大家唔好話我哂命啦!! 咁我依家點講都係一個傑出學生....咁我都應該有d應有o既風度.....首先,好多謝一個同學咁好,叫我開過另一個diary!! 但係我依家講o既係事實,何必退縮呢.....係d人打橫黎講!! 唔係我....但係好多謝你咁支持!! 有d人一個留言有成幾廿個字,係粗口,無野好講! 我唔會隨便搵老師俾違規你地.....但係當情況難以收拾時,我會選擇咁做!! 都知你地唔驚gar啦!! 唔緊要,你要幾甘,有幾甘....仲有,我係唔會特登叫d人黎支持我或者點....支持我o既同學,無論你地點講都會支持我....佢地係唔使出聲,我都會feel到!! 人少唔代表無人支持...請你地唔好咁膚淺!! 我唔會刪除任何留言,我想俾d支持我o既同學睇下d人係點睇我!! 點歪曲事實!! 做人最緊要行得正企得正!! 既然係事實,又何必退縮....俾人激嬲,要保持一個溫和o既態度去以理服人!! 咁先係一個好o既領袖、好o既debater....呢d只係Sam先做到...雖然我以前做唔到,但係我依家做到!! 繼續keep住,係debate o既時侯用番出黎,評判會覺得好有風度,應該會有分加.....好多謝d係咁激我o既同學,我知我以前比賽時成日太激動,搞到講得太快,次次都攞唔到best debater.....依家識得溫和d....你地改變左我,令我更有風度...除左係練習賽攞過best deabter之外,我之前都未攞過.....有番d風度!! 應該多d機會!! 雖然打debate最緊要成隊贏,但係我都想攞best deabater!! 你地操fit我d EQ,都唔知點報答你地...

噚日終於考完試,,但係要番阿爺度做節so no time打diary!! 有好多野想講....

總結下個考試先啦!! 都考得ok.....但係統測真係落後得太多!! 希望可以追得番.....個物理都ok....但係第二題MC無啦啦填左C...好白癡!! 俾鍾sir見到,實話我白癡....又可能用Putonghua叫我"看清楚".....o個題金魚諗左好耐!! d人個個都話條魚係大d lor....但係我睇左條題目好多次....佢係問點解Peter會睇到條魚,即係O點!! Peter睇到o既係虛像.....佢睇到o個點係無經過折射!! 而真實o既魚應該係近d....換言之,peter睇到條魚應該係遠d.....因為我睇左條題目好多次先畫....今次我都幾相信自己係o岩!! 呢題5分呀!! 我唔想失....如果呢題Luis o岩,我唔o岩,咁我會"竊"哂....算啦! 都過左....依家呢個假期應該開心d.....

我想講一d好開心o既野,雖則我知道我講完之後,d人會話我哂命,但係我真係勁開心,唔係想哂命(我真係無野哂,唔係扮野!)!! 諗都諗唔到,會有一日會同Flora並排......我竟然俾Miss Esther Ip提名參加香港傑出學生選舉!! Ivy Ngai聽到,第一時間潑我冷水(自從主席一事,睇化左,而且Ivy Ngai成日都話我差過Luis,所以都聽慣左...),話我一定唔得! 我個妹都話d老師勁無眼光.....我都覺得自己唔算係一個傑出學生,Luis比我更加有資格...尤其係成績方面!! 但係老爸話我夠全面,有d機會!! 但係全香港咁多人,有無咁易呀.....但係能夠參加,已經好滿足!! 都唔期望會攞獎....我覺得Miss Ip對我勁好,俾左勁多機會俾我....F.2 o個時係佢俾機會我玩debate,我先有機會入debating team....係Miss Ip俾機會我做prefect...又俾機會我參加傑出學生......我覺得唔可以辜負Miss Ip對我o既期望!! 總之我會俾心機....依家點講都好啦!! 起碼我都係老師心目中o既傑出學生,唔係"杰撻撻".....老爸話我應該有番d傑出學生o既風範.....唯有要唔講粗口啦!! 雖則我都唔係成日講,但係有時俾d同學真係搞到把鬼火.....不過,我想話俾d人知,無人話乖學生、傑出學生就唔俾拍拖...唔好咁膚淺!! 遲d就會面試,盡力而為,唔好俾咁大壓力自己!!

上個禮拜三補習,Anita好無義氣.....竟然丟低我一個!! 同d之前唔幫佢o既人....點解你唔諗下邊個之前陪你一齊? 邊個一直都相信你、支持你.....居然可以咁......算啦!! 唔想無friend做....呢d就係朋友!! Heidi係學校見到我,可以當咩都見唔到.....我依家都無咩點煩你啦! 又無迫你.....朋友!! 都算啦!! 唔講咁激,真係唔想無friend做!! Ivy Ngai又成日同主席啦!! 勁哂.....雖則Ivy Ngai無將我d野爆俾主席聽,佢自己話...我都相信!! 但係你要明白我真係唔好受.....我記得考試之前,Anita同我講,話如果佢d friend同另一個friend玩而冷落左佢,佢會同佢個friend講,佢唔鍾意人地冷落佢!! 我記得我o個時問佢,可以咁gar咩.....仲有d friend係可以咁!! 可以咁就自己身邊o既朋友?? 佢話唔鍾意就要出聲....但係好明顯地,我d friend係唔得!! 唔通我真係走去同Ivy Ngai講,話我唔想你同一d我唔係好鍾意o既人一齊玩!! 無可能.....我只係覺得我同主席係無可能share同一d friend...我覺得!! 我今日真係有d唔好受....好在有"熊仁"、Luis同Bean Bean......我以為我自己會忍受到,但我真係唔得!! 我想算數,但係我真係忍唔到....唔通我唔出聲....我忍到一日,忍唔到第二日!! 不過唔算都要算,唔通想無friend做咩....講下就算啦!! 我真係唔想因為主席就無左d friend....咁好無謂! 依家有d矛盾.....

好啦! 我依家真係幫唔到Henry d咩....能夠做o既,就係睇住佢死....我知我做唔到任何野!! 我真係唔想同Heidi無friend做......我知我依家都唔可以改變到heidi....呢個係佢自己o既決定!! 等啦! 我信你得....唔係我唔想幫你!! 而係有心無力!! 我係度重新聲明多一次,我係絕對無意抬高自己....亦都無意要令d人信服!! 你地唔好再屈我!! 我幫Henry,係因為佢幫過我,做人應該有情有義,受過人地o既恩惠,就要報答人...呢d係天公地道!!

我打o個篇o既diary係想同學明白依家Henry有幾咁慘,d人有幾咁衰....但係有d人就係度話我借Patrick黎歌頌自己,又話我係度話自己扮哂偉大.....我從來就無咁o既意思!! d人係咁屈我! 我仲可以有咩好講....我講親d咩,你都話我扮哂野.....無野好講啦!! 如果我要搵人歌頌自己,我唔會搵Patrick,我實搵Henry.....佢o個d先叫真正偉大! 我亦從來唔覺得自己好偉大!! 我只係幫朋友,難怪好似d人咁,見到朋友要幫手,都見死不救....我亦唔敢講,我係Henry o既軍師,我只係佢o既朋友!! 如果我唔識自我反省,咁我唔會唔知道我對唔住自己以前個男朋友....我唔會唔知我做錯左....我唔會知我自己好任性...我唔會知道我要改!! d人唔夠人講,仲要話人"死八婆"....無野講! 你地搵d野屈....我真係俾你地吹脹....但係我唔會退讓!! 我講o個d全部係事實......我相信事實勝於雄辯!! 我講o個d唔係自己作出黎,係我咁多年,所經歷過o既野,講俾我知....唔係我自己作!! 你唔夠我講就鬧我,你知唔知咩叫做風度.....我係對女拔o個場debate學識左咩叫風度,亦都學識左事實係勝過所有野.....我依家"先君子,後小人"....我唔會同你嘈!! 既然你地講o既野係自己作o既,但係我講o既係事實.....我做咩要退讓!! 你唔係我個朋友,我做咩都唔關你事,你只能做o既係俾意見!! 你俾左我唔一定要聽,更何況你o個d係對人不對事o既言論!! 信我o既同學,無論d人點講都會相信我,佢地知我係d咩人!! 我相信Heidi都會信我.....信我o既同學會知道我唔係你所講o既o個d不斷吹噓自己,已經自己好勁o既人!! 唔該你檢點d!!

所有野要由頭開始過.....仲要繼續等!! 等咪等lor.....都做左咁多野啦!! 無理由要前功盡棄.....我唔信唔會有得o既一日.....精神呀,Henry!! 唔好成日都無"離"晨氣咁.....比d心機呀!! 你會得gar.....蘇軾係水調歌頭同定風波都有講啦!! 人生逆境後必有順境....風雨過後必有晴天....人生總有悲歡離合,正如月有陰晴月缺,此事古難全!! 更何況,依家需要o既係時間,過左就得gar啦!! 不過,問題係,需要o既時間係幾耐呢!! 可能一個月之後,或者出年,或者十幾年之後.....有可能以後都無機會.....時間o既問題難以估計!! 但係起碼依家仲有機會,俾d誠意,加多兩錢肉緊....Come on!! 得gar!!

噚日同Heidi用電話傾左成個鐘,又係Firstclass chat左9個字.....講黎講去都係咁!! 無野好講....Heidi細過我,心理都係小孩子心理.....自己都唔知自己俾d 7+1搞到咁....唉!! 人間一大悲慘o既愛情故事....中文o個個舊曲新詞,諗住抒發下自己今次o既感受同悟出o既人生道理!! 如果有機會o既話,我作d詞真係麻麻地,希望會作到啦!!

頭先好乖咁溫書.....好tired!!

反世貿d人好恐怖.....頭先好似想自焚!! 又好似想燒車.....好堅!! 香港第一次有d咁o既野!!

有d xx係度留埋d不切實際o既留言!! 唔緊要....我唔同d唔知頭唔知路o既人係度嘈!! 你地知咩呀? 知少少就扮代表!! 一睇就知你地就係o個班7+1啦!! 唔好俾我知你地係邊個.....唔該你地有番d common sense先講野啦!! 有人竟然話Heidi鍾意Henry o既話,就晨早鍾意左......好明顯無經過大腦黎講野!! 我唔講咁多啦!! d人成日話我講廢話....我打左咁多日,Heidi都無話我啦!! 幾時到你地出聲呀...我打o既都係事實!! 你地都唔知有無搞錯....真係把鬼火!! 講真話都要俾人鬧.....

考埋今日,得番四科.....都ok hap.....但係下個禮拜d科好甘.....全部都係理科....真係xxxx....但係有兩日假期,無咩理由唔講下d"廢話"....
係呢兩個禮拜入面,我完全明白d 7+1 o既人生意義係咩.....原來呢個世界係有d人咁無人性!! 我地係呢個世界上面生存,為o既係咩.....只係名利同榮譽!! 做一個好人.....對你黎講緊唔緊要.....對我黎講,都幾緊要.....我除左希望得到自己想得到o既野之外,我都好希望能夠令人地開心,總之見到我,就會覺得好開心,我想做一個呢d o既人,我覺得咁先至係重要....對d 7+1黎講,真係唔算得d咩!! 佢地最鍾意係咩,扮哂係一個"救世主"lor....以為自己好偉大!! 我相信人本性係善良o既,就攞Patrick為例啦,佢成日都話我呢樣錯,o個樣錯,有時扮野,令你覺得好討厭,但係佢係一個願意為同學著想,希望可以幫到人o既副主席,係一個好人......但係d 7+1,成日就以為自己好勁,好似真係幫左人......但呢d有o既係一個"斜"惡o既心,要人無我無先開心......如果你地係為Heidi著想o既,係為左佢好o既,唔該你地唔好諸多意見!! 你地知唔知Henry變左一個點o既人? 你地知唔知Henry做左幾多o既野? Henry唔係你地所諗o既o個條淫蟲.....佢唔係呀!! 佢改哂啦!! 你地又知唔知? 你地唔知,就唔該你地收聲啦!! 你地以為自己講左一句"你諗清楚d啦!",咁就無野,以為對Heidi無影響.....唔好咁天真!! 我知你地肯定話我好唔o岩,話我要Heidi盲目咁聽哂我講....你聽埋先嘈!! 我話俾你地知,就係你地咁多個,一日十幾個鐘,係咁叫人諗清楚.....雖然Heidi口講話自己只係諗清楚,無聽你地講....但你地潛移默化將Heidi"洗腦"...人係不能靠意志去控制.....Heidi同你地講,話依家佢點點點點....你地係側邊又係咁叫佢諗清楚!! 你地咁叫法,就係搞到愈來愈唔清楚!! 俾你地咁講法,好都變唔好啦!! 我係英文堂先會見到Heidi,先同佢講到一陣....你地成班朝早、小息、午息、放學,甚至上堂都有可能出現.....你地人多蝦人少,我唔夠你地鬥,咁我都耐你地唔何...但係我理得你地有心定係無意.....但係你地就係影響左佢,搞到依家亂鬼哂!! 你地要負上最大o既責任....我好明顯見到o既就係有心同有意,講呢d野o既人都同我唔o岩,呢個係呢d人o既共通點...我唔知你地有無夾埋.....我依家都唔想講係邊個!! 我驚怪錯好人....你地就算覺得佢地一齊無結果o既,係咪都應該俾左個機會人地先呢....你地一開口,就要破壞人地個機會!! Henry咁有誠意....係呢個世界上面,仲有呢d咁鍾意害人o既人....真係極度遺憾!! 你地唔好話我成日講野都幫住哂Henry,講到佢都好似十全十美咁.....我可以好坦白同你地講,Henry係有缺點,佢的確係好被動,又唔勇敢,成日都收收埋埋,一d都唔似鍾意人.....呢個係佢最大o既缺點!! 但係佢能夠為左自己最鍾意o既人,戒甩哂d粗口,做到一d平常男仔做唔到o既野.....呢個先至係令人欣賞o既地方!! 你地一日到尾都話人衰....係咁叫人諗清楚!! 但係無論點,我會尊重heidi o既決定!!

Heidi今日生日! 咁我雖然私底下同佢講左......講多幾次都無所謂啦!! 禮多人不怪!!

Anita同佢個friend好似無咩事啦wo....咁咪好lor.....搞咁"薑"....傷和氣呀!! 但係李家然之前真係勁唔o岩啦!! 明明話幫Anita,後尾又左去另一邊!! o個日話佢,仲要大大聲聲話係Anita唔o岩....吹脹lor!

考完試,都無諗住去邊!! 放假有一場debate,係聯中負方賽!! 我地對女拔都打得咁好,我唔信我地贏唔到!!