阿昌約左我食飯,咁果日就去左銅鑼灣,俾佢拉左上去東角14樓,咁佢就介紹一個人俾我識,原來係一個分析員,之後講完d野阿昌就叫我填左張表去-.-咁我就一直都唔肯,佢就話呢張表只係for了解,唔駛俾錢-.-咁我都唔係咁信佢,佢就俾埋張身份證我1星期叫我簽左去,我心諗(駛唔駛咁阿)。咁阿昌就帶左我去識人,吸收多d人既經歷同前職業。雖然聽左好多人既野,但我都係無個心玩呢個遊戲。因為果5000$唔係我俾=.=同埋阿昌幫我搞掂哂,我只係要keep住上去LB=.=
去到3點幾~我先可以走-.-好似俾人禁固咁,好慘阿~好彩阿昌請食燒夜。

今日訓到12點幾起身,咁就好似見到親戚上黎打掃,咁呢個時段好多時都唔會上黎-0-我仲以為眼花,行左出去睇下,原來真係我親戚,咁佢就同我傾左好多我阿媽果面情況同埋打俾佢傾計,而我就照常咁去左玩電腦,今日點解咁怪會抖機=.=唔怪得啦,開唔到機-_-以我既經驗所知係燒左display card,咁我就下午打俾d fd想約佢地陪我去買-.-咁無人去,我家姐好奇蹟咁話陪我去買-,-但係我又驚佢遲到,都係去左啦。
我地去到揀左兩揀,點解多左咁多雜牌既display card,咁我又驚啦~囉唔定主意買,都係留番星期二同阿倫一齊去買啦o.ov佢真係好人啦,成日都肯陪我買野,多謝你阿=0=
咁去左西九龍食完野,家姐個老闆急call叫佢快d返工=.=間舖忙到唔得掂。皆因已經遲左成粒鐘-.-
咁我走之制,我有種不祥既預感,個心情唔多好,我係想轉路乘電梯走架,點知家姐拉住我,可能係趕時間關係啦...正當我想叫佢唔好拉之際,又俾我撞番個女仔=.=係令我驚到流淚的女仔-_-我當場彊哂麻痺哂,已經無力啦,又係咁出冷汗...果陣時又好凍。咁我家姐好辛苦咁拉走我,真係好彩啦。
咁家姐走左,我又無野做,咁就去左九鐵入闡內搵樂兒啦,原來係幫佢填下表,後來得知係申請信用卡,咁我都驚啦~一尾拒絕,咁原來係登記囉禮物,咁我唔出卡就無野既-0-我本來想等佢放工,但係等左兩粒鐘後有d怕啦,係驚佢會罰我錢啦,原來入左去超過90分鐘就會當你無票者,查到就罰500$=.=痴線架,我好怯阿....咁好快8點就走左啦,又諗番起9點約左阿昌飲野-,-咁就趕左去鑽石山荷里活啦,我就約佢早D 8點半,好彩佢都準時,入左去3樓機舖打機啦,我淨睇都唔玩-,-好似幾無隱,咁就行左陣商場,樂兒又打黎話黎搵我=.=又想同我一齊飲野-,-咁我同阿昌等埋佢啦,成9點半先到-,-飲埋都走人啦。志偉打黎問我出唔出黎,我又覺咁夜啦,又要送樂兒走,唔多想出...原來後尾樂兒唔想咁快走,唔通去我屋企過夜咩o.o咁就唔俾啦,佢就打左俾老闆,想過去食飯,咁送到佢搭車出旺角果到我就走左啦。返到黎屋企,成屋黑哂,我有d勁驚...又無哂安全感=.=咁就開燈汁下野囉,真係好寂寞嘛,我汁汁下,就汁到以前寫信俾我果d女仔叫我回信俾佢地啵,又睇番內容,我好似已經忘記左佢地,講真,佢地對我真係好好,我有d後悔無回信,咁而家關係遠左啦...唉,我有個心想做但係我無時間,成日都咁累,哈哈~我好似狂搵緊藉口,有心點會無時間=0=呢年真係識左唔少人,但係又遺忘左好多關心我既人,祝關心我既人永遠開心快樂~我做既野只可以係咁多,建造業呢年真係俾左好多回憶我=0=只係一年已經經歷左成年人必經的階段,我覺得已經夠啦,唔想再多啦^^

今日返工,原來強哥同華哥都請左假,阿倫又返埋學,得番我一個同埋阿琦,豪哥一齊做,咁開頭我勁迷茫,完全唔知自己要做d咩啦,覺得好陌生,好似唔識d工友...咁我唔知我之後有咩工作啦,問完明哥先知我跟阿琦紮線=.=...我心諗應該好易架-0-我真係估唔到係紮出面果d-,-又曬又熱,唔知點啦,好想死-_-
咁紮到11點幾我又覺得累喎...咁我同阿琦休息左陣就食飯啦,下午又遊遊閒咁過左,放學果陣我成身好累,無乜力啦,咁仲要返學-,-我個心情突然down哂,好彩有阿德阿庭陪我一齊返學=.=咁路途中阿德講左好多野,又問我咩事阿,又關心我,我覺得佢好人囉,成日都問我原因,又教我勁多野,咁我都覺呢排無乜心做野囉,又累又眼訓,唉....頭髮又白左好多啦。
返到學校我訓左一陣,流哂口水=,=咁阿sir黎到我都係烏下烏下,望見白板d字係模糊架=,=跟本睇唔到....

近日有人投訴我成日遊黎遊去,浪費時間,咁佢地只係見一眼就咁講=.=我平時都唔係咁,唉....我已經知道我入左人地既圈吐啦-,-
【受人兩分錢,工作似隻狗,忙昏不能閒,只想四圍走。】
今日超累,唔知聽日有冇人幫我手呢....

今朝返ive,我可以訓多兩粒鐘啦^^咁返到去都係一個都唔識既,咁我預左會好寂寞同無助囉,咁我上個星期三都無返到,而無咩人幫我追番上堂d野,咁我都唔知點啦。好彩我上幾堂都有識一d人,咁果d做中電既,我同佢唔係咁熟,so唔知點開口啦,好彩佢地主動黎幫我=0=v咁下午就同阿冼一齊食飯啦,當中有好多野原來同佢本人係身不由已架,關於佢想辭工的事就唔係太好啦,這樣太不理智啦,反而仲無左個良好機會,既然你都入左黎啦,點解唔好好把握機會做好d呢?
去到下午,咁又係槽既時間-.-我既強項,原來全班都係vtc既人黎-,-無做喉槽既經驗,咁我就盡量幫阿冼啦-0-話哂佢都係義氣仔女,so...我幫左佢唔少^^
放左學,我又幫家姐做跑腿-,-去幫佢囉書去還借...本來今晚阿業約左我打邊爐,皆因我已買左飯盒啦-,-我推左啦,

阿昌又約我聽日去銅鑼灣行=,=我都唔知點好