Sunday, May 22, 2005

今日番工,都Ok忙....知道左Pinky辭職,非常驚訝.....係知佢唔做,但冇諗到快成咁....今日已經係佢last day......=.=
於是我又好衝動地話要辭!原因好多!今日黑面神一見到我就猛咁屌!?阿Yen面前屌我一次,?阿威面前又屌多次!都係屌我個頭!
話好左一排,做乜又搞成咁...問我做乜事??
我話孿左D唶....佢即刻喪屌,要我即刻整番直!
我屌你老母!收皮la死仆街!我逗你幾錢糧呀??為你變埋性好唔好??
個頭孿下都唔得!你可唔可以食啖屎??自量下la.....你柒就要跟你柒??
你屙督尿照下自己個撚樣la!死賤種!唔Q做!
為依份工又要染番個頭,又要剪短D頭髮,又要買過對鞋,又整親隻手!請左假都照要我番!(我今個星期請唒一至五,但一,二,五都照要我番)
外賣又要送!又要我晚晚收N晚晚收吧!
仲要得閒無事俾郡主喪屌,俾小蘭喪寸,
俾隻黑面神喪鬧,俾D細路喪激!都係逗你20蚊一粒鐘人工,我依家搞一搞個頭都俾你爆晒粗,屌晒老母咁噴到我仆街!?
超!我唔撚做!你收包皮la!!!!勁燥!!

今日拎住一大碟野,又俾個o靚仔衝埋黎...真想對住佢講:小朋友,等哥哥教你個''死''字點寫la!

Wednesday, May 24, 2005

周圍去見工,去左別府見,佢門口貼左張誠聘全/兼侍應嘅告示!
入到去,見到有2個人填緊表格!但佢一見到我,連表格都唔使填就話唔請!
上次Pinky都填到la.....因為我個頭?咪撚請囉!我唔係好恨架咋!!
之後去和民,我問佢係咪唔染得髮?佢話係!我就話:咁我唔見喇!
節省少少la!我成桶墨水倒頭淋先黎番工好冇??你咁撚鍾意黑色!我除褲你睇囉!?我d鳩毛就黑色嘅!我叫碌鳩黎見工囉,你係咪請先!!??
我阿媽批死我一定冇人請,我就係都要用呢個頭去搵份工番黎,等你心息!最憎俾人批死!蘇民峰定麥玲玲!!?
再去見元綠,個經理望一望我個頭就話請夠!OK,以貌請人!!
平等機會委員會電話幾多號??我慘遭歧視!我唔擔保呢件事會否影響我成長及心智發展!
可能已經為我帶來嚴重陰影,無法鼓起勇氣去見工,對我日後嘅正常社交生活及性生活構成嚴重不便!
更令我性格變得內向,怕事!直接影響本人之性器官無法鼓起勇氣地勃起!未能在性生活中得到應有嘅快感與樂趣!容易產生輕生念頭!
呢3間集團蓄意影響我身心發展,希望能得到合理,滿意與足夠嘅賠償及安排免費嘅心理輔導!死未??

##
今日係個特別日子,記得之前連續見左60日,因為某原因而專登斷一日!令到呢個數字冇得延續下去
不過不經不覺,今日正是突破之前紀錄嘅一日!今日係連續61日....

##
賽前預測第五擊(最後一擊)
 無敵細佬林智衡
識於2009年,於2009年12月9日做左我最後一個細佬,亦係年紀最細嘅一個細佬
我地曾經試過兩次連續六十日不停見,即使期間我地鬧幾多次交,第二日都會冇事...
佢亦係少數我有見過佢父母,佢又見過我父母嘅朋友
認識佢呢四個幾月來,我地都改變左好多
ㄚ衡改嘅係佢對人嘅態度,仲有佢嘅性格都有d變化
而我最主要嘅變化,都係生活習慣,不過呢種嘅改變,係心甘情願
雖然ㄚ衡唔似ㄚ健,佢唔係一個善於表達嘅人
但只要用心去感受,其實佢喺背後係付出左好多
心地善良嘅佢好肯為朋友犧牲
識到佢,我完全覺得係個天為我作出嘅補償,或者好聽d...係恩賜!
佢曾經陪伴住我渡過平安夜,除夕,元旦及生日呢幾個喺08年都係得自己一個過嘅節日
今屆比賽佢屬於新丁一名,往績冇得作比較,不過以目前走勢,佢亦係奪冠嘅頂頭大熱!
但係...要贏冠軍,首先就要打贏第一個對手,首屆冠軍元祖級細佬!加油吧....
第五屆Friendship Cup2010即將開始!!!!

今日成個下午都冇出街(難得...),因為俾人杯緊...
留喺屋企睇番以前嘅自己...原來我都試過生日期間俾人杯,自己都唔多記得...
今日好多謝Baby...經常唔開心都有你相伴!不過當baby一走....全世界都好似遺棄左我咁
冇人理我,好似個個都唔識我咁...冇鑰匙唔緊要,我就唔信要搵一樣利嘅野係咁難!樽蓋原來都可以介....

##
賽前預測第四擊
冠軍細佬劉孝健
之前三篇都係介紹一d前輩級嘅高手,今次輪到後浪中嘅龍頭高手ㄚ健
相識於2009年,唔知點解,同佢一齊嘅時候好開心,可能佢有種特質,係令身邊嘅人好舒服...唔會有壓力存在
佢係繼元祖級之後,第二個親細佬...喺我屋企有事嘅時候一直陪住我,真心多謝佢!!
佢係第一個我會肯去接佢放學嘅人,即使係Lena,家寶定元祖級都未試過~
佢同ㄚ衡好唔同,好多野都肯開口講,好少會收收埋埋,咁樣令我感到好舒服,因為唔使估估下,唔會亂諗野
佢曾經亦都做過Pinky,Vinkie同元祖級做過嘅野,所以曾經都同佢反過面,不過佢亦係唯一嘅生還者!
雖然係上屆冠軍,不過上屆係主力捧後浪,喺差不多冇任何對手之下奪冠,惹來不滿的聲音
不過呢個應屆冠軍冇失禮,喺呢年內付出左好多,不斷向上爬....做到冠軍應該做嘅...今時今日嘅ㄚ健比起一年前奪冠嘅時候勁左好多!即使今年唔會特別捧後浪,佢都有足夠能力應付元祖級呢類高手...

戰績:
第四屆Friendship Cup2009
總冠軍

今屆同樣屬於冠軍頂頭大熱,贏唔贏到真係好睇遇到咩對手,只要贏左呢屆,就已經平左Pinky兩屆冠軍嘅紀錄,到時就應該改名叫雙冠軍細佬劉孝健!第一場嘅對手係Kiko...加油吧!

呢個只係稱號...唔代表d咩....
 點解係都要同我爭?
點解我又要每次都係爭輸嗰個?
點解你要避我? 我係咪真係咁討厭?

<小童。夢>
從前，有一位小孩子，他從小就已經很喜歡花花草草，能夠種一棵令他驕傲的樹對他來說，是一個夢寐以求的夢想，他從來沒有放棄過要實現這個夢想，一直都沒有... 而言，就在他八歲的時候，他和他的家人搬到一處擁有私人花園的別墅去，而小朋友亦都終於可以一嘗種樹的滋味。小朋友埋下種子，澆了水，盯著埋了種子的土地，對他說:"我一定要把你種得高高的!!"小朋友的的憧景，永遠都是這樣，天真非常。小朋友每天都十分細心的打理幼苗，不論是晴天，陰天，小朋友都總會每天花數十分鐘的時間對著那幼苗自然自語，時間慢慢的過去，小朋友亦都漸漸成長，但他對種樹的熱誠，是一點都沒有減退，唯一改變的，是小朋友了解到，種樹並不是他小時候想的那麼簡單。就在小朋友十四歲的那一年，不，在這年齡的人都不能再說是小朋友了，是年青人才對。年青人對於他的樹，仍然是每天給予適當的照料，不過平時每天所花的數十分鐘說話時間，卻已不再只限於說話了，還包括了行動，說得明確一點，這棵小樹成了年青人出氣的對象。當年青人在白天受了氣又或是有什麼事情令他不快，到了晚上，他都會到花園拿著一把小斧頭，大大力的砍在小樹上面，年青人就是這樣，把自己的情感隨意的抒發在這棵小樹上。年青人的心裡，仍然有著小樹，仍然有著小時要把樹種得高高的夢想。過了幾年，年青人----十八歲。成了年，年青人不論在行為和思想上，都有了很大的轉變，有一天，他坐在花園的草地上，看著滿是砍過的痕跡的樹幹，忍不住伸出了手，輕輕的摸了幾遍，年青人想也想不到，種了這棵樹十年，這次才是他首次接觸這棵樹........ 年青人向來對著樹都不離不棄，每天都花上數十分鐘與樹對話,每天都給予他照料，可是，他卻從來沒有真真正正的感受過樹真真正正存在的意義。年青人有著他對樹遠大的夢，一直都說著:我要把樹種得高高的!!口裡是這樣說著，但他從來卻沒有接觸過樹的內心，樹在這十年裡一直沒有作聲，一直伴著年青人渡過了十個年頭，為的只是希望和年青人達成那個遠大的夢......而到頭來，樹得到的，並不是年青人對樹自己的照料，而是一下又一下被恨恨地砍下來的傷痕....... 風吹著樹.....不知不覺又過了好幾個年頭，年青人對樹的夢，還可以繼續嗎?
 
## 賽前預測第三擊
七級豬馮幹傑(元祖級細佬)
2006年福音營中認識,佢係我人生第一個細佬,同Pinky一樣,曾經係我生命中最重要嘅人
佢令我第一次去諗,點樣可以對人好,點樣愛惜朋友..... 佢係一個自信心極低同勁怕醜嘅人,所以我經常都會鼓勵佢!
佢亦係一個好純嘅人,唔煙唔酒唔講粗口,所以教會d人唔係太想我地成日痴住玩,因為怕我教壞佢...
因為我地都係番教會,記得有次,我話我呢d仆街死左實落地獄,佢話唔緊要!到時佢會拒絕上天堂,因為佢唔會丟低我一個,一定會陪住我!
之後,因為我有感自己嘅命運唔係掌握喺自己手上,而係一直俾個天玩緊唔想再相信呢個所謂嘅神,所以決定離開教會!
而佢番教會比我耐,但佢放棄唒教會所有嘅朋友,包括一直我都覺得係七級豬最好嘅朋友嘅小白臉...佢放棄唒一切,寧願陪我離開
不過更好的友誼,也敵不過戀愛....
戰績:
第一屆Friendship Cup2006
總冠軍
第二屆Friendship Cup2007
16強止步(第一屆贏左Pinky,今次輸番俾Pinky,完左呢場,Pinky又係贏硬冠軍)
第三屆Friendship Cup2008
 殿軍(四強中先敗在總冠軍Pinky手上,於季軍戰上再敗在XGF家寶手上)
第四屆Friendship Cup2009
32強止步(剛剛上屆興後浪推前浪,屬元老的七級實力自然被降呢~第一場就敗喺ㄚ秋手上)

今屆32強淘汰賽將會上演第一個細佬 VS 最後一個細佬,今屆唔玩後浪推前浪,所以呢個第一屆冠軍要打贏今屆熱馬林智衡,唔係冇可能!

今朝衡衡仲燒緊,冇番學....
搵完健健baby就番工
放工搵衡一齊去跳舞....今日d舞勁難跟,跳唔到...BB超勁!
之後打機,我打打下<Destiny Lover>期間,細佬突然流鼻血...乜拍緊<童話>MV嗎?
小心身體...身子好弱ㄚ!!
之後我打<Ojiya>Ex.
我竟然打到
衡衡打<Right On Time>Ad.55仲勁,狂Perfect...根本佢就唔係人,係怪物!!
又一日了....
距離嗰日越來越近了...緊張&擔心!!

##
賽前預測第二擊!

劉芷蔚Vinkie
相識於2005年,喺我生命中擔當一個好重要嘅角色
d人話,我係俾Pinky教壞,咁Vinkie就係教好我嗰個...
多識佢不離不棄,無論失敗多少次,無論我脾氣幾臭,態度幾差,佢都不斷勸我番教會...
冇佢...我諗今日嘅我,依然係毫無人性!!
我地之間冇一件好具代表性嘅事可以俾我地去回憶
但我地之間所發生嘅瑣碎事,串連一齊去回味,我地係會感動到喊...
佢同Pinky好唔同,冇嗰種爆炸力,係屬於平靜細水,點點滴滴地儲起彼此感情...
我地嘅溝通方式亦同Pinky好唔同,我地一聚頭就會互寸,同八婆差唔多....咁當然,我同Vinkie嘅關係好好多
記得有一次,Vinkie爸爸因病離開左,第二日佢竟然照常番教會....
聽道期間,我不斷望佢,佢越係扮冇野,越係好似平時咁,我就越心痛...
到臨完,我地小組圍圏祈禱,為佢而祈,佢終於忍唔住喊左出黎,當時嘅我...喊到拍得住佢
為朋友心痛流淚,依個朋友一定要佔據住好重要嘅位置
Vinkie...我好掛住你
如果時光可以倒流...我可以唔咁絕嘛?

戰績:
第一屆Friendship Cup2006
16強止步(16強遇上當年嘅亞軍王俊文,當時係爆大冷咁輸,因為預佢係入硬4強)
第二屆Friendship Cup2007
季軍(於8強打贏左超勁嘅Tina,於4強中敗在當年嘅總冠軍Pinky手上,季軍戰撼贏埋當年大熱嘅細佬彭智偉)
第三屆Friendship Cup2008
亞軍(同樣敗在當年嘅總冠軍Pinky手上,雖敗猶榮)
第四屆Friendship Cup2009
8強止步(8強遇上我個XGF家寶)

今屆第一個對手將會係No文盧文軒,加油!!Vinkie....你係有本事入四強架!!

**請大家盡快估出今屆冠亞季軍,估中有獎

好好保重身体,你病左會好擔心你架..
擔心到訓唔著...記住準時食藥!!
自己都發緊燒....shit
(點解要為左一個已經唔重視你嘅人去傷心,去傷害自己?
你明白重視你嘅人有好多,愛情....只係人生嘅一部份!
愛情...真係咁重要?
珍惜一下,你眼前仲擁有嘅...
你依家得到嘅,並唔係必然!
為左失去嘅而去沮喪,實在對你仲擁有嘅野太唔公平
我明白,你想所有關於你嘅,都盡量係最好
但冇人係完美!
最光輝嘅人都會有遺憾....
人生...從來係冇完美
人生...從來都唔係你想點就點
如果一切都黎得好順意,人生存係冇意思
我地永遠唔識珍惜,唔會長大...
過去的就由它過去吧
我地可以做嘅...係捉緊現有一刻
都係嗰句...
我地人控制唔到嘅
上天自有佢嘅安排
開心d la~細佬)

##
賽前預測第一擊!
梁海恩Pinky
基本上同我熟嘅都有聽過佢個大名,2005年識佢,曾經係我最愛嘅朋友
係佢帶我去機舖教我打鼓
係佢教我食朱古力條
係佢教我打牌
喺我18歲,19歲同21歲生日陪我過
我第一次失戀,係佢陪住我,
我同佢所經歷嘅太多,感情好深!
大膽講句,佢喺我人生中擔當住最重要嘅人物之一
佢係少數我識佢父母,佢又識我父母嘅知己
我地frd到係拖手出街,同床共枕嘅地步

**戰績:
第一屆Friendship Cup2006
8強止步(於8強遇上當年嘅冠軍得主元祖級細佬馮幹傑,當年佢兩個都係奪冠嘅頂頭大熱,點知8強就相遇,打完呢場,元祖級簡直係冇唒對手)

第二屆Friendship Cup2007
總冠軍

第三屆Friendship Cup2008
總冠軍

第四屆Friendship Cup2009
32強止步(於一開波,已經遇上當年奪冠嘅頂頭大熱劉孝賢,最終ㄚ賢贏左亞軍)

今屆第一個對手將會遇上梓謙,雖然Pinky屬於強弩之末....
但話唒都係唯一一個兩屆冠軍,如果2005年已經有呢個比賽,相信佢係三屆冠軍添!!
始終有成4年感情,今屆冠軍,佢唔係冇機會,加油!!