跌爛左指南針,唔會死....要堅強咁行落去!! 但係都已經過左一半,雖然今年仲有一大半o既路,要係無指南針o既情況下黎行....當然失去指南針固然痛苦....但係失去左,你唔會死....點都唔會死!! 只不過行呢條路會辛苦d.....你會迷失方向,唔知行邊邊先o岩....只要你相信自己行到,唔好怕任何事....拿住o個個爛左o既指南針,慢慢下落去....只要你相信自己,一直行落去....你會係最後o既勝利者,你會得到更深o既體會.....

今日同主席o既chat....無錯,係令我更加痛苦.....因為得到o既答案,係比理想中更差....主席唔俾機會我,的確係好絕.....聽d同學講,Physics之後,主席係咁鬧我.....我唔係好mind....無所謂! 無止境o既遷就,好似係我應該做o既事....主席唔肯俾機會,從好o個方面睇,就可以係呢個機會入面,學習一下自己一個人去捱,去行....我相信今年會係最難捱o既一年!! 有好多o既挑戰....主席今日講到咁....似乎想令我心死,似乎叫我唔好再對呢段友誼抱有任何希望,正情落哂度"集".....我知我講咩,主席都唔會聽我講,因為係我唔信佢在先....主席,我唔會俾任何事,打擊我o既自信心,我會開到o個道"集".....我o既鬥志將會更旺盛! 我知我令你對我失望,甚至你會覺得我根本就係另一個人.....但係,主席,我會以事實去證明,我並唔係你呢一刻所諗o既人,我會打開你心理o既關口,我係絕對值得你去信任!

Ivy Ngai話我未必會捱得住....你咁講,無錯! 我o既性格,根本就係唔捱得....但係人總要嘗試,唔捱過,就唔會有成功o既一日.....就係我當初肯捱,我今日先會係辯論隊坐得咁穩.....相信我! 我會做到gar.......

多謝"熊仁"又在一次係呢d非常時候出黎....多謝"熊仁"呀! 都唔記得祝你生日快樂tim....補番啦! "熊仁",我唔可以坐以待斃...你都知我唔係d咁o既人.....俾信心我呀,"熊仁"!! 我會得gar.....

之前睇本草藥王,個女主角因為傷心過度有暴盲症...睇黎我今次有暴笑症.....呢排feel到情緒波動比較大.....好驚自己會亂發脾氣!!

自從呢件事之後,我都無再特別諗過話鍾意邊個......雖然Ivy Ngai成日都話Sam.....我唔可以否認將來o既機會,但係呢一刻就唔係lor....事關佢個人儀容同整潔問題係極度之咁差......我都唔想再攞朋友黎做賭注,身邊o既朋友一個都唔想失去! 儘管佢地唔係個指南針,但係佢地係我身邊都有一定o既作用....

今日叫阿媽買KFC….唔知點解,我竟然諗起有一次叫主席陪我去食KFC…雖然最尾都無去…..主席,你仲記唔記得上年o個架車…o個架好核突、容容爛爛o既車…..我地一齊整gar!! 記唔記得,上年I.S.要做架車,打個高爾夫球…o個次,主席係第一次話要同我一組…..你仲記唔記特,我地一齊買料整,上你屋企整….雖然整出黎真係好核突,但都係我地整gar….雖然你都無點做過野,只係係度吹水,但係你都有陪我整呀! 你仲記唔記得,o個次本來我話去食KFC,但係之後太夜,我話要返屋企食飯,唔可以食咁多野…..你跟住就同我一齊落去,話帶我去食一個好好味o既雞蛋仔…..雖然好凍,好多人買,都等左幾耐….但係你都陪我買! 我仲記得d雞蛋仔真係好好味,外面o個層好脆,咬入面就好軟,好得意,真係好好味…以前食o個d都係軟綿綿,無呢種咁特別o既感覺…o個次係我第一次食到一d咁好味o既雞蛋仔….我到呢一刻都仲記得o個d好好味o既雞蛋仔…..我今日食KFC o既時候,竟然諗起呢個片段,眼淚不斷咁流,心就無比o既痛,再諗起以後可能唔會再有呢個機會o既時候…..眼淚就無止境地落下…..對不住呀,主席! 我真係對你唔住….我無任何膽量去面對你….我唔想好似魯迅咁,因為得唔到好友o既原諒,而內疚一世…..我都係呢個世界生活左14年,但我從未為過我o既朋友流過一滴o既眼淚,因為無論發生任何事,身邊都總會有一d人去支持我….今次係第一次! 以前F.2 o既時候,班上面個個都o岩玩,同邊個一組又有咩所謂….到左F.3,我開始覺得個個都有機心,唔再好似以前咁,咁天真….個個都成日講大話,俾我一種好虛偽o既感覺….我根本就信唔過一d同我唔係咁熟o既同學! 再加上,無左主席,就唔知信邊個好….主席一向都話俾我知,邊d係好人,邊d係壞人….以前F.2,就算要我過隔離組,都只係因為人數o既問題,多數都係因為唔可以多過四個人,為左主席佢地o個三個女仔,咁我都無咩所謂….但係今年就唔可以同以前去比較,如果人數問題,唔可以容納我地四個女仔,我過”熊仁”o組又有咩所謂,反正”熊仁”都幾好人!係主席無出聲o既情況之下,要我為左林威,我就覺得無任何必要…..

今年,就算你地話我自己攞黎都好,我徹底咁俾呢個男人害死…..如果佢一早親口同我講清楚o既話,唔好咩都唔講o既話,唔好成日”懶”有妗持o既話,今日就唔會發生任何事…..為左呢個人而犧牲左咁多野,真係唔值!!

好似個個都知我唔開心....多謝你地呀! 我會好快無事.....只要我盡快投入debate,應該ok gar啦!! 今日打第二次dairy,因為真係好悶....唔知做咩好.....成日係咁login firstclass,想同主席講好多好多好多o既野,但主席都係無online.....係咁玩接龍,係咁個firstclass on完又off,off完又on....好似癡左線咁....好tired!! 做咁多野,都得唔到想得到o既野!! 真係好辛苦呀! 好想搵個地方行下,嗌下....係啦! 語常會第一場係BPS禮堂打,對劉永生....講完都無會黎啦! 唔使旨意會有驚喜....就連班際都唔知主席會唔會黎,更加唔使講呢個啦! 無期望,咁就唔會有失望.....(自己呃自己,係人都知o既大話)....今日心力交瘁呀! 除左上次班際之外,都無好似依家咁o既樣....成日都好似想喊想喊咁!! 依家每一件事都好似自己做,自己捱,就算捱得辛苦都無人理,唔通唔行咩,無人會等你....做人要靠自己啦!

怪我  太過不智  忘記  體恤關注  強令對方配合自己
不會退一點
到底如何奉獻才足夠
承認有錯我不想講藉口
而欲語還休  誰勉強壓下對方  彼此都不會得手  傷害夠
自問  從前太霸道  像是  蠻橫的細路
今天是現眼報 要獨自去走這長路
你我 卻沒法相處 誰有罪也不懂寬恕 強令對方配合自己
不會退一點
求讓我再用百倍溫柔
留住你我願無限遷就
都不想你願走                           <<良心發現>>

錯了就不能開始過....點解呀,主席! 錯一次就一世......我需要o既時候,點解偏偏要離我而去....我可以點做? 我可以做o既都做左,真係差左未號係度認錯...點做先會有番呢d朋友呀?? 我知都唔可以"夾硬黎",但係等係一個無止境的事....俾d耐性啦!

今日本來都過得好好地....點解要為左林威同"茂豬",就想選擇犧牲我?....出聲o既仲要係Ivy Ngai.....茂豬唔係問題,而且我同茂豬d關係都幾好...佢個人都唔係好差,但我依家真係唔鍾意林威,呢個我要認....我係唔想同佢一組...我對於主席黎講,只不過係一個閒人,"係度就好似唔係度",可能根本就唔會當我存在.....諗到o既只會係一定要有林威,無左Stacey同Ivy Ngai就唔得....主席咁諗o既話,可以出聲gar....主席可以出聲叫我走....叫我去第二組! 如果我走,可以令主席開心,滿足到主席o既.....咁我有咩原因可以唔做....要怪o既只係怪我當初做錯左....每一件事都要"就"主席! 主席出到聲,我一定會做....我寧願自己捱,都唔想主席同我一組,次次傾野都係因為無左林威就木口木面....我唔想見到咁! 要彌補自己o既過失,就一定要咁做.....但係我唔明o既,點解係Ivy Ngai都會覺得一定要有林威,你都知我係唔鍾意同佢一組.....你當我係friend,咁我地一向都係同左主席、Stacey一齊....應該係我地四個為一體,而先去諗其他人....係你心目中,我竟然比唔上林威?? 你當我地係good friend,就應該擺我地係第一位....我都知你真係比較難替代主席佢地o個班朋友,但係你今年陪左我咁多,我都當你係我好同學、好朋友,但你竟然同我講,"不如你去"熊仁"o個組"....即係要犧牲我,而就茂豬同林威....係佢地兩個男仔就我地,唔係我地就佢地gar.....我覺得你唔會咁諗gar....你知唔知我真係覺得我睇錯左你呀! 完全唔知點解你要咁諗.....主席咁諗就當然唔同! 因為我係主席心目中,只不過係閒人....主席係唔想我係呢組o既,你出聲我就會走gar啦! 主席咁諗,我當然辛苦....但係主席你一日都放唔低,我地一日都係個僵局入面,唔會好似以前咁,雖然係呢個咁o既局入面,我真係好辛苦...唔知幾日先辛苦完.....同唔到你坐,我都唔緊要,我都唔迫你.....我自己真係好驚自己會同唔到你地幾個一組,調左位之後同你地無咁friend....我會唔驚咩.....我真係好驚呀! 但係我知迫左主席都無用,寧願我調前d,同你地隔開d....都希望主席上堂開心d! 都總好過日日上堂對住我都無厘心機,我真係無作大....作大都唔係呢個咁無心機o既時間作.....我自私d o既,我大可以迫到主席同我坐.....次次同主席講野,唔係驚呢d,就係驚o個d....都係因為主席放唔低.....我做左咁多野,主席當然唔知,主席知左仲可能覺得我係度作大...扮哂野咁....主席心入面係只有林威,而無我....係寧願犧牲我,都要林威....但我唔緊要,只要主席開心o既...我可以咁捱...我咁辛苦,我唔知自己仲可以頂得幾耐.....我會等! 繼續捱....捱到一日好似以前咁.....點解主席唔可以拋開一切,唔可以放低,你都識講啦! "人總會有做錯o既時候"...你自己講gar....點解我錯左一次,你就唔俾機會我.....我知我以前都好少為你地諗過,但我真係需要你地呀! 主席,我知我之前咁講,我係有唔o岩o既地方,講左句對唔住都唔係大哂.....但係我都有認錯啦! 咁我仲可以點呀? 咁我同你之前咁friend,有無必要因為一個咁o既人,而咁摧毀我地之間o既友誼.....你相信我啦,主席! 我唔會再錯gar啦!! 你唔俾機會,唔放低,俾個機會我地好似以前咁.....自己封死左條路,咁我地永遠都唔會好似以前咁.....我地之前咁friend,你捨得咁絕情對我咩? 捨得一個曾經同你咁friend o既好朋友? 值得為一個咁o既人而去犧牲我地o既友誼? 你同我講,你對我已經心死...你可能會答係! 我都知我對唔住你....但係我真係錯左! 你覺得我唔內疚...我會唔傷心! 我會好開心? 會咩! 點解呀,主席....唔好咁啦! 你唔俾個機會我地,咁我會內疚一世,你都會覺得有遺憾...儘管我知道我做左好多野,可能最後都係無用,因為主席唔肯放低....我唔理! 總之我一定會捱,我信我幾辛苦都頂得住!

P.S.贏左熱身賽,都唔係好開心!! 今次唔會怪任何人,要怪就怪我自己,當初咁蠢。

今日選過新班會....Miss Lau擺明就唔妥依家個班會,無啦啦轉哂....覺得好o既就留,唔好o既就搵人替....新o既班會主席係Joby,副主席係主席同Pat Pat,財政係Jackie.....文書同活動就無變.....今朝返學o個時啦! 要當值wo...見到Ivy Nagi同Stacey....佢地叫我提名Joby做班會主席,咁我唔係唔支持Joby,亦都唔係因為JOby係我學業上o既敵人而要釘死佢,而係支持主席比較多d....我都知你地話我假,唔使問...十個有九個都會咁諗lor....我覺得! 但係,Ivy Ngai話我討好主席,我就覺得有點兒那個.....作為好同學,唔係應該支持我o既諗法.....以客觀o既角度黎睇,主席的確比Joby多經驗,統領呢一班有一套o既方法.....Joby當然就人緣更好,擅於交際,同學一般都比較受.....雖然我先前係咁數主席,都只不過係為左洩憤o者....主席講到尾都有年半經驗,支持主席都唔係一件非常奇怪o既事....朋友,又或者同學之間,都需要同學去支持,尤其係個個都唔支持自己o既時候.....就算我未同主席"炒",我都會支持主席啦! 咁又無話特別想擦主席鞋,咁你地咁諗,我都無咩計.....

我覺得有時真係要睇人面色做人......o個個根本就唔係我.....但係我又唔想得罪人!! 但係o個個真係唔係我自己.....

噚日上性教育工作坊啦! 梗係俾d同學話恨到啦.....尤其佢問埋d無聊野o既時候,係咁係度亂講野! 但佢講d正經野o既時候,就好似好無mood,心事重重咁....kaka...有d誇張!! 但係係咁諗野lor...諗黎諗去咪又係o個d野!! 好記得o個個人話,我地人人都有一個好似蛇餅o既野...有一層層保護網!! 最外面o個層d人,就無野講o既...即係淨係知道佢個名o個d....最入面o個層就係知己,俾人起哂個起,好friend,無保護網.....但係我一次過就俾主席佢地四個由最入面o個層踢走左.....雖然我依家正在努力中,慢慢爬番入去.....而我最入面o個層,無啦! 一次過自己趕走佢地.....依家係無野gar....空空的!! o個個人講o個時,真係好多野諗....寧願佢講下d無聊野,唔好勾起我d傷心事.....噚日,講左一個勁好笑o既廢話....都唔知Miss Lau聽唔聽到! o個個人叫我地舉兩個鄭秀文o既绯閒男友,第一個個個都估到係許志安,之後第二個無人諗到wo...個個係度諗....之後我勁無聊話係鍾sir.....笑到d同學死死下!! 後尾話劉德華o個緋聞女友o個時,仲好笑,Sam話係朱咪咪! 笑到死下死下咁...勁hap...

今日就好tired啦!! Biology o個日差d"訓"左....之後係咁扯自己個眼皮,勁白癡!! 好在無"訓"到.....