尋日返到屋企.....我阿爸都係大陸返左黎啦~~~不過佢唔知幾時病左啦~~好似好大鑊呀~~話佢去照X光...個醫生都唔知得唔得架 ...又話係個肺道照到個影喎~~~~~你知啦~~有個影喎...可大可小架...第二次照又話冇啦喎~~都唔知佢識唔識醫人架 ~~比我知佢係乜水...我實爆左粗架 ~~~又話比D藥佢食啦~~~又話食左係會勁咳...咳左就冇事......如果我老豆有乜事...你就知死 ....我到左宜家先識去關心我阿爸...我心諗我都好不孝啦 ~~~我阿嘛又有事...不過阿嘛佢大鑊好多啦~~係絕症啦~~都唔知重可以有幾耐呢~~~~不過我係唔想人佢有事啦~ ~~最好大家都冇事啦~~心情都係唔多好啦~~~

今日又係係半山返工...........都返左幾日....係整外牆架...又係曬左成日..我諗我都黑左好多啦 ~~~本來老細話星期日要返工架..哈哈~~~點知收工個屎又話唔洗喎 ~~~~~都好丫....星期日可以去踢下波~~~收工日日都會搭的士落山架..不過今日等左好耐都冇的士喎 ~~~佢地咪諗住行落山囉~~ 下...我心諗.....行落山?好累架...行半個鐘都行唔到啦~~不過我想話唔行架...不過佢地已經行左啦~~~行行行.... 行極都唔到.......都唔知做乜要咁辛苦喎.....行左半個鐘都未到山腳........... 佢地行到勁快...好似唔識停咁...行到去纜車路...我諗都到啦掛...點知都係未到啦~~我係Lee個時候我又諗返我都有10幾年冇搭過纜車啦~~~有D掛住啦~~~到最後都重要行多三個字先到....我累呀~~~~

人生就好似爭野咁.....未出世就要同人爭係邊道出世.....係個好人家出世有大把錢用...唔洗做啦..幼稚園又要同人爭玩具.....小學又要同人爭分數去讀中學......中學又要同人爭女朋友喎....大學又要爭學位....出黎做野又要爭份好工.......打算同女朋友結婚又要爭酒樓.....到左阿媽阿爸死左又要去同D兄弟爭家產....到自己老左啦~~~又要同D老野去爭米......爭爭爭.......死左都要爭風水寶地去做福後人.....人生都係一個字    爭........

今日可能有時間太多......個心係有野諗唔通...唔知點解我Lee幾日冇同佢講野個心好唔舒服.....可能係習慣把了....冇左佢既世界有d空白.....我諗佢係可以代替邱邱係我心中既地位....又可能我諗得太多啦....我會對佢好好....會好似以前對邱邱咁....不過我唔確定...只係諗下~~~~~~

今日去做野....係個天台黎架~~做做下野......我見到一隻好似雪狗既狗....佢個樣係勁得意個種......我做完野咪同佢反下囉~~~反反下.....佢又好似好鐘意我喎~~~~我叫佢手手...佢真係比隻手我喎~~~`佢真係呀~~~我又比水佢飲啦~~~做完野都要走啦~~~同佢講左拜拜咪走囉~~~唔知重有冇機會見到佢呢~~~~