今朝好早就起左身=0=咁就睇清楚個鐘係咪6點半先=.=我幾淆個鐘玩我 咁我趕住出門就唔記得上香,我上緊之際阿倫就打黎催我啦=.=咁我都要快快手手出門啦,我都唔知呢個星期搞咩,我成日人都好失暈,唔知點咁...哈哈,咁返工果到無咩問題,只係d野好做左。今日下午又要紮鋼帶啦><個天仲落緊雨架,老闆都落埋黎-,-唉...我都仲要手慢腳慢咁,唔多自然,咁我好似表現得懶懶閒,俾老闆講同埋豪仔餅都話我懶-_-其實我都知咩事架啦。

昨日我明明沖完涼出黎係7點-.-點知開電視睇新聞時見到8點03分...即係遲到,咁我都係傻下傻下咁完成呢日既工作。咁放學仲要去返學,成個人已經好累,原來仲要買書=.=唉,又要破財。

咁呢幾日有人問~幸福到底係邊到呢?我覺得於其去問,倒不如去學。學下【不求擁有得多,但求計較的少。】用心去愛,用心去付出,愛你身邊的人,愛呢個世界,原來最終發現,幸福已經係你心入面。(麥潤壽的話)

今日星期日,天氣頗差,現在掛緊3號風球,心情一般,經過差唔多一個月既工作,學識處事待人,而互相遷就都係在所難免既,我覺得基業呢間野處事效率都幾高既,但係就d唔多理想既事囉,就係信任唔夠。
琴晚我放工已經好累啦,家姐仲打黎叫我陪佢買野-,-咁我都預左趕唔切啦,因為掛緊3號風又無的士入橋下路,咁call左台都係要等,so會遲左番去,去到黃大仙,家姐又話約左人出去食飯,咁我咪算囉,又要食埋果兩隻咸蛋囉,點知佢又問我去唔去埋一齊食-_-咁我心想(家姐d fd我又唔識既,一陣忽略左我咪死)咁我為左醫肚的關係去左啦,其實佢都唔忍心見我餐餐食咸蛋^^咁我去到點知佢個fd又撞到個fd,咁岩又一齊食埋啦。一次過可識到家姐3個fd-0-真係多以外收獲啦。咁去到都係等位-,-但係等位之際又撞番2年前既同學-0-今日幾咁好彩阿^^同佢吹左陣水就入左去啦=,=

哈哈~回想番上一年呢個時份,真係舒服得多啦,我搬左黎都有1年啦,呢1年內我所認識的人和事物都幾得意-0-又識左好多朋友(net fd)咁都ok la算好過無啦-0-keke...可惜阿...都損失左好多野,點都好啦~利多於弊~哈哈。

關心我的朋友一定好想知我阿爸的狀況啦,佢而家轉左番大陸醫病,咁而家心情好左健康都一樣啦^^不過都係醫到斷尾先番,咁預計會下個月先番到,而家打緊風都唔知佢點呢,真係好掛住佢呢^^之前香港d醫院淨係俾藥丸(肥仔丸)佢食,咁食左之後d副作用多到x街,成身腫哂,果時見到佢咁真係慘,唉...而家都好左啦^^證明醫院d藥幾咁利害啦,我懷疑佢亂開藥同埋搵我老豆試藥。

咁呢排好多人病阿,我個工友去公立醫院輪籌睇病都囉唔到籌,大家小心身體阿^^祝大家身體健康。

p.m.阿君阿~其實我成日都話無錢食野,係有苦衷架,我阿爸果到d事都幾用錢架^^希望你唔好因呢件事而同我嘈啦^^哈哈~笑下啦^^我都無怪到你=0=

今日好曬好熱阿,仲要做埋前幾日既工作(紮鋼帶),唉....其實我個心已經飛走了,已經想走啦=,=
咁做做下有個學徒檢察官黎左睇我同阿倫,吹左陣水就走人啦佢。我都係繼續紮啦,腰都赤痛阿><
我真係酸痛架,仲成身汗好累,曬左幾日黑哂-,-我都怕左了。原來悶傷左會甩皮,跟住就會痕,好可怕阿...
咁下午食完飯已經成身散哂,唔多想郁啦,咁下午d時間易過D,因為3點有下午茶時間1粒鐘=.=
做到6點放工,咁就番屋企啦=.=好累阿

今日係中秋節啦,大把朋友都有節目啦,我就回心想起上年中秋節做左d咩呢,上年中秋好特別o.ov可能係有人陪啦。
今年中秋節同平時一樣,留係屋企掛-,-我真係想唔到去邊玩,阿邦話周圍行,而阿敏就約左成班舊同學去食kfc之後去海灘,咁其他D net fd就話去天水圍玩,我真係好難選擇,一來無錢-_-二來成身都累,三來出到去又唔知點。

回想起上年中秋節,我仲係裝修緊個新屋,我大舅仲努力咁幫我地度位同裝修,第一年有人陪我過中秋(唔係大舅)噓...
我而家又得番一個人啦^_^,我阿爸阿媽有排都未返,我阿哥要返工,家姐又返工,今年中秋得番我一個人係屋企過啦。

我下一年的中秋又會係點呢?我諗又係如平時一樣^^不過就改變左少少野。係個人變左

今日8點31分返到公司,唉....遲到/..\我覺得遲左1分鐘真唔抵=,=罰左錢><咁今日又係轉鋼帶,上午好曬,半日都曬死...我條腰又痛又累阿,咁阿倫都係同我差唔多辛苦。朱仔無拿拿打黎約我去食飯-,-咁我仲未答應。食完飯我都係要做埋果d野,做左一陣個天密雲,我都知咩事架啦,咁我就開始預時間-_-一落雨就可以鬆人,呵呵...咁我見到帶雨區飛緊埋黎...我都識做汁野走人o.ov咁佢地都唔知咩事,濕哂....keke,成個下午(3~5)都唔駛做野,我地就坐你冷氣房吹水同睡,真係好嘆。

咁放工就同阿聰阿倫一齊走,阿聰仲要番公司囉野,有排唔走得,咁阿倫問我仲去唔去朱仔既約會-_-咁我就問碗粥同果兩粒咸蛋,碗粥話唔好掉底我阿,唔好走阿><...咁果兩粒咸蛋就話【食埋我先走啦】。咁我就無去到啦=0=就返到屋企之際,我家姐打黎叫我去樓下等佢-_-我次次收到呢個電話都知咩事,突然沮喪起黎。佢落到黎話同我一齊去百佳(pk)買野,咁我心諗我岩岩返,拎咁多野去買野-,-?佢無野阿化。咁我就上左去換衫落黎啦^^
去到pk我就見到好多人,d野都幾平...咁就拎左架車去裝野.點知俾我知道左爛轆,咁我就拿拿琳換個架啦=.=傻....汗..
買左好多野,我拎哂d飲品同水,好似苦力><水都重死=.=唉...人生多麼坎坷。應該係【我多麼坎坷】=.=

咁番到屋企,我家姐叫我同佢去升lv,咁我又玩番天堂,陪下佢升lv,升到無mood,好眼訓...唉,我真失敗-_-