Cathy Yeung就陪左佢地兩個去食野…..係補習附近,有條馬路,可能主席唔知d車可以直行….但係我地三個知,所以我地無行過去….但係主席又自己行左先…點知咁o岩有架車一野車埋黎….我地三個一齊大嗌主席….主席即刻行番過黎! o個下勁驚呀! 都唔知架車會唔會真係車落主席度….我諗主席差d嚇到鼻哥窿都無肉! 主席今日勁黑,之後又俾人撞,又差d俾d手拉車一野車埋黎….所以,之後都企係主席隔離…..
去M記係咁吹水….講下我地班d野,又講下電視d野…幾好feel!!
之後同主席去睇耳仔…..我地三個無行入去,只係係出面等主席….同JoJo講左好多野…..(講埋今日d行程先話你知講左d咩…)
之後陪主席幫禮物俾佢個friend….行左好耐,真係好耐先買到主席想買o既野….但係無所謂啦! 起碼都吹左好多水,同主席好耐都無試過咁傾計….聽到歌o個時,仲勁低能咁一齊估歌仔….kaka….雖然隻腳真係有d累,但我真係好開心….後尾仲勁high….雖然主席好似係咁串我咁…..但我都好開心呀!!
6點幾啦! 主席同JoJo送我同Cathy Yeung去搭bus…我玩到勁high,差d拉埋主席上車….kaka….跟住就懷住一個勁興奮o既心情番屋企!!
其實今日一開始唔係咁順利gar….主席去到中央都係咁癡住JoJo…..上到扶手電梯,我都feel到主席係特登唔同我企埋一格…行o既話,就算同JoJo拉開左一段距離,主席都唔會同我一齊行,都會等埋JoJo一齊…Jackie同Sam兩個一齊無理我…其實都幾慘!! 之後慢慢講講下,又無咩….Cathy Yeung又成日自己唔知去搵咩….咁我地三個咪成日都周圍玩lor….玩玩下,又好似無咩咁….都幾開心!!
之後講講下,我地兩個咪一齊行lor….都講左幾多野!! 平時點都好,都總會有Ivy Ngai佢地係隔離,根本好少有機會同主席可以一齊傾計或者點….我知道呢d機會唔多,所以我都唔想浪費…..因為每一個呢d o既機會,都係證明我自己o既時候….點講都好,今日真係好開心….真係好耐無試過同番自己個好朋友好似今日咁傾計….大家都好似拋開左一切,無再諗d唔開心o既野….多勞必定會多得! 如此o既實證,呢條辯題又如何能夠不成立呢???
主席今日入左去睇耳仔o既時候,同JoJo傾左好多野….其實,o個個想道歉o既話又有d咩用….我覺得無用lor….佢應該要解釋,要做o既,佢都無係適當o既時候去做….咁佢依家講咩都係無用….就算我將幾多o既責任推係你度,結果都係要由我一力承擔…我推落你度,我就可以咩事都無….我依家好清醒,我知我自己點做至o岩….我點唔睬你,都只不過想發洩我自己o既情感….你只要做番你自己應該做o既野就夠,我呢一刻,唔使你幫我啦! 要怪就只怪我當日蠢,為左你呢個人而去犧牲我o既好朋友,呢個爛攤子,我會自己收拾….
唔好再提呢d野啦! 唔係JoJo講,我都唔想再提…今日同主席都唔提啦! 咁以後都唔好再提啦!! 我知道依家呢段友誼正係修補當中…好脆弱!! 好似雞蛋咁….無論點都好,我會盡我能力,唔俾呢個雞蛋再受任何事情打擊…..我會好好保護佢!! 我知主席交友技巧超級高明….你以為你自己已經做左主席o既好朋友,可能根本就唔係…..主席比較難以捉摸!! 好難講依家恢復到幾多成….要問下主席至知!! 我會俾心機,正如Pat Pat所講,修補一段友誼係極需要時間…..我會俾心機! 我會以事實去證明一切….
今日派左對劉永生o既辯題:中學生不應該擁用信用卡….2月4日,係BPS禮堂,4點鐘呀! 希望3D班每一個同學都到齊啦!!
今日真係好開心….開心到你唔信!!
|
| 刊登時間︰2006-01-26 11:23 PM [ 訪客留言(2) ] [ 編輯日誌 ] [ 分享至FACEBOOK ] |
| 2006 年 1 月 25 日 星期三 | |
發完夢先知原來呢個只不過係一個夢.....真慘!  |
唔知係咪噚日太high....high到發左一個勁好o既夢! 竟然係同主席好似以前咁....真係發左咁o既夢....所以噚晚勁好"訓"....醒番o既時候先知,原來我自己只係發緊夢! 唉....真慘......
下次不敢 (電影《童夢奇緣》主題曲)
繞一個圈 又過了一環
犯錯以後才後悔會不會太晚
就算認錯 就算你說
下一次 我不敢
失去容易 啊 回頭真難
日子再壞也必須要走完
啊 在生活中 每一個人
應該有對自己最誠實的那份勇敢
朋友啊 雖然哭泣常常讓人太難堪
其實眼淚也有溫暖
流過淚的你才能慢慢成長
有傷心才會懂得有心歡
啊 抓緊時間把你感情的帳單
好好去認認真真一一的清還
為身邊每個人
請不要再怠慢
讓愛火一再點燃
從今我不想
再聽你說
下一次我不敢
今日要返學校練波....諗住擺張學生證o個時,唔知張野走左去邊,結果就無擺....但寫出入紀錄o個時見到主席張學生證...但係練左3個鐘波,都見唔到主席.....練波o個時,係咁同Becky玩....勁低能! 係咁玩d變態野....好搞笑....Becky識攻唔識守! 練接力o個時,係咁同becky係度扭Pat,好無聊.....Miss Lam上堂叫我地B Grade一人mark一個,我mark左何健欣....雖然我射波勁"屎",但我都識"紙上談兵"o既...係咁亂講野....教埋佢d勁無厘頭,又白癡o既野....係咁係度玩....俾d F.1仔話我教到何健欣勁似隻雞.....無計啦! 鬼叫佢俾我mark咩!! kaka....
返到屋企,係咁搵張學生證! 原來上個禮拜借完書之後,擺左落裙袋....差d嚇死我!!
下午去左補習....好無聊! 今日好似好high,成日都做錯數....真係煩! 又係咁同Anita吹水....唉....原來Anita仲未同佢個friend好番....哎呀! 算啦! 唔使咁執著....一人退一步! 大家見到都唔好咁尷尬啦! 係咪?? 今日等左Anita好耐,所以又好遲先返到屋企....
都唔知個老豆又發咩癲....無啦啦又走去睇甚麼骨質疏鬆測試....跟住又唔知聽個醫生講埋d咩廢話....買左成大樽o個d補充鈣質o既野....都唔知會唔會食鬼死我!!
頭先打俾主席講History....主席滾水"六"腳....好似趕住搭飛機! 所以講低左聽日d野就即刻收左線....o岩o岩好44秒.....
係啦! 俾埋我篇文俾你地睇:
我的改變 三丁 蔡親穎(04)
九月的一個黃昏,太陽漸漸下山,夜幕低垂,我溫習了功課,便趁機收拾一下那凌亂的抽屜,竟然發現了兩顆巧克力。為什麼它們被遺棄了呢? 為什麼它們未被吃掉呢? 心裏充滿著一連串的疑問。我拾起了它們,不知為什麼,心情突然十分激動。對! 只是兩顆普通不過的巧克力,我記起了,這兩顆巧克力是大有來頭的,它們見證著我所流過的淚水、汗水和努力,令我整個人也改變了!
記起中二下學期的某一天,班主任向我們宣佈,我和其他三位同學將會代表班參加辯論比賽。那時,我並沒有因為能夠代表班比賽而感到興奮。我根本對辯論沒有興趣,而且高年級的同學很厲害,出去比賽,也只是有出醜的份兒。但無法推掉,只好抱著｢玩玩下｣的心態參加。
很快便派了第一題的辯題和立場,我隊卻沒有人願意去搜集資料。一天,一個高年級的女孩來我班,原來是辯論隊派來的訓練員,也就是我們的師姐。她身形瘦削,擁有一雙清晰的單眼皮,一頭長髮,臉上仍帶有一臉的孩子氣,但她沒有笑容,又不愛說話,給人的感覺既冷酷,又斯文。她得知我們還未開始準備,顯得有點兒失望。接下來的幾天,我們乖巧地搜集資料,撰寫、整理及練習講稿,師姐也從旁耐心地指導我們。比賽時,雖然我們的準備並不是十分充足,但我們的臨場發揮很好。這一關,我們僥倖過了!
當同學仍在為我們歡呼、慶祝時,我們又要展開下一場的準備工作。今次對手的隊員全部來自學校的辯論隊,對我們這些新手而言,無疑是一個極大的挑戰,所有人都認定我們必定出局。這反而沒有打擊我們的自信心,更激起了我們的鬥志。師姐更大力支持我們,她對我們說,沒有事情是不可能的。我們也像發狂的一樣,不斷搜集資料和開會。就連假期也不放過,再加上平日的功課,真的忙得透不過氣來! 師姐那時已是一名中四的學生,功課比我們更繁重,但她為了我們,不怕辛苦,就算是捱到深夜,也要替我們整理講稿。我們有不明白的地方,她就詳細解答,直至我們完全明白,師姐捨己為人的崇高精神,令我們深受感動,決定以勝利來報答師姐。
比賽時,對方明顯缺乏準備,反而,我隊卻發揮超水準,博得全場的掌聲。宣佈我們勝利的一刻,我們真的非常開心,令所有人對我們另眼相看。而每人的獎品,就是這兩顆巧克力。
最後,決賽的時候,因為我差勁的表現,令我隊落敗,我也哭了很多天,但我並沒有氣餒,因為我相信這兩顆巧克力,相信沒有事情是不可能的! 我在這次比賽學懂了! 憑著它,我成功進入學校辯論隊的大門,做了很多我以前覺得沒有可能的事情。
｢姐姐! 起來吧! 要上學了!｣妹妹催促著。原來,不知不覺間,我睡著了! 我揉揉了眼睛,看著自己的手,仍然緊握著那兩顆小小,仍有餘溫的巧克力。望出窗外,看見了剛剛升起了的太陽,高高掛在天空。對呀! 起來吧! 要做個｢相信自己,沒有事情是不可能｣的人,要像太陽一樣,鬥志永遠是這麼旺盛,永遠都是不滅的。不單要照亮自己,還要照亮他人,就像師姐一樣。面對未來的挑戰,我已經準備好了! 你呢?
其實,我覺得都唔係老師講到咁好....只可以講係感情真摯,中間o個part好似有d悶...我覺得!! 每篇作文、每一個人都有佢地o既進步空間.....
加油呀! 3D係班際一定會大放異彩,我深信..... |
| 刊登時間︰2006-01-25 09:23 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 1 月 24 日 星期二 | |
| 好開心呀! 真係好開心...... |
今日下午,同主席+Stacey上左Ivy Ngai屋企玩.....話就話做Physics,做鬼咩...係度睇野....Oh! xxxx.....真係好嘔! Stacey仲要話我好陶醉....主席勁好feel,話無感覺....勁pro!! 之後好無聊,走左去打麻雀....係咁俾Stacey同Ivy Ngai笑我手短lor...又係咁食Ivy Ngai屋企d野....當正自己屋企咁....白癡!! 之後程泰來打去Ivy Ngai屋企....Ivy Ngai叫我扮佢阿媽.....又叫我扮阿爸同北姑...我係咁係度亂講野....笑到佢地三個死死下....見到主席咁開心,所以我都好開心,愈玩愈過癮....仲搵埋陳沛糠玩,點知俾佢"篤"穿左....kaka....
係咁同Ivy Ngai玩變態野....勁好feel!! Stacey對我真係"好",一d都唔好玩....之前企圖同主席玩,係咁搵d公仔掟佢,但係主席好似唔係好理我,所以我唔係好敢同主席玩得咁癲...淨係同Ivy Ngai玩,有d悶.....Ivy Ngai係抵死,係咁用我後面o個個帽笠住我,好似上次同主席係Times Square玩o個時咁....雖然好好玩、玩得幾開心,,但係無咩o個次o既feel.....之後睇Harry Potter....睇左半個鐘到就要走啦! 因為要返屋企食飯.....
之後Ivy Ngai去左華潤買豬骨公仔麵....咁我同Sacey+主席,就走....下落去o個時,有試過同Stacey傾計..但係佢唔多理我,淨係理主席....所以我都無再講野!! Stacey話搭bus,咁我都搭bus啦! 搭8X就係最快....雖則我明知主席8X都到,但係我都無出聲...咁同一架bus又點wo....上到車,無野講咁...主席好似會好慘! 之後都希望2A快d到,Stacey可以同主席走先...咁費事主席對住我咁無奈...
今日雖然都無咩話點....但我都費事亂講野啦! 本來就無咩野..上次Physics之後,主席就好火,仲係咁鬧我,增加左主席對我o既仇恨....早兩日,係Firstclass chat都激嬲左主席....所以都唔想再提d敏感話題....我成日都亂講野,等間激嬲左主席,就手尾長啦! 好耐都無令主席咁開心啦! 所以我自己都幾開心.....呢d野,一步一步黎啦!
今朝同Becky去練跑...陳微同另外一個唔知去左邊.....勁凍,爽到暈! Becky跑左勁耐,支棒好似點都到唔到我度...可能我地兩個都手短啦!
噚日老豆見我勁唔開心...用左千三蚊....買左兩隻G-shock俾我....兩隻最勁靚,係國際版....但我都無咩特別開心! 因為我需要o既唔係呢d....
2月4日VS劉永生呀! 係BPS個hall.....希望你地個個都黎到啦!! 你唔支持我都好,都支持下Sam、Aaron、黃振鋒、Sonza同劉志豪啦! 再唔係就俾面賴sir同Miss To啦! 我地IMSC辯論隊需要你地o既支持gar.....
今日都唔知點講好....好high....雖然都俾主席串.....但係我都好開心、開心、開心、開心.............. |
| 刊登時間︰2006-01-24 07:37 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 1 月 23 日 星期一 | |
時間就等於完全沖淡所有事情???  |
今日補習,同Anita講我自己d事....問下佢點睇! Anita同我講,話F.2 o既時候,佢都同佢一個好好o既朋友"炒"左....佢對呢個朋友好重視,又係好似我咁,覺得唔可以無左佢......但係上到F.3之後,可能時間沖淡左,就算自己後悔,想喊o既時候,都"欲哭無淚".....係咪時間真係可以沖淡一切???記憶係咪一樣會隨住時間一樣咁走???信心同決心呢???係咪一樣會隨住時間而走???但我最需要o既係信心.....無信心,就咩都做唔到!! 唔知呀....但只要我一日有信心,一日都會堅持!!
今日成大半日無講過野.....係打籃球o個時,叫做好d.....今日入左6分,平時一分都入唔到,理應幾開心,但係今日就無咩表情....入左呀,咁咪入左lor....好似無咩大不了! 同阿爸、阿媽食buffet o既時候,十句野都無講過.....只係不斷咁諗.....
之後同師姐一齊係補習之前一齊影貼紙相.....見到佢就係咁講野....一d都唔似唔開心! 咁o個個始終係我師姐....無論點都唔可以令佢玩得唔開心......但係之後我都同佢講左今次呢件事......師姐的確係一個好好o既聆聽者,俾我盡情講完,先俾意見我....咩事都可以同師姐講....唔使驚佢會講出去,又唔會亂咁講野,打擊我自信心.....一個對我咁好o既師姐,我都唔知點樣可以報答佢....但係我知道,我一世都唔可以靠住師姐,我始終一日都要"大個",要獨立....而且,師姐都有自己o個一班friends...無可能一call佢,就出到黎.....自己仍然需要身邊一d o既好朋友....
朋友無得揀....有就有,無就無.....(死啦! 神智不清,開始講廢話...)諸多要求,只會令身邊o既朋友愈黎愈少....好朋友可遇不可求! 失去o既話就等下個啦! 做到o既只能盡力挽救.....
有d同學覺得我賴落o個人o個度唔o岩.....我唔會叫呢個人負上任何責任.....就算叫,佢都唔會負!! 但係只可以講o既就係,如果佢一早解釋所有事情清清楚楚,唔好成日"事不關己,己不勞心"o既款的話,今日就咩事都無.....如果你話,佢係想睇到我地今日咁o既樣o既話,咁我都無野好講啦! 大家唔好再為呢個問題爭論...大家覺得有就有,無就無....大家有大家o既觀點同角度,我無法控制...
頭先打俾主席講History....不出所料,依然係一貫o既冷傲,一貫o既冷淡,一貫o既冷靜同埋一貫o既冷酷,語調依然係一貫的冷冰冰....主席的確有性格....簡直就係令人感到.....唔知用咩形容詞好! 唔緊要,幾難頂o既態度,我都會頂到.....
以後都唔想食KFC,唔想去會展,唔想再影貼紙相,唔想再食雞蛋仔,唔想再搭巴士,唔想再經過北角,唔想再整車,唔想再見到、食到、聞到一d會勾起我o既回憶o既野.....真係好辛苦!! 只有不斷咁逃避..... |
| 刊登時間︰2006-01-23 09:53 PM [ 訪客留言(0) ] [ 編輯日誌 ] [ 分享至FACEBOOK ] |
« | 73 | 74 | 75 | 76 | 77 | 78 | 79 | 80 | 81 | 82 | ... | 101 | »
|
