經過呢三日o既艱辛旅程,我終於番黎啦! 去左一個唔係人住o既地方....今日篇diary都應該ok長...大家慢慢睇! 先講下食同住先啦! o個個咁o既爛鬼營舍,真係叫佢去死啦! 真係"大"到死lor....個廁所dirty都不在話下啦,明明話有兩個沖涼格,點知有個壞左....好在我第一個沖,次次都有熱水....之後o個d女同學就真係慘lor....Fish沖o個時,係忽冷忽熱...Koei沖o個時,更係無哂熱水!! 我地F.3有成10個女仔,邊度沖得哂....有d女仔迫於無奈去左男導師用o既房度沖涼....食都還好,有Sam,Jacky同Alec o既笑話做伴菜,都食得幾開心....d野食都ok! 係d咖哩角有隻"烏鷹"係度....都嚇到我地三個女仔一陣陣...

今次係玩o個方面都得著左幾多,要同大家由頭細味一下....我地有9個組員啦! 六個男仔:Bob(李柏毅),佢比較遲入camp,唔係太熟、數學小王子(Jacky Lau)、三劍俠(權少、杰少同棋少),有佢地三個,真係好鬼開心、Head Prefect(Gary Cheng),雖然佢地個個都叫佢經驗老到o既師兄,但係我答應過師姐,除左師姐以外,我唔會叫任何人做師兄或者師姐,我只會有一個o既師姐,師姐係我o既恩師,我答應過佢o既野,點都會做so我都係叫Head Prefect...仲有我地三個女仔:Christy(鍾瑜)、Rebecca(張貝欣)同埋我...

我地玩左好多個遊戲,由一個開始o既執飛機先啦! 雖然話最高o個個執最遠o個隻....但係我係全隊最"高",的確有唔少o既難度.....d隊友係後面係咁扯住我,俾support我,可能我真係對人失去左信心,我真係唔敢放個人落去攞飛機...我真係好驚會跌....但係Head prefect俾左好大信心我,話佢地點都會支持住,我先放膽去執,執到o個下,真係好開心! 第二個o個個係車胎排次序,都無咩好難忘....但係有一個字形容:"亂"..第三個都係第一日玩o既,係最難忘o既一個,就係"夜迷宮"....係晚上,蒙住你對眼,咩都睇唔到...要走過迷宮! 有d同學玩左一個鐘都玩唔到! 我玩o個時,雖然有好多人係側邊,但係都好驚自己走唔番出去...我完全無記路線,只係係度死衝爛衝,幾次俾樹枝"吉"親....用左兩、三個字到啦,俾我撞下撞下咁撞到出去,咁都未完....仲要自己一個人走番出去,唔會有人陪,要自己走...真係好驚...我只係係咁走係咁走,可能太暗啦,唔係好睇到野,結果撞左落d樹葉度....呢個係一個好大o既挑戰,一開始聽到要自己係晚上自己一個人走過呢個迷宮,就已經好驚!! 能夠闖過自己o既心理關口,已經係一個成功....能夠出番黎,跑番去大本營,係一個更勁o既事...我本來仲諗住自己會無咁快走番出黎....

第二日玩左成日,一朝早就玩搶軍旗....係wo...我都未同大家講我地o個組o既組名....我地真係勁lor....叫做"Mif肺粒塵"...一定聽都未聽過! 全名叫做"Miffy肺話共和國暨宇宙粒子塵埃研究小組"...口號仲搞笑,不過係一齊做先搞笑,算啦! 就咁講俾你地聽都好..."如有雷同,實屬巧合;Mif肺粒塵,同人鞠躬"...真係好廢!! 另一句就係"Argulubombom"...我地o既火星話...超勁! 好搞笑....笑爆肚!! Fish一開始同我單挑,我贏左佢,好搞野!! 人地組組都唔出黎玩,我地就係咁衝,衝死左....kakaka....跟住玩左咩呢...太多啦! 但係之後d遊戲我覺得,Sam佢地有少少忽略左我地女仔o既意見,有少少不滿啦! 我記得啦! 車胎o個個,Christy"竊"哂俾Head Prefect...我地玩o個個遊戲成日都失平衝,我地個Head Prefect都唔知幾有"風度"呀! Christy幾次差d跌,都係多得我地Head prefect攬腰,又攬腳,先至唔使跌倒jar....Leo(我地個導師)勁搞野,佢話我地之前o個日都拖過幾次手(大家要注意,係係我地不情願之下),唔使咁close-minded wo...真係!! 好在我同Sam同埋Alec都ok熟,本身都無咩....我地又玩左"信任天梯"啦,Sam一踩落黎,差d想講粗口,真係好重,手都差d斷.....好在我最輕型,就算走最難o個條路,佢地話我走過o個時,都唔知幾輕鬆...kaka....之後我地玩羅馬炮架,o個組"笑口組"係咁係度窒我地,我地勁唔順,夾埋其他三組係咁攻佢地....但係我地d水彈俾佢地接哂!! 好無癮...夜晚o個時好有feel,Miss To點起左candle,一人一支,攞住張卡,問我地學到d咩....呢個遲d講! 之後返營舍,我同Fish玩到好癲....好似係我挑起佢條癮先....之後真係黎料....除左件衫,不過係外套....又叫我除,話要死過...我係唔除..又丟走佢件衫,搞到佢好似癲左咁...係咁追住黎玩...Rebecca係咁話,要搞唔好係我張床搞...好hap!! 好好玩!!

今日最難忘o既係,o個個要上籃球框綁rope o個個....係咁踩住d男仔o既肩膀上! 但係好驚,上到去o個時,好似無咩重心咁...好似想跌想跌,有少少想唔玩,真係好驚....我玩左兩次,係被迫o既,第一次o個時真係跌左落黎....好在Christy係後面第一時間頂住我.....其實o個下,佢真係可以放手,咁我跌鬼死gar啦! 就算點都好,起碼Christy都係後面支持住,先令我有信心去做第二次,呢d先至係friend...雖則我的確識左佢只有兩、三日,但係最起碼做左朋友、隊友應該做o既野....我覺得就好似一個朋友係你遇到困難時,係你身邊支持你,點都撐住你....係呢個camp入面,我先開始對番人有番少少信心,我係佢地身上搵到信任,我信任佢地,先會將我自己o既安全交俾佢地,等佢地抬我上籃框....</p>
<p>係呢個camp之前,我以為一個班長、一個prefect係應該帶領同學,指揮佢地工作,但原來,呢d都唔係最重要....係隊友、同學背後做一顆明燈....支持佢地,講句加油,等佢地發揮自己最大o既潛能、自己o既優點...以服務他人為本,咁先會令你自己o個隊成功...咁比起你帶領同學,點人做野更加重要!! 呢幾日,我學識左點做一個好o既領袖...我希望我能夠做到自己希望做到o既野....我相信自己,相信自己會做到自己想做o既野....

至於我本身o既期望...都做到啦! 識到數學小王子、Head Prefect、Christy同Bob,又同Rebecca同三劍俠增進左唔少o既友誼....玩得都幾開心! 又可以拋開自己心中o既煩惱!! kaka....

但係我唔會再黎呢個地方,真係請我黎都唔會黎!! 太恐怖啦!!

P.S. 好在我個暴龍組長無黎,如果唔係,我真係有排受啦!!

今日係Bean Bean生日! 生日快樂呀,Bean Bean!!
<p>&nbsp;</p>

噚日又有一位同學留言,表達佢對此事o既睇法....好多謝呢位同學o既留言!! 不過,似乎同學對針對呢一個詞語有一d o既誤解....根據由教育部國語推行委員會所編錄的國語大辭典中所指出,針對係指,一、對著某事作出描述或解釋,由此可見,各位似乎對針對o既解釋有所誤解.....再者,我所講o既野對事不對人,並不是樣樣野都係衝住主席而黎....其他同學做得唔o岩,我都有加以提醒.....第二、我對主席o既並不是針對性、蠻不講理o既批評,我只係係呢件事上面所見到、聽到o既野,而從中表達我自己o既感受....最起碼我無好似d同學咁,咁無禮貌,用粗口去鬧主席.....我覺得我所講o既野係中肯o既,我並無係事實中,係我所見到o既事實加鹽加醋,或誇大事實.....咁主席係佢自己o個diary都有相關o既言論,何解呢位同學只係話我呢?? 我話番佢係道理,唔話番佢係俾面佢.....大家唔好覺得好無道理,只要大家細想下就明gar啦.....我諗呢件事都好應該暫告一段落....唔係我無理據去同各位同學理論,而係我覺得無咩必要去令自己o個班搞到咁....而且,我覺得我講黎講去都係o個d野,都無咩好講,個個都係幫哂主席,有無人真係係我呢邊睇過我所見到同聽到o既野,我相信只有好少,甚至無....信我o既,就會信....唔信我o既,我點講都唔會信.....咁我做咩要浪費自己咁多o既口水呢.....倒不如,慳番d口水打debate....主席以後想點就想點,大家覺得我錯又好,o岩又好,我都唔再執著.....咁我都要學習一下,聽下人地意見...你地都識講啦! 大家都有唔同觀點同角度,咁我都唔再堅持啦!! 總之一句講哂,以後"河水不氾井水",主席唔搞到我、我依家有o既一切或者我將來可能擁有o既任何野,我都唔會、亦都唔希望同主席爆發任何o既爭執.....

其實,我都知自從開左呢個diary之後,帶左唔少麻煩俾自己,亦都辣著左唔少火頭....但我無後悔過,我覺得咁先可以令自己進步,令自己懂得長大,學識點樣面對壓力.....先知道自己要有咁多地方要改!! 呢個係好o既方面...不過,我係diary知道,原來人講真話,會令人地覺得討厭、覺得扮野,更會令人覺得你係度自我吹噓、吹噓自己係完美...雖然我都講過好多次,我係呢度唔會講大話,唔會吹噓自己,但係同學要咁諗,我都無咩辦法.....係咪我講下大話,話下自己係衰人,先至會討到同學o既歡心,我以為講真話,會令人覺得好...原來係相反!! 但我係呢個diary,係要令同學更加明白我,認識我更多,所以我係唔會因為咁,而講大話.....我知道有d同學係咁係自己diary吹水,話自己點點點....可能同學覺得好好,但係咁係一個好人應該咁gar咩....好似之前d同學咁講,我地要攞個心出黎,同人做friend....咁叫交心?? 雖然我亦都知道,如果下學期要換班長,但係又辣著左咁多火頭o既話,無疑係對自己不利,不過,能夠學懂咁多o既野,先會學識點同同學溝通,先至能夠帶領3D攞到更多o既獎!! 不過,如果同學依家覺得我成日都係度吹水o既,我都無野好講!!

P.S.聽日開始一連三日,會同其他三十幾個Prefects....Patrick、JoJo、Sam、Jacky、Fish成班人入西貢黃宜洲青年營玩三日兩夜,順便抖下,遠離呢一個煩囂o既城市!

在此,必需感謝各位同學連日黎o既留言!! 首先,有一樣野,我係必須,係必須向大家清清楚楚咁解釋清楚....我由一開始都無針對過主席,而我係因為我見到咁多o既事,我先會講d咁o既野.....可能令各位覺得我針對佢! 但係我真係無....由頭到尾都無....Crystal同學話好多同學都話佢地無野,好多o者係幾多先....可以好多都係隔離班....但係我o個班已經有一大半o既女仔同我講話覺得係....咁係一個好大o既差異!! 再加上我見到o既野,都唔可以令我覺得唔係....主席有無諗下,點解我由頭到尾都無話過The End o個d,只係話你....唔係因為我針對你!! 而係根本無野可以令我相信你...不過,依家我已經完完全全唔鍾意LA,甚至係十分討厭佢...佢地兩個拍拖又好,結婚又好,一切都已經與我再無任何關係!! 一d關係都唔會再有....主席之前問我想話,但我都同佢講左我無想點....但係主席又話唔可以算數!! 為左全班o既3D班同學,我唔想自己身為班長,都搞埋d咁o既野.....如果主席點都唔肯算數,咁咪當我錯哂lor....當全班女仔都係眼花,都睇錯左....當我睇都d野,都係睇唔到!! 咩都係我睇錯左,我有思覺失調.....咁我諗主席好滿意!! 我都唔想再糾纏係呢個問題上....因為o個個人已經同我再無一點o既關係....

Miss Rosa Ho之前講過d野,我都唔敢唔聽....雖然我講到口水都乾埋啦!! 但我都再講多一次,我開呢個diary,of course,係為左抒發自己o既感情....但係我開呢個diary係為左俾各位明白多d我,如果我誤會左同學,亦都俾左個機會你地去解釋....係合理o既解釋!!!

我亦都無諗住同Patrick開戰,或者點....反正我都會讓個位俾Patrick打班際,咁仲有d咩好嘈呢.....我地應該平心靜氣討論事情,有時真係唔需要咁火gar....我地同一班,應該一齊幫呢一班打天下....呢個先係我地應該做gar!!

今日無啦啦話去公公度食飯...都唔知點解!! d表弟去食KFC...無人霸住部computer....反正無人用,就打下diary!!

頭先睇本TVB雜誌,有本06年d星座運程....我係人馬座,佢講我d性格都幾o岩...優點:博學多才、頭腦靈活、對人真誠、樂觀、獨立...而缺點:魯莽、不負責任、缺乏紀律、不設實際、說話直率.....大部分都可以形容到我! 但係我覺得我唔係一個獨立o既人,成日都要倚賴身邊o既同學,好似師姐,就係一個好好o既例子....我都唔算一個不負責任o既人啦! 起碼我覺得....我做左錯事,唔會死要面子,話唔係....其他o個d都幾o岩! 人馬座o既愛情觀:1.活潑直接,不像一般女孩做作,有人認為你太粗枝大葉,但你的坦率卻是另類的親切魅力;2.作為情人,你的慷慨、有趣,會帶給對方無窮的歡樂....06 o既星座運程太多,唔想打哂.....電力最強o既星座:最勁係天蠍同雙魚,最差係山羊同水瓶,人馬係第八:天真率直,像小孩般可愛(>_&lt;)......最易成為第三者o既星座:最勁又係天蠍同雙子,最差係山羊....人馬係第六:有時抱著"玩玩下"的心態,覺得做第三者也沒有甚麼大不了(下?!唔係呀ma)......最敗家o既星座:最勁係雙子同獅子,最乖仔係巨蟹...人馬係第三:對金錢沒有甚麼概念,有得花便花,缺乏理財智慧......

好啦! 我今日已經回左噚日留言俾我o既同學.....十分多謝各位同學o既留言!! 身為班長o既我,會多加改善!! 主席精彩、一派胡言o既發言,令人感到十分o既無奈......主席實在非常細心,但要別人檢討之前,都要先檢討自己....主席所講o既野,我正在努力改善中.....但在此亦容許我寫出對主席o既少少意見....其實開學初期o既時候,我班到特別室上課o既秩序令人十分滿意,但自從主席多次不依高度,按次序排以後.....無論男同學或女同學,都有樣學樣,開始亂咁排隊,有一次男同學o既前面甚至係無人排,令我班到特別室上課時,製造左唔少o既噪音....我咁遲先出聲,係因為我唔想係三十幾人面前,要求主席排番上前面,咁樣會令主席失去佢應有o既威信,我亦唔想d同學覺得我係針對主席....所以次次都算數! 但係情況日益嚴重....有必要提醒主席!! 雖然我之前講左,但係主席好似聽唔到,咁我亦都不厭其煩講多一次!! 主席話我話佢o既內容,足以構成誹謗罪,我諗主席對誹謗罪o既定義有少少o既模糊...我所講o既內容,有超過大部分o既女仔認同,又有事實俾我地睇到....難道覺得係o既同學係盲?仲要係十幾個一齊盲? 難道事實又係唔o岩? 咁多野去證明,咁又叫誹謗? 請主席多加留意!! 其他同學o既留言,請打開留有關o既文件!! 多謝合作!!

我諗我仲有d野未講.....其實我同家禽都唔係話好憎大家...唔係敵對! 只不過我係覺得佢煩o者....上次係咁扯住我條書包帶.....我地係互窒o者....唔係d同學所講到咁!! 我地玩辯論,好清楚每一個論點都要附以論據支持,你地話我咁o既樣唔會有仔,唔信自己問何卓健,佢係唯一一個同我小學4年3係一班,而又分到IMSC o既同學...佢同我小學都ok friend!! Ken知道我小學o既每一件事....尤其o個次,更係成間學校都知道!! 唔好話我吹水,你地自己問佢...我有證有據,唔到你唔信....請各位有份發表言論o既同學留意,你地o既歪曲、失實o既言論嚴重損害我個人o既名聲,已構成誹謗罪,根據雙語法例系統誹謗o既意思和刑罰如下:

在誹謗訴訟中以道歉作為減低損害賠償的證據的可接納性:

在任何誹謗訴訟中，如被告人在該訟案審訊前的合理時間內以書面將他提出下述證據的意向妥為通知原告人，即有權為減低損害賠償而提出證據，證明他在該訴訟開始前已就該宗誹謗向原告人作出或提出道歉，或證明(如在訴訟開始前無機會作出或提出該項道歉)在訴訟開始後，他已把握機會盡快作出或提出該項道歉。

被告人在永久形式誹謗的訴訟中以無惡意等及道歉作申辯的權利:

在因任何報刊刊載的永久形式誹謗而進行的訴訟中，被告人有權提出在該報刊刊登的永久形式誹謗並不含實際惡意，亦無嚴重疏忽，而且他已在該訴訟開始前，或在訴訟開始後已掌握最早的機會，在該報刊上就該項永久形式誹謗刊登全面的道歉啟事，或(如登載該項永久形式誹謗的報刊通常相隔超過1星期才出版一次)已提出於該訴訟的原告人所選擇的任何報刊上刊登上述道歉啟事，作為免責辯護，而對於該項免責辯護，原告人有權全部予以否定作為概括的答覆：
但該訴訟的被告人必須同時向法院繳存一筆款項作為賠償之用，否則無權提出上述免責辯護；凡沒有向法院繳存上述款項而如此提交的免責辯護，均須當作無效，而該訴訟中的原告人亦可將該項免責辯護視為無效。

發布明知虛假的永久形式誹謗:

任何人惡意發布他明知屬虛假的誹謗名譽的永久形式誹謗，可處監禁2年以及被判繳付法院判處的罰款。

就誹謗名譽的永久形式誹謗的告發而進行的審訊:

(1) 在就誹謗名譽的永久形式誹謗的告發而進行的審訊中，所控告事項的真實性可在被告人作出下述答辯後予以研訊，但除非所控告事項為公眾利益而應予發布，否則不得成為免責辯護。
(2) 為了使被告人有權就所控告事項的真實性提出證據，作為對該項告發的免責辯護，被告人就該項告發作出申辯時，必須以在誹謗訴訟中指稱有理可據的現行規定方式，指稱所控告事項的真實性，並須進一步指稱為公眾利益而應將所控告事項發布，以及為公眾利益而應將所控告事項發布所基於的有關事實；檢控人對是項答辯可全部予以否定作為概括的答覆。
(3) 如被告人作出該項答辯後，就該項告發被判罪名成立，則法院於宣判刑罰時，有權考慮該項答辯和證明該項答辯是否屬實的證據，對於被告人的罪是否有所加重或減輕：
但─

(a) 如被告人並無以有理可據作為答辯，則在任何情況下，均不得就該項告發所申訴的指稱永久形式誹謗所控告的事項的真實性作出研訊；
(b) 除提出該項答辯外，被告人亦有權作出不認罪的答辯；
(c) 此外，本條並不取消或損害現時被告人有權對就誹謗言詞或永久形式誹謗提出的告發而作出的不認罪的答辯之下的免責辯護。
 
 
 
 
 
請各位同學自重!