| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2010 年 6 月 21 日 星期一  |
真相總會大白  |
分類: 未分類 |
今日番工一直諗住嗰個問題
呢個問題由星期五一直帶到今日...真係好困擾
莫講話做野,連瞓覺都瞓唔到
多謝各位同事關心
見我全日冇講過野
都有問下我做乜又介手
唔係識左新星會開心d咩?
....都唔關遠遠事~
放工同尹軒軒,大碌砲,吳遠遠,晧文豬揾左姑姑傾
開始慢慢推測到發生咩事
原來一開始,我地只係一隻棋子
係俾人玩緊...
每行一步都係俾人誤導下行錯唒
不過其實唔可以全怪責個莫後黑手
因為都係嗰句
搞到今時今日咁嘅局面
係因為人與人之間嘅互不信任
即使認識了半年,甚至8年,都會有一刻嘅軟弱
誤聽了讒言,迷失了方向
加上人嘅衝動,作出了武斷嘅決定
一個不是最佳嘅解決辦法....
配合埋有心者嘅挑撥離間
一個大話蓋一個大話
把所有人都瞞騙....
先有今日呢個咁壯觀嘅局面~
不過我地相信,雨過總會天青
正因為有著呢份信念!使我地不會放棄你!....
而且姑姑講得好啱
每個人對每件事都有唔同嘅睇法及處理方法
而冇任何人有權去干涉
因為路...係自己選擇怎去行
冇人可以指使,甚至控制別人怎去行
而每條路都冇絕對性嘅對與錯
只要當你走完這條路,你未曾後悔過...呢條已經係你揀啱左嘅路~
|
2010 年 6 月 13 日 星期日  |
大家都習慣冇左我嘅日子了  |
分類: 未分類 |
或者我真係講得唔夠清楚
令好多人都唔明我點解咁做(包括當時人)
咁我就唔再玩暗示,橫掂都反唒面,講清楚佢!
點解我要走?
第一: 我接受唔到依半年來,你喺我心目中一直都係No.1,位置一直冇動搖過!
但我唔明點解喺你心目中,我可以跌得咁快...個個都超越我!我接受唔到自己唔係第一!
第二: 依班人之中,會搵我嘅其實只有衡、健同BB,我就成日羣捚阿衡嗰堆度,重視我嘅其實只有佢
但隨住佢擔當左依班人嘅中心人物之後,更加唔須要我嘅存在
因為我冇能力帶快樂俾大家,我真係日日鳩Hea癡金匡...
所以你冇再重視我,因為我已冇任何存在意義!
好似喺6月8日夜晚我同你msn
我問你:就黎6月9日,識左你半年喇,你期待嗎?
你問番我: 期待黎做乜......
乜你唔覺得有興奮嘅感覺架咩?
你竟然可以咁樣問番我...
即係表示,一直都只係我一個咁百痴去睇重所有關於你嘅野
我嘅所有野,對你黎講,係多餘架!
第三: 唔係我自己亂諗野,而係有其他人都睇得到,至少尹浩軒同空氣砲都見到
你對我嘅態度係勁差,d語氣係好差!
空氣砲直程講: 佢對你d態度係特別差,睇得出係同其他人唔同
係因為咩?太熟?定係覺得就算對我點,我都會好似隻狗咁死心塌地?
尤其當得番我同你兩個嗰陣,你係望多我一眼都嫌廢事,同我講多句都嫌嘥氣
我放工嗰陣,你打俾我又係咩態度?
我唔覺自己係你阿哥,我似你隻狗多d...
##多謝阿遠、砲砲、尹浩軒同林偉你地嘅支持,因為你地,我先發覺原來個天未盲得唒
係有人睇到架,我做嘅係冇白費
姑姑喺6月9日前都見左我幾次,大概都係想勸服我,唔想發生今日咁嘅局面
佢問我其實有冇表達過自己有咩不滿...
我梗係有LA~
喺2 May 10(星期日),我原本行黎揾你,但行行下知道阿瑩佢地已經黎左,我即刻唔黎,自己行去海旁等你同佢地玩完先黎搵我嗰日
我由3點幾等到你9點幾10點,我地坐喺南公張長櫈嗰陣,我同你講左第一次
3 May 10(星期一),開始左我冇再送你上荃中,我送到你愉城就行去撘49x,放工後自己去hea,hea到佢地個個食飽飲醉玩夠,
你送唒佢地搭車,9點幾10點先施施然瞻仰遺容咁望我兩眼就走嘅日子....那天,我坐喺紅公同你講左第二次
7 May 10(星期五),阿健上左我屋企食飯,之後我煲左羅漢果水俾你,我同阿健上左你屋企,將壼羅漢果水綁喺你門口
之後就去左海旁一個人等你,係你喺7點嗰陣話同佢地去網吧打機,打完打俾我....
但我等到11點幾,我打俾你,你竟然一早打完機,仲係同佢地hea緊,不過唔記得左我等緊你...
我未隨地用玻璃碎界手,你之後過左海旁搵我,我同你講第三次,亦係最後一次向你表達有咩不滿,因為我已經開始心淡
最大嘅問題係,我表達完嘅第2日,即 8 May 10(星期六),你起身打俾我話搞掂換衫嗰d再打俾我
我未同阿Yu阿健阿謙嗰d hea住等你,去左悅來打機...打完再食M記,已經5點幾,阿瑩打俾謙
我叫謙問阿瑩有邊個喺度,竞然佢答阿衡.....我頂!我真係著撚唒火!
阿Yu都燥燥地,咁我地戇鳩鳩hea咩?等緊邊個!?你係完全無視我地囉!
好!完完全全死左心喇已經...亦開始發揮我嘅優越演技
去到南豐M記,見到戴住帽嘅阿瑩,其實當時嘅我真係好憎阿瑩,但我竟可笑住咁撩阿瑩講野,連阿健都頂唔順走黎話我好假
有其他方法嗎!?我要繼續留低,就要形合你嘅口味,我根本冇得揀
你話我咁樣會令你好難做,其實一d都唔難...
呢個星期,你好淸楚咁話俾我知:請不要再不自量力,我可以冇左你,但唔可以冇左阿瑩、No文、鍾寶佢地...
因為你冇試過為左揾我而唔搵佢地,完全冇為過我向你表達嘅不滿而做多少少野或改變少少野,一次都冇!
只係變本加厲,擺明係同我講,我唔會為你條戇鳩改,你鍾意就留低,頂唔順就走!我冇乜所謂,都係多個人同少咁個嘅分別姐~我就係咁架喇....
入到M記後梯仲燥,阿健話阿衡對阿橋有feel....
點解個個都知,係我呢個阿哥唔知?
你嘅解釋係: 因為我成個禮拜都唔開心,所以冇同我講依d野~
我屌!!我嗰刻真係好想殺死你,或者自殺!!!
乜你都知我唔開心咩?我為邊個唔開心?為你ㄚ!
但你竞仲有心情喺學校搞三搞四,生兒育女....即係你冇為我煩惱過,根本我就不值一提!!是嗎?
我咁燥但都仲同你上光板田,我真係好佩服自己....
你問過我,係咪其實一直都好憎我,但好似對XX咁,只係冇表達出黎..
你冇估錯,直到6月9日,我已足足做左成個月戲!
我係憎你,因為點解無論我點做,你都當我死!?
表達過3次不滿後,我就冇再同你提過
因為唔會有變化,而且有機會變本加厲...未唔講囉~
但取而代之嘅,就叫你珍惜現在仲擁有嘅,因為一切都唔係理所當然
我仲用左傻鴨黎做例,佢走...係因為當佢話要走嗰陣
你只係:哦!
或問:點解?
但佢唔係要你問點解
佢話走可能只係發悔氣,可能只係希望你一句嘅挽留
你肯留,會令佢覺得自己喺你心中其實係重要
但你認為當時嘅我,真係講緊你同傻鴨嗎?
我會覺得語言障礙只係籍口
睇你有冇心架姐
記得一月嗰陣,我都講過走,
當時你反轉個荃灣,紅公藍公你我屋企樓下,你都搵唒
你send短訊同我講: 無論如何,我都要搵到你,我乜都唔理!我唔想冇左依個阿哥
最後你跑到濕唒,黎左荃廣4樓~我地就冇事
因為你用口亦用行動留左我
當時你做到,我唔相信5個月之後嘅你做唔到,只係你冇心做姐~
的而且確你依幾日都過得幾開心
星期五喺kfc後梯打機幾開心~
凌晨3點幾喺海旁廁所仲笑得好開心添,仲玩到將個垃圾桶放喺女廁門口添
係ㄚ~我有去海旁,分別在於今次得我自己一個~
開始明白bb好耐之前講嘅野: 阿衡係識左班新frd就唔會理舊frd,即使你對佢幾好,佢都唔會對番你好
除非新嗰班唔得閒,否則佢都唔會搵番舊嗰班~
**阿遠已經係個好例子
係ㄚ,你有時良心發現,真係會覺得自己好衰,冇人先搵佢~
但除左良心發現外,你就乜都冇做過,又冇補救乜都冇...咁你內疚有用咩!?
下次又繼續係咁,咁係完全冇意思!
偷野俾人拉左,後悔喇..
不過踎完出番黎又偷過.....
bb仲話我一定會後悔....
其實如果bb第一次杯阿衡嗰陣,我冇選擇阿衡
就應該唔會淪落到今日嘅地步... |
| 2010 年 6 月 10 日 星期四 |
| 沒有林智衡的日子...第一天 |
分類: 未分類 |
2006 Nov 15
我當然會反醒,但如果連我自己都覺得件事完全冇問題,我完全冇錯時,你叫我點反醒?
"覺得冇問題就已經係最大的問題!"
咁sorry~我係唔會改!
因為我唔會為左迎合你口味而活,呢個就係我!
你話我硬頸又好,唔聽人講都好!
事實上,我連少少覺得錯嘅地方都冇,你叫我改咩!?
事原係關於工作上的一個小問題,唔知幾時開始,d病人好鍾意拎住成副身家黎醫院找數!
名義上係找數,但實際上係唱錢!
無論佢地要交$100又好,$60又好,甚至$10都好,佢地都鍾意拎張$500紙入黎唱散佢....
對住依d粉人,我當然睬佢都有味,即刻問佢地有冇散紙!
我當然就扮唒窮,話自己咩錢都冇,就叫佢一係碌咭,一係EPS!
如果佢咩都冇,未玩殘佢,叫佢企埋一二面,等後面d人唱到散紙未俾佢囉!
我心諗,你有病,腦有事就叫醫生CHECK清楚你先出院!
依家正常人,銀包袋住幾張$100都好平常,但佢地遍遍噤錢就噤$500,噤完就黎唱散!
好好玩嗎?佢地真係明明自己有,都要問我唱,唱散去買餸.......街市都一樣收你張$500架咋!!
依家d人,個腦唔知係咪有菌,個個都有病架!!
試過有N個病人問番我轉頭:"你咁大間醫院,係咪少少錢都唱唔到!?"
各位粉腸們,你地都SHORT唔唒,都知依度係醫院~
咁唔該你地搞清楚:
******醫院唔等於銀行!!我唔會有十幾二十萬散紙等住唱俾你!
因為依度唔係金礦!唔係散紙機!我地唔識印銀紙架!!
好彩香港最大面值都只係$1000,如果醫院係收冥通銀行d紙,d病人真係會拎張5百億出黎找數,
要我找番四百九十九億九千九百九十九萬九千九百九十蚊.....佢地真係夠膽俾!!因為冇病都唔會黎醫院!!
11月14日(Tuesday)
真係激到我生蝦咁跳!
事原有個蠱惑仔紋身漢黎交錢,佢只係需要俾$100,但佢就拎張金牛出黎,我梗係睬佢都傻,
但佢又係嗰d百冇,又冇EPS又冇$100!
佢叫我如果冇得找就問隔離,我點會冇?
我梗係有!因為我堅守我個原則,盡量問人拎散紙,找$200-$300都OK!
但找$400就誓死唔收!除非佢跛手跛腳,否則我會轉介佢去其他部門,
例如canteen或者7仔,唱好先好黎搵我!!
我當然冇問隔離,因為我根本就有,不過我死都唔會找俾佢!
雖然個Acount Officer落左黎睇我地做野,不過我一樣冇情講!冇面俾!
我份人就係咁,我平時都係咁,我絕對唔會喺高層面前做唒戲,我最憎做人咁假!
我係咁就係咁!呢個係我做人的原則,就算將來渣兜乞食,我都絕對唔會去擦人鞋!!
仲有...我亦唔會因為面前嗰個係紋身臭飛,我就驚左佢!
你唔好以為自己出黎行,有背景照住,心口有條龍就全世界都要忌你三分,我理你條龍識叫ㄚ!!
於是我叫佢去7仔唱左先好番黎~但佢係去左隔離,照樣俾$500!!
隔離美詩小姐係永遠唔問人有冇散紙,總之唱到自己一個仙都冇就問我唱......
所以美詩照唱~
咁條大腸粉咪嘈生唒囉,又話我玩佢,又話我唔掂,總之佢話要投訴我~
我只係當佢個腦生野,精神有問題~
你要投訴就櫬依家,個Account Officer 喺度,你未投訴下囉~
佢喺個老細面前打完報告就走黎我個位,猛打個窗口:
"死o靚仔,你小心d!我等住你收工,等住你食飯!我認住你個撚樣!!你小心d!!"
粉腸!!你咁Q得閒陪我食飯,接我收工,咁不如你唱定d散錢送埋我番工吖~
勁燥!!跟住當然俾人照肺,話唱到冇就問隔離,隔離冇就問後面d人開夾萬拎!!
後面冇就自己貼錢出黎都要滿足到個病人!!
心諗:你都痴撚線,連你都以為依度係金礦......
點解我要不斷問人拎散紙?
就係因為知入面唔多,我希望可以靠自己搞掂個canter,
唔使麻煩隔離同後面!
要我貼錢滿足病人?
你真係痴肺!!你即係叫我日日番工前都去銀行,唱足唒錢先番工?
不過佢係老細,由我一出黎做野,就已經體會到老細同員工,根本係兩種完全唔同的生物!生存於兩個唔同的世界!
佢地永遠都有d好完美的方法,但唔會work!
只有我地真係用行動做野嘅員工,先會有d得罪人多,稱呼人少,但work的方法!
我唔會怪個大老細,因為我唔會當佢係人.....
自從那個紋身漢事件後,個大老細就俾說話我個主任聽,
總之你冇錢找就問隔離,隔離冇就問後面,
叫後面開夾萬,夾萬都冇就自己淫荷包都要淫出黎找俾人!!
咁你要我地咁做,就算我幾咁覺得自己個方法work都冇用,我都要跟!
不過咁,我係死都唔會服!
你叫我咁做,我實做!仲要做得絕過你,我就最鍾意累鬥累!
我就係要俾你睇下你個完美主義方法掂,定係我個面對現實方法work!!
人地用張$1000黎交$10,我照唱!
唱到自己同隔離陷家產!!再唱到個夾萬陷家富貴!!
我銀包就一向都空的,我睇你到時找d乜春俾人!!我就係要話俾你知,你個方法唔X掂!!!!
不過咁,做得高層都一定有個特性,就係跌落地下就點都要挪番渣沙敷媽屎!
死雞點都要撐下個飯蓋先死得安息!!到時佢地實有野兜,
咩咩咩人識變通架嘛!!總之吹你唔脹嗰句佢唔講,
因為做得高層最擅長係咩?
卸鑊囉!死就永遠唔會論到佢,死就死d o靚先架唶!
佢地點都唔會反醒自己嗰套係咪有問題,因為對佢地黎講,最重要的不是佢份工同份人工,而係飛屎!!凸屌!
2010 Jun 10
今日照常番工,沒有太大感覺...
但d同事好關心我,知我同阿衡絕左交,係咁同我傾偈~
我會點難受,未知ㄚ~
當日同七級絕交,我仲有Pinky同Vinkie..
同Pinky & Vinkie絕交,我已經識左劉孝健&劉孝賢
但今次同阿衡絕交,我已一無所有...
之前都未試過..
依家就好似暴風雨嘅前夕
平靜得很可怕...
**醒目提示,把所有界刀收起..
放工,姑姑同我傾偈,好神奇地我連一滴眼淚都冇流過
仲講到係咁笑...
連我自己都有d驚,太唔正常喇...
唔知....今日你有冇掛住我...?
電話中的wallpaper及電腦上的卓布仍然是你我的合照..
為何?是我仍存有一絲希望嗎?
<損友>
我曾伴你通宵 飲過酒
亦曾被你燻得滿身煙臭
何時與你成為摯友
同走過寂時候
而難與你成熱戀的對手
寧願留下友情 情份更是永久
誰更清楚 清楚你的風流
纏住你手 只怕熱淚會流
和你能扮演好友
男士那般搭膊頭
和你牽手 只恐怕太荒謬
還是當你一位損友
沒寄望 沒強求
若我離開 你不曾內疚
就怪我太清楚 清楚你的風流
明白你 一世亦貪新厭舊
我寧願當好友 無愁無慮地碰頭
和你牽手 只恐怕太荒謬
還是當最終生損友
沒寄望沒強求
若我離開 你不曾內疚
是友情 沒強求
永開不到口 愛戀有沒有 |
| 2010 年 6 月 9 日 星期三 |
與你連續相見105日,亦係相識半年,可惜...已是最後一天  |
分類: 未分類 |
今日想早d起身去接阿衡番學,較左5:50響...
屌!都醒唔到....
好耐冇送過阿衡上荃中
話唒最後一日
都想回想一下我地以前嘅日子...
一入M記...播<雨過天陰>
咁啱FEEL...
"從上次吵架後不瞅不睬不見
彼此關係急速擱淺
若那天故事重演
讓惱火意氣沉澱
共你也許有幸較早以前
已組織婚禮盛宴"
放工...見到NO文&瑩
今次真係要走喇
保重喇阿瑩、NO文
保重喇阿Yu、阿健、鍾宝、浩軒、BB、Kiko、皓文、楊大........
同阿衡去打機同搵老闆(一d我地成日會去嘅地方)
只係...所有野都已經係最後一次...
感覺係難受..
之後同佢去CoCo Duck食野
那是最後晚餐...
最後送佢番屋企
這條走廊...曾經天天都共你走過...但今天以後,我再不會踏足....
六層樓梯雖然行得辛苦,但我曾經同自己講過,我願意每天都陪你行,直到你不再須要我的那天..
那天一早已經黎左,只是我好唔要面咁纏住你姐...
曾經晚晚都坐嘅七樓,係屬於我地兩兄弟嘅地方,今日之後...我仲會黎嗎?
到道別時,我叫你好好保重,你終於知道有咩唔妥喇....
三個星期前,我已經開始倒數
只淨低幾多日....
最後一個星期五晚,星期六及星期日....
其實我日記有寫過...
原因係咩...可能你會覺得好百痴
因為自海旁我用玻璃碎介手,即俾羅漢果水你的那天開始
我已經冇再提...但我冇提,不代表我唔介意,只係知道..
我就算表達幾多次,都唔會有變化
走嘅原因...同七級、Pinky、Vinkie同阿健一樣
我再唔係第一....
分別在於,之前我輸俾愛情,今次我輸俾友情
另一個分別係,我冇等自己識左班新Frd先走
就由自己過番一個人的生活吧....
一路喊一路走...因為我知每一步都係最後一步...
最後一次望上黎同你揮手...
一切都完了....
我講過,我要死心係好快嘅事
就喺蝦餃打俾你嗰晚開始
我有幾日去左海旁望海...就係諗緊今日嘅來臨
由2009年12月9日到今日2010年6月9日
半年內我喊左好多次
其中2次為阿ㄚu
2次為七級
1次為阿健
而其他...全部都因為你....
我走了,你要好好保重
希望你會掛住我
希望你會想我番黎
我唔知自己會走幾耐
我亦冇預計過3年後會睬番七級
係離開1日、1星期、1個月、1年定一世...
我都唔知...
但係...我真係好衷心咁多謝你
第5屆Friendship Cup 2010總冠軍林智衡!
##仲記得我話過唔會俾你攞冠軍嘛?
因為有人講過,贏得冠軍都一定絕交收場
毒咒一樣
第1屆七級
第2、3屆Pinky
第4屆阿健都係咁
當初為左保存我地之間嘅感情
想永遠都咁好,所以唔想俾你贏
但預計左有今日之後...
你始終係實至名歸無敵架,俾你贏吧!
好吧!過得開心d la |
| 2010 年 6 月 8 日 星期二 |
回顧...與豬豬開心的回憶  |
分類: 未分類 |
突然諗番我同元祖級細佬豬豬及細細佬彭彭嘅經歷
佢兩個就像就像今天的林衡衡與劉健健....
2007 Feb 09
2006年比不上2005年.....
講真架~
2005年係我近幾年過得好開心的一年,一識就識左Pinky同Tina呢兩個可遇不可求的friend!
而且一整年都玩得好好好好開心,更做到一份我好鍾意的工(別府)....
冇錯,以基督徒來說,我的生命簡直差到貼地!但我的確過得好開心!!係真架!
2006年的我的確比起05年乖好多,因為成為左基督徒!
而且識左好多人,尤其識左細佬七級豬!!神同七級豬就係06年的唯一色彩,冇左佢地,成個06年簡直平凡得要命....
2007年開始了不久,20歲的我明白....做人最重要過得開心!!
我唔鍾意俾任何野約束住,唔會迫自己做一d唔鍾意做的事!
教會,想番先番,我唔會迫自己個個禮拜都番....咁樣,我諗我會開心d~
不過,我心裏一樣有神,我日日都會祈禱,改變的...只係番教會....
琴日2007年2月8日,真係玩得好開心!同Macy、Vicky & 恩一齊去旺角食韓燒~
正!期間我不斷拎自己d新聞出黎寸....
我喺醫院好多新聞架,真係成個風雲人物咁,
傳完同老細不和就傳我花弗,界女界不停,之後又傳我斷背,男伴轉完一個又一個,搞到我都搞唔清自己係直定攣....
d新聞真係日日新鮮!!不過人地傳我,我又唔會介意,
反而我最鍾意拎自己d新聞黎寸番自己,不知寸得幾high~
真係好興奮!!難得可以一班同事出黎玩,大家又係frd!!
2007 Feb 15
2007年係第一次同friend食團年飯的一年,做得團年飯的主角,當然同我感情超友好la~
首先有2006年度我最喜愛及最佳男朋友:七級細佬馮幹傑;
2005年度我最喜愛及最佳女朋友&2006年度最佳女朋友:Pinky梁海恩;
以及2007年度最有潛質男新人:細細佬彭彭彭智偉!!
但可惜當日,資歷最深,掃獎最多的梁天后,擺唒阿姐款咁話唔出席,
咁梗係la~都升上神檯級,使乜俾面你,出席埋d俾面派對.....
話唒都係殿堂級嘛......(講笑唶,我都知佢左撲右撲好累的).....
放工就出旺角,join埋細佬幹同細細佬彭彭,一齊去左影貼紙相,
彭彭勁多鬼主意,竟然提議影裸照....
不過有人"R"囉~"R底王"未係永遠聲最大,吹水唔抹嘴的七級豬囉!
不過最後佢都除衫....我真係未試過當街當行影貼紙裸照....
勁核突!!
之後去左大家樂打邊爐,原本話去酒樓打,但七級豬又扭計....
又話唔鍾意打邊爐....但之後又冇所謂......
不過超正,我地3個食得超開心,又定目標,為住年尾或出年年頭,我地3個的北海道之旅而作準備....我地一定得!!一定做到!!
食完再影多次貼紙相,但皆因我不斷扮型,結果超樣衰.....不過唔緊要,我地來日方長,仲有大把機會影!
2007 Feb 21
17號去左台灣過新年,回港第一天,即刻搵七級同彭彭.....
唔得呀!!見少陣我會爛雀雀架.....
勁變態!!我地喺青衣海旁輪姦七級豬,
隻死臭豬又勁合作咁大淫叫....今日七級豬飲醉左,
不斷爆粗同當自己係超人係咁變身....笑到我同彭彭甩肺!!
之後去碌齡,我又係稱霸稱王.....落坑王!!
之後打機~咁就玩完成個農歷新年!!
不過我想話同七級豬&彭彭一齊玩,比起四天台灣之旅更開心難忘!
2007 Feb 24
今日我地三個著住我在西門町買的3件同款黑白豬衫衫,
分別係黑白灰3隻色!我揀了黑色,細佬幹揀灰色,彭彭細佬揀左白色~蠻相襯!!
好正!!我地3個件衫同款,係勁引人注意.....
旁人係不斷指住我地笑,反而我畫到隻眼七彩咁都冇咁多人理....
我地首先去食野,彭彭係勁煩,係嚴重過度活躍症.....
不斷撩d唔識嘅人講野....煩到爆!!
我同七級都唔出聲....由佢不斷講!!之後橫掃荃灣各大大小小機舖.....
打到我有d機舖恐懼症!好心彭彭又未夠秤,又學人入機舖....仲要打唔停.....真係頂佢唔順~
之後大膽到番教會小組房玩UNO,我地完完全全係唔驚撞到教會d人~
不過我地教岩時間,襯佢地開始左聚會先竄入後門.....
但彭彭超百厭,襯人地敬拜緊打開門偷望囉~仲要偷偷地咁開大人地小組房d冷氣,凍到人地出黎熄冷氣.....勁曳!!
之後七級屎急......佢就去左廁所,我同彭彭超大膽,坐在教會d梳化,對正主堂的大門....人地一去廁所就實見到我地,超激!!
點知阿坦真係出左黎,一黎就黎個同組....
好彩佢冇理我,之後我地走...但走走下,我先發覺我帶左兩樣台灣手信俾Vinkie同Becki,
所以番去教會,諗住托彭彭家姐Vincy拎俾Vinkie同Becki...
一番到就去廁所,點知一入就見到......牧師!!Holy Shit!!
因為牧師認得我就問我:"完左聚會喇?"(大佬.....我都冇番,點知??)
我未答:"未呀,不過我好急...."
之後七級都撞到牧師...我地去完廁所,諗住打電話俾Vincy....
點知一出廁所,竟然俾我同彭彭見到家立.....李家立呀!!!!
我地三個即刻衝番入廁所,3個躲進同一格,好似<大丈夫>捉姦咁款....
之後唔對路,都係快d交完貨就走.....
一離開廁所就打電話,叫佢去傷殘廁所搵我地,偷望教會有咩人......小白臉.....!!
Vincy黎到,勁怪,3男1女共處一廁....
交待完直衝出去,離開呢一層,點知小白臉成組出唒黎,彭彭驚死冇人知,大嗌:"Polly呀!!"
我地喪跑離開....之後在六合坊徘徊搵食,不斷撞到七級同彭彭那區的人,
但我地勁衰,唔show人~之後行多兩行,見到....黃俊文!!!!
直程衝埋去攬住佢,我仲以為要大半年後先見到佢...
佢入警校嘛!!嘩,佢將我不斷拋高,我地好似癲佬!!
食完又去機舖.....行到街市街M記,俾我見到Vinkie.....
其實我好掛住佢,好想走埋去....但唔可以!!
點知七級同彭彭不斷推我埋去,但係俾我見到......有一班人正面步近....Yammy!!我小組呀!!!!
嘩,我即刻Fing開佢兩個,走呀!!!
多謝七級同彭彭....勾手指尾加打手印!!
我地3個絕不會離開大家,永遠咁好感情!三兄弟嘛!聽到真係漂眼淚.....之後唱通宵K~把聲沙到.....
2007 Feb 25
唱K期間,有一小插曲~我唱緊<一拍兩散>,
彭彭又發揮其變態本色,喪搞七級個屎眼,間K房唔知做咩變左做"嬉春俱樂部"....
搞到七級燥左,喪爆粗同勁大聲屌彭彭,同埋七級勁想郁佢,我同彭彭俾佢嚇呆左囉......
唱完通宵K,我地直踩上我屋企~三個人質上我張床同眠....
勁煩囉,彭彭又喪搞豬豬屎眼...好煩!!!
之後終於訓到9點,彭彭捱唔住要走~但七級仲陪住我,我地訓在床上傾偈.....
好難得可以咁傾偈~多謝上天俾左一個咁好的朋友俾我.....
好開心!!!識到七級豬....佢陪到我十二點,我就送佢搭車~我地合共共處了22個小時,勁!!
## 2010 Jun 08
好開心,今日寫了一封信,
但唔知點開口俾阿衡...
姑姑知道左讚我
話我真係對阿衡好好
好難得會有個咁嘅朋友
連對方屋企人都關心埋,仲有埋action
就算係親生阿哥都未必做得出....
我仲以為我咁做
全世界都會覺得我白痴(包括阿衡)
原來有人會認同我架...
同瑩& no文講byebye
有d唔捨得添^^ |
« | 8 | 9 | 10 | 11 | 12 | 13 | 14 | 15 | 16 | 17 | »
|
