正如我上一篇日記所講~呢排好多野要我去面對~

呢個星期只係開始左2日多~我已經就快頂唔順~(我指我對腳頂唔順)

公司要我記既野實在太多~

我只係返左幾日工~咁快要我上位..坐上去~真係好無奈~

我e+好明顯就係連跳幾級咁升職~但係就唔加人工=.=

每樣野飲~沖既配方都唔同~茶又要自己煲~真係攞命~

最大獲係後日開始~朝早仲要整係得我一個人負責沖野飲~

我要係整返既呢1日~將幾十種野飲既沖法~記曬入腦~

差唔多百幾樣細節要記~差唔多寫滿左我十幾頁紙~有病架~

另外真係要好多謝yuki~佢真係好好人~

呢幾日佢實在好比心機咁教我同阿joe好多野~

我好佩服佢一個女仔可以咁捱得~咁堅強~真係好利害~

雖然佢好煩~又好鍾意成日講名師出高徒黎讚自己~

但點都好~好多謝佢~唔係佢教得咁好~我同阿joe唔會學得咁快~

yuki做埋聽日就唔做lu~佢又係要讀返書~

到底我同阿joe~星期四會唔會做到死左呢.....

後晚就開學lu~又有一堆野要記~

自小六後-.- 應該無試過要記咁多野-.- (因為中學無聽過書=.= 好失敗=.=)

E+真係仲辛苦過以前岩岩入行做髮型屋果陣=__=

突然好想好似D BB同女人咁~有人呵下個頭~講下d溫柔說話~

其實有時男人都需要呵護~真係唔係講笑~

不過呢d感覺~我除左好細個果陣之外~1直到e+都未有再試過~哈哈~

點都好~捱埋呢個星期~下個星期會好過d~

好似好耐無見老婆咁~快d到聽日收工就好了~

今日係婆婆同細e黎香港玩既最後一日~

一早起身~成屋都無人~o鬼曬~

打比阿妹問~先知佢地出左黃大仙拜神~

我問點解唔叫埋我~係咪以為琴晚禎禎係我度過夜~

答案係我無估錯~真係服左佢地~

講返俾佢地知~琴晚我有送禎禎返屋企~

之後我就換3出黃大仙搵佢地~

去到既時候~佢地已經拜完~

跟住坐車去沙田行下~去左車公~

老媽子~阿妹~仲有我~都求左籤~

阿妹同我都係上籤~老媽子1張中籤~1張下籤~

唔知佢地果d籤講咩~同埋唔知佢地求咩~

至於我求既野~明顯係要我捱一番過後~先會好起來~

第六十六簽．上簽

真金不怕火來（火段），<--()入面係1個字黎的~

性堅何懼小人言，只管秉心行正道，舉頭三尺有清天。

信則有~不信則無~阿彌陀佛~

離開車公之後就慢慢行左去新城市食野~食完再行出公園~

行左好耐~影左d相~最後就返屋企~

婆婆同細e坐唔慣巴士~1坐耐就會想嘔~

因為我鄉下都係以3輪車為主要交通工具~而且空氣好清新~

3輪車<--即係一個車夫係前面踏單車~後面有位俾人坐果d~電影成日有~

返到屋企坐左陣就落去食大家樂~食完之後~返到屋企再坐一陣~

到7點半左右~婆婆佢地就返去了~佢地先上深圳搵舅公~住返幾日~

之後再坐幾個鍾車返鄉下~

拎埋行李~陪佢地去到去地鐵站~我就同佢地講88了~

老豆老媽子就送埋婆婆佢地上去深圳~等搵埋舅公先落返黎~

短短3日相聚~時間實在不夠~

分離既感覺~總不是文字能夠表達~的確很酸~

自己返到屋企之後~回神過來~

又發現眼前仲有一大堆野要我去做~要我去面對~

新公司仲有好多野要記~要學~要接受好多新知識~

同埋下星期開學啦~仲未買筆袋~哈哈~壓力開始多返~

呢篇日記我唔放出黎啦~你話會俾人笑~

朝早起身返工~巴士勁凍~好難頂~

今日返3粒鍾~真好~但下星期開始返足8粒鍾~

下星期應該係最辛苦既一個禮拜~

一黎唔夠人用~二黎我同阿joe經驗實在太少~

收工就搵禎~原本應該係太子見面~

點知上到佢坐緊果架地鐵~發現太多人~

要到左金鍾先見到面~哈哈~之後去搵野食~

食大快活~都ok好味~

食完就去坐平平既巴士上去海洋公園玩哈佬喂~

去到拎飛先~拎完先知我地太早到~

結果坐免費巴係正門去後門~又係後門返正門~

但好在佢提早俾人入~唔洗等咁耐~

入到去~個天好光~無咩哈佬喂既感覺~

行左陣~禎就俾隻突然出現既鬼嚇親~禎真係好驚~

然後坐吊車上山~玩左2個鬼屋~死x浩劫~同咩咩咩(忘記了)

玩完第一個鬼屋果陣~傻豬已經嚇到傻左~

我拉佢玩埋第2個~玩完第2個~唸住見無人~捉佢玩埋第3個~

點知傻豬話真係好驚~唔想再玩~

我認真望左傻豬一陣~發現傻豬個樣真係俾頭先差左~

傻豬仲怕到想喊~所以我都唔勉強~

你唔玩~我玩黎又有咩意思呢~雖然覺得可惜~但我無咩所謂~

行多陣~傻豬話個心好痛~次次唔夠血就會咁~

一聽完~個心離左離~知道之後已經唸住同佢走~

開頭係唸住唔去鬼屋~去睇鬼so~但傻豬一見到鬼就勁怕~

我真係好怕佢再俾d鬼嚇到~1嚇到~佢個心又會痛~1陣暈到點算~

其實我仲緊張過傻豬~傻豬係度怕緊鬼~我係度怕佢暈~哈哈~

6點半就走左人了~走果陣~傻豬好似覺得自己無用~攪到我無得玩~

其實唔係架~你唔好亂唸野就得架啦~

你身體有事仲點可以玩~何況你仲要我自己一個玩~我緊係打死都唔制啦~

送成個海洋公園俾我都無用啦~其他既野~我真係理得佢死~

我整係唔想見到你有事~明無？你最重要！

離開海洋公園之後~就去左銅鑼灣~行街同食飯~

食飯食日本野~d壽司真係好好味~好少食到咁高質數~

傻豬試左少少之後~仲俾左佢果舊我tim=3=~ 多謝傻豬~

另外我買返生日豬了~好野~哈哈~

仲同傻豬一齊訂左套情侶衫tim~5百幾蚊架~貴野黎架xd~

最後就返尚德~係商場行一陣~之後返屋企坐陣~

2個都好眼訓~走前既最後15分鍾~我地都係訓著左~

夠鍾就坐的士陪返康盛~好精彩既一日~

唔好再成日計邊個洗得多錢d啦~知唔知丫豬~真係打爆你架~

一人一次咪得囉~正一小肥豬~2公婆~無得計架ma~係咪先~哈哈~

不過記住~我地跟住要節省金錢唷~

我地8月中咁上下開始~就成日出街-0-" 洗左好多錢xd

又驚又喜的一天~憂心忡忡的一天~意想不到的一天~

我愛你丫~唔好離我而去~1直係咁樣~唔好嘈架xd~

朝早起左超多次身~係咁訓下醒下~

同禎傾陣msn~之後就出門口了~

返到公司~好鬼多野做-_-.......

今日學點煲珍珠~同埋茶~仲有記好多野~上貨落貨果d~

發現收銀真係好鬼難做~幾個人輪住黎收-_-

到我做收銀-.- 就超多人買野飲-.-" 無陰公-0-

真係差d做錯野~(我唸應該無找錯錢掛)

到6點幾就收工走人~返將軍澳~坐巴士同禎傾電話~

返到尚德~成家人係大家樂食野~婆婆同細e打邊爐~

佢地真係唔會浪費野食~好敬佩=v= 佢地咩都食曬~強~

食完就返屋企~幫阿媽入相去電腦~

因為老豆阿媽~婆婆同細e~佢地4個人今日去完睇大佛~

婆婆去過2次啦~哈哈~我1次都未去過xd~

不過入相攪左我好耐~因為要裝返nero~但又裝極都有問題~

聽日佢地4個~+埋阿妹去迪迪尼~

哈哈~同樣地~我又係一次都未去過~婆婆比我呢個香港人還強呢o_o

聽日返幾粒鍾工~收工之後就同禎出街~夜晚去op哈佬喂~

如果知婆婆13號會係香港既話~我就唔會係13號去OP lu~應該改遲一個星期~

但e+1早訂左飛~無得改~所以同禎禎去玩夠本~

希望玩得曬d鬼屋~睇下傻豬有幾怕鬼xd~

星期日放假就應該可以陪到婆婆了~希望唔會去好遠既地方啦~出西貢食海鮮都好丫xd~

ps：

傻豬禎~如果有時我msn or電話講錯d野~唔好嬲我~

我好多時都只係講笑~唔係有心~

呢排好似越黎越容易攪到你發脾氣咁~對唔住丫~

另外星期日~

好想見見你~但都係以陪婆婆為大前提先~

所以~如果~果日真係無得見~唔好嬲嬲=3=

傻豬~你怕我唔要你~其實我都怕你唔要我丫~

講真~我好怕成日嘈~變到收唔到科~好怕咁樣.....

或者真係同我講既一樣~我地都變左~

同初初唔同曬~可能係階段唔同左~可能我地去緊另一個階段~

點都好啦~只要我地係相愛~互相深深喜歡對方既話~

我相信咩風都打唔走我地~