朝早6,7點就起左身~訓唔返~所以唔訓~

係度上網~打機~直到8點幾就換3出門口~

去調景領地鐵站等禎~

去左apm睇不能說的秘密~早場~真係平~

由於我咩劇情都唔清楚~整係知有d關於穿越時空既野係入面~

所以睇落個感覺正好多~我覺得套戲有80-90分架~

睇完去左奧海城~唔多野行~但住奧海城真係好正=0= 真係咩都有咁=0=

同禎食左仙蹤林~然後就坐巴士去左九龍灣既淘大行~淘大仲未裝修完~

係書局睇左書~我無買書~禎買左1本~

不過我睇左好多書~都好想買~但好貴~自己手上d書又未睇曬~

所以都係留返遲d先再算啦~

走之前買左龍鬚糖~好好食~傻豬食到個樣好得意~

返到尚德家之後~休息左一陣~之後就..............

就................就係房度做人仔~（說笑xd）有做好安全措施~

夜晚就同爸媽食飯~食完就同禎入房~

禎要9點走~我勁唔捨得=o=....好想傻豬留低=0=...

但都係9點走左~開頭以為要隔成個星期先可以再見~

但好好彩~禎星期三唔去睇學友演唱會~所以應該可以見到面^_^

夜晚同禎傾電話~播歌俾禎估歌仔~

聽日就開始勁多野做啦~肯定做到成隻狗仔咁~真係好想唔返工丫~

而我e+.......呢一刻...........

最想就係攬住老婆係咁訓~訓到我訓夠為止=v=

四個月了~真係過得好快~

一唸返4個月前既呢個既上~果陣既心情真係好有趣~哈哈~

到今日既日記~

朝早一返公司就俾pinky捉住傾計~同埋聽佢d愛情史同愛情問題~

pinky同佢e+既男朋友真係好多問題~日嘈夜嘈~

聽完個感覺........就好似我以前咁.....pinky個樣真係苦惱~

聽完佢up一大輪~我都只係講左幾句野回應佢~

始終係人地感情事~我唔想講咁多野~何況解決愛情問題唔係我強項呢~

聽左佢講足足成個鍾~然後我就睇書啦~

睇左陣就有野做~做下休息下咁樣~做到收工~

收工之後同禎傾電話~落車之後係百佳買左少少野食~

傾到返到屋企樓下就收線了~

上到樓~同阿媽一齊食飯~傾下計咁~食完飯阿媽洗碗~

洗完碗之後阿媽入房~再同我傾計~

最先就傾下呢排個市點~之後就傾我份工返成點~

我好直接咁同媽咪講~我真係無咩動力去做髮型師~

即使我有操頭~有上進都好......我都係提不起勁~

因為個心都唔係果度~其實對做髮型師果團火~

係我知道咩叫投資果陣~就已經減弱左好多~

傾完呢樣~阿媽提起禎~話潮州人都好識儲錢~我話唔知wor~

然後問我想幾歲結婚~又叫我27,8先好結婚~

之後我話~咁佢咪好老囉~女仔唔肯咁遲結~

阿媽聽完又話係bo咁樣~

阿媽又話如果我地2個真係有心要係埋一齊成世~

就好比心機儲下錢~咁樣以後d生活先會好過~

返工等放工=0= 悶左成個星期了=0=

阿pat星期一就返黎了=0= 到時就超級多野做=0=

呢幾日返工都係洗得1,2個頭~完全無錢搵~

再唔係就無野做~幫下pinky洗頭~

其他時間都係坐坐坐~同埋坐坐坐.....坐係度睇書~真係悶q死人~

今日同pinky傾開計~問我上年海洋公園哈佬喂有無去~我話有~

之後傾左陣計~原來今年迪士尼都有哈佬喂~而且d飛好平~

因為迪士尼減價搶客~d飛2百蚊咁上下ja~

pinky話今年一定要去曬2個~

我就話要同我女朋友去迪迪尼~去完再去海洋公園果個~

成間公司~我好似整係同到pinky~kim佢地傾到下計-0-

另外公司調假~今個星期日放假~

真係吹漲~調左假無人話我知~有撚病的~

如果我唔係去左睇簿~我咩都唔知啦~on99咁星期日返工~

收工打俾禎傾計~傾到佢食飯~

傻婆覺得琴晚細路女事件好恐怖~ 我就覺得無咩野xd

事源係咁~琴晚陪禎回家既時候~

我見到有個好細粒既細路女（真係好細個架ja）

細路女係巴士上層行落去下層~應該係落車吧~

但好奇怪~我一直係上層~望住有無人上黎~

(我上車~上去上層果陣唔見有細路女的o_o)

一直都無見個細路女上黎~然後停站果陣~突然係我面前行落去~

真係唔知邊度彈左個細路女落車~

仲要無大人陪wor~夜麻麻~

之後望返下面~又唔見有細路女行出巴士=0=

難道因為近鬼節~所以........ @0@~~~

我整係知禎好怕-_- 我對呢d野無咩野xd

今日遲左收工~8點幾~又要禎等我~

收工之後坐2轉車返tko=0="

返到屋企就食飯~禎打日記~10點幾就返康盛~

唔準你著d暴露既衣服唷xd o_o~

今日果套真係唔可以-0- 希望我唔會變管家佬=0=

阿pat仲放緊假~公司真係好冷清~

今日又係無咩野做~好悶~

收工之後~過左灣仔睇髮型show~

一去到~有成百幾人係度~即係好多同行髮型師~

睇人地點染髮~同埋點剪頭髮~睇左粒幾鍾就睇完~

第一次睇呢d show~感覺自己好似比以前高級多了咁=0=

以前係旺角=.=....阿彌陀佛囉真係....

如果問我學唔學到野~答案當然係有啦~唔多唔少都吸收左d~

不過我比較想睇電髮多d~

睇完坐車返屋企~同老婆傾電話~