唔係五香肉丁.....係四眼雞丁......今日因為星期日踢波受傷...今日冇踢~~~我就9點幾同阿爸...媽飲茶.....飲到11點就走左去剪髮....剪完諗住同趙倫去GAME SHOW架~~~點知佢去唔到...去到唔夠時間睇~~~所以冇去啦~~~佢話今晚去睇戲..一陣打比我~~我咪返屋企等囉~~等等等....係屋企等到發臭....臭到訓左~~~佢都冇打黎~到我訓左一訓~~佢先打黎~~我地就去左沙田睇~~~本來有叫嘉豪~~不過後來佢話唔黎~~去到原來同埋佢同事睇~~~咪三個睇囉~~去到勁多人~~買唔到7點幾~~~買左8點幾~~~買左又未夠鐘咪去食飯囉~~~同去左打機...夠鐘就入場啦~~~套戲都好好睇~~~好好笑~~~有一場真係好好笑~~~係講阿雞丁係個人人都話佢冇用既人~~~佢為左證明自己有用~~~佢就去參加棒球隊......到左最後到雞丁出場~~~佢一定要打到全壘打先可以嬴場比賽~~~頭個兩球個打唔到~~到左最後一球~~~佢打到呀~~~~!!!!因為個D接球手都估佢唔會打到~~冇人理個波~~~阿雞丁就跑啦~~~跑跑下~~接球手就知道大鑊~~~阿雞丁跑到2壘啦~~~佢地先去搵到個波~~~~佢地有三個人~~一隻係牛....兩隻個熊仔~~~隻牛混亂中以為隻熊仔係個波~~~拋左返去~~~哈哈~~個時雞丁跑到3壘啦~~~隻熊仔就發現原來個波係隻牛個牛角個道~~又冇時間喎~~佢地就托起隻牛返去啦~~~個時雞丁跑到本壘啦~~差唔多~~隻熊仔就拋隻牛返去本壘啦~~真係勁攪笑~~~個結果都係自己入場睇啦~~~

今日老細話入左錢比我.......我今朝咪走去睇下囉~~~佢D錢出得好慢~~~12月先比返11月D錢...我諗都有8千幾啦~~~可以去買下新年既野~~~點知一睇條數...下得6千幾~~~我諗佢會唔會出左比我小小先~~~遲D比呢~~點知唔係~~~佢話出曬~~~我咪問佢我幾多錢一日...佢同我講250......我話~~~我唔係350一日咩~~~佢就話幾個月前同我講左~~我心諗~~係喎~~佢有同我講過~~不過個時佢叫我返去諗下先~~~下次先答佢~~佢條友宜家同我諗埋~~~我好似冇話好喎~~~你唔係當我傻架~~~下話~~~我咪用粗口鬧佢囉~~~鬧到佢冇野講~~~又話做野唔得閒講~~~又點又點....我就CUT左佢線.......後來我同事就打黎~~~問做乜~~因為我同事同老細好熟~~我就話佢乜乜乜~~~~佢就話老細過份~~~佢問左話同老細講左加返到280...我就話返去諗下~~~我問左我阿媽佢叫我唔好做~~~我諗過做到新年前啦~~~我都唔想再幫LEE個人啦~~~

我今日去太子道返工~~~~我今日好彩遲到呀~~唔係我就要去維港灣做野啦~~~我返到去我老細已經車左無能師父去左啦~~(死左)我就係大本營打理下D家頭細務...打下掃下咁..就成11點幾啦喎~~~我都諗住食得飯啦~~忽然阿老細就收到電話啦~~~當然又係無能個個啦~~佢又話冇乜冇物~~~我老細咪叫我拿比佢囉~~我走左落去坐46小巴....展開我既一日遊啦~~~去到奧海城比我見到個棵大既聖誕樹喎~~都有6樓咁高呀~~~好靚架~~坐到左維港灣就打比無能啦~~~點知條粉腸唔聽電話喎~~~咪上去搵佢囉~~上到去人都唔見~~佢條友鬼唔係去左食飯咩~~咁叫我去把鬼呀~~食遲d飯洗死呀~~!!!正一X街~~~老細就叫我放起門口~~~我就走啦~~~返到去食個飯都成2點啦~~咁就做做做..做到5點諗住做多陣可以收工啦~~老細就係LEE個時候叫我去多次維港灣喎~~哈哈~~真係想死~~無能做野做到一半就返返黎.....宜家叫我去做番~~又叫我裝窗簾...我心諗頭先你唔叫無能去裝~~又做多次~~~唉...又上車~~又聖誕樹...又維港灣....去到都唔洗一陣就裝好啦~~~咪收野走囉~~老細叫叫車返黎..佢就比左個電話我叫~~~到左啦~~個司機都唔識去返太子道~~~哈哈~~~~我都唔知LEE個公司攪乜~~叫個唔識路黎做乜呀~~又叫我查地圖...我唔係同你做架喎~~~洗唔洗比水你飲呀~~~佢都有病架~~返到去都成6點半啦~~火都黎啦~~~下次都唔好攪我呀~~~

今晚我好唔開心~~~我諗住上下網就去訓架啦~~~點知忽然有個人hi我~~Lee個人我識架~~重係一個好重要既人~~佢就係棠棠啦~~佢係我既XGF...好耐以前既事~~我地以前都有開心既日子......不過好短暫只係幾個月既時間~~我地就由男女朋友變成朋友~~~佢個人永遠都係有笑容~~我好小會見到佢會唔開心~~到左後來.....佢就同左第2個拍拖啦~~~我唔會因為同左佢分手唔開心~~~我會覺得咁樣會對佢好D~~講到尾都係我對佢唔好~~俾唔到愛既感覺比佢~~~佢先會離開我~~~我個時都好唔開心~~我有為佢哭過~~~但是我諗通左就冇事啦~~好啦~~到我今晚見到佢~~我既感覺已經唔同左啦~~但係佢原來唔見曬我地D電話號碼~~~我比返我個電話佢啦~~佢就打比我啦~~我地就好似以前咁講下電話.....雖然佢好累~~~佢聽日又要返工..但係佢都同我講左成個鐘..我地有講有笑~~我有種奇怪既感覺~~好似佢係冇離開過我~~哈哈~~不過我知係無可能啦~~佢同佢既男朋友都好穩定啦~~唔知佢地幾時會去結婚呢~~哈哈~~好啦~~同佢講完野我個心舒服好多啦~~~我地既友情係不變架~~~

佢係我一個係上網ICQ既朋友~~起初我諗佢會係一個唔係好講野既人~~~我記得佢以前識我果時都重係讀緊書.....不過後來去左做野~~我記得係一份漫畫店既管理啦~~~佢果時係成日都起唔到身去返工~~~我後來日日都比電話叫佢起身~~~通常我都會早D叫佢~~同佢講下電話.....果時真係我最開心既時候~~~之後我地就成日會傾下電話...........SEND下信息~~~日子就係咁樣過啦~~~後來佢冇做LEE份工~~~就走左去讀設計.....到左宜家都讀左有幾年啦~~佢係lee方面係有天份...不過有時係有野會諗唔明~~我都有叫過佢唔好太過去睇得太重~~有時人地畫得好~~~你就唔好同人去比較啦~~~人比人係無得比架~~~佢宜家晚晚都做到好夜.....有時重唔去訓~~我好擔心佢~~我真係好小去擔心一個人~~後來我地係一個時間見左面~~~係尖沙咀~~我地見到對方都呆左~~我覺得佢好似我以前個女朋友~(雖然我見過佢張相)有7成似~~~同埋佢有樣野係好似~~就係佢無論撞到生物OR死物呢...佢都會講SORRY 呀~~~!!!哈哈~~之後我地就好無聊咁行~~~我就望住佢.....佢又望住我~~我心諗~~唔知佢覺得我點呢~~??過左一排...我地又見下面~~~第二次就好好多~~~多左野講~~我同佢一齊真係好舒服.......我係唔洗去諗好多野講~~~我地好自然會有野講架啦~~最後~~我真係好想佢唔好咁辛苦~~我會好心疼架~~~~希望佢可以早d訓啦~~~