11月13號 星期二

emily放假既一天~感覺非常好既一日~

不止朝早~連下午都是我們的天下了xd~

今日同阿joe做左件好衰仔既事~(係阿樂同kiko未返之前)

事情係咁~我無意發現kiko既筆記~亂放左係收銀台下面~

於事我就拎左黎睇~發現左有一篇手寫日記~係kiko幾個月前寫的~

內容很感性~都係講d愛情野~

唔睇真係唔知kiko份人係咁感性~睇完馬上對佢改觀左~

阿joe都覺得佢自己好衰仔=v=" 哈哈~

每個人總有一面會收得好深~唔想俾人知~

正面左是白~正面右是黑~背後的左右又是什麼顏色?

到阿樂同kiko返工既時候~

我~阿joe~阿樂~kiko4個人就一路做野一路吹水~

好快就2,3個鍾過去左~好開心的一天~

少了很多壓力=口= 不過天天都站著~我的愛腳會受不了~

訓左2 day~今日又要返工~朝早真係明顯神精左~

照樣朝早係我同阿joe既天下~無往管~

阿joe岩岩過去既星期六上完~記憶學總會既堂~今日話返俾我知教咩~

試用左~真係勁有用囉~掂到爆~4-5分鍾就記曬20個生字~

完全無錯度~而且仲要唔易忘記~好深層既記憶方法~

如果換轉平時~用自己d方法記~肯定會記錯d位~又記唔曬~

真係好想報名讀囉~但10堂就要用3千幾蚊~真係好甘=0=

但....真係好正.......遲d有錢~點都要讀~真係完全幫助到讀書~

另外知道阿joe做埋12月就唔做~

真係唔知到時調邊個上黎幫我~如果打算唔搵人幫我手-_- 我都會遲職-.-

1條友過朝早-.- 會痴線~又多野做~又悶~

收工後係公司食埋野先走~

之後4點半係太子,旺角行~搵買俾禎做生日禮物既東東~

行到6點半就去坐車返學去~讀完書~放學就返屋企~

禎禎今日開ot~應該好辛苦~呢排天氣又凍~希望佢唔會病親~

11月11號 星期日

原本同禎朝早去跑步~但禎唔書服~改下個禮拜~

11點幾~禎黎左我屋企~明顯見到佢面色差左~

叫佢休息多d~我地今日又係不斷係度訓~好好訓~

因為冬天嗎~訓到勁唔想起身~起完身又想訓~

下就有落過一次街~買消化餅~同幫媽媽買米~同水餃~

今日同樣有下載戲睇~睇左超能特工狗~麻麻地~

另一套戲唔記得叫咩名~比想像既好睇~

套野講野好有深度~藝術片o_o~

連續見禎3day~太gd了@0@~

11月10號 星期六

禎今日都一樣陪我~佢一收工就上我到~食左野先~

休息一陣就落街行~買左雞蛋仔食~

食完行去將軍澳中心既日本城睇浴室磅~

好似反轉人地d貨咁~1件1件拎出黎睇~睇下邊個準~

點知無個準~之後去左君薈睇~結果都睇岩左一個~

返屋企之前~買左份kfc~

返到屋企~下載地獄19層~

之後2個去左訓攪~又係好好訓~

起身之後就睇地獄19層~真係同想像既一樣~好Q悶~

真係對港產片無咩好感= ="

真係要等好耐好耐~先會睇到一套有水準既港產片

11月9號 星期五

朝早返工好悶~收工之後~

同阿joe去左淘大碌保齡~第一次碌~

我同阿joe都好期待~去到之後發現個場原來俾人包起左~

只可以玩到6點正~但我地去到果陣已經5點幾~

唯有唔玩鍾計~玩局計~因為唔夠時間玩鍾~

玩左2局~只係玩左半個鍾咁上下~真係好過癮~

唔碌唔知咁好玩~但講堅~d波真係好重~

唔識玩或者唔夠力~好易會整親~我同阿joe都好似整親~

雖然係好玩~但真係唔平~半個鍾~1人玩左40蚊~

人多玩局抵d~人少玩鍾抵d~

但要玩得耐~真係要舊幾水1個人架~

玩完就坐車返尚德~禎黎左搵我~好開心~

其實我好易聽得出禎係唔係燥底緊~係埋一齊左咁耐~

唔經唔覺~已經了解你比以前多好多~

夜晚同平時一樣~夠鍾就陪禎返屋企~風雨不改~

另外今日9號~好多人生日~數數手指~不少於3位~

其中一位係Jericho~＠o＠~37歲生日~

11月8號 星期四

返工~收工~夜晚返學~咁樣又一天~

讀書方面~真係要搵個時間溫習一下~

成日讀完就算~無精神無心機去溫返~

返完工~精神己減去一大半~半工讀的確不易丫=.=

11月7號 星期三

7號~記得有人生日~但唔敢肯定係係邊一位~所以由它吧~

整係知呢個月好多人生日~有好人生日~又有壞人生日~

禎收工~同佢傾電話~又整燥左佢~

無唸過一次半次唔食野會攪到咁大件事~是緊張我吧~

對唔住~我唔知會令你咁火~我下次會食野~

發現同多d發奮既人係埋一齊~自己都會上進d~

雖然未識阿joe之前~我已經開始返讀書~

但好羨慕佢有屋企人支持~又可以去外國讀書~

唔知我努力d又做唔做到呢~

但我真係要有人幫我補下習丫 唔係d英文都唔知點算

連三,四年級既英文都唔掂

11月6號 星期二

其實朋友好重要~不過我對朋友總係付出得唔多~

基本上~我唔係一個好朋友~唔好浪費精神係我身上了~

今日豬肉琪返左黎公司出糧~傾左2句~

到夜d~得返我同阿樂2個人~真係做到痴左線~

未試過將自己既節奏昇華到一個咁快既層次~

做到出曬汗~d客多到爆~1張又1張既單~到6點就收工走人~

同禎返尚德~好野~2日都見~但過完今日又要等到星期六~

次次日記~打到禎黎我屋企呢度~

都係幾隻字完事~感覺有d老夫老妻~哈哈~

係好事~定係壞事~?? 往事不再想~已經過去了~經歷過後~人會成長~

我要向前看~這會是好事~

11月5號 星期一

公司將我同阿joe~由原本6點收工~改左做4點收工~

遲d我同阿joe都做少左2個鍾~因為咁...仲攪到我返學d時間亂曬~

收完工都唔知可以做d咩~睇黎真係要返完屋企~夠鍾先再出門口~

因為我7點3先上堂~真係攞命~真係想睇下有無其他工可以轉~

收工之後就同阿joe去左食野~係間茶餐廳食~好難食=0=

食完係度吹水~吹到6點鍾先走~阿joe就返屋企~我就去搵禎~

今日禎陪阿珊去磅重~買減肥奶粉~

不過去之前~我同禎2個人周圍行左陣先~

禎仲買左對鞋~189蚊~特價完再95拆~好平~

到夠鍾就同禎~珊~上減肥中心果度~(唔記得間野叫咩名)

都ok悶~但今次比上次快~好快就走人~

之後就同禎返尚德~珊返自己家~佢地2個都減肥~

11月4號 星期日

全日係屋企訓下睇下動畫~咁就一天~

11月3號 星期六

朝早起身~明顯身體好返好多~但想休息多d~

send個sms俾阿joe~問佢打保0~可唔可以改期~

今日陪唔到佢去~真係好對唔住佢~因為佢對今日係超級期待~

約左下個星期~或者再下個星期~收工之後去~閒日平成半~

紅日打一個鍾~原來要150蚊~真係o咀~有錢人玩意~

我瘋埋呢次~就要節衣縮食=_+" 好窮=_+"

早前的富有=_+ 已經散盡=_+" 遲D一天吃一早餐o.o

下就禎黎左~成個下就~我地都係咁訓~

禎訓左4個幾鍾~真係利害=v="

11月2號 星期五

朝早持續琴日既嘈架~1直到夜晚先完~

身體真係病左~公司好人~俾我4點幾就走人~

但其實我頂到~果陣無咩野~

不過怕傳染到俾其他人~都係走人先~

另外emily知我病左之後~幫我去對面藥鋪配藥~真係唔該曬~

我話唔要中藥~所以幫我拎左西藥~

不過emily唔肯收返我錢~係都要幫我出錢~

又唔肯講出左幾多錢~整係話識得人~好平~係咁話唔洗~

攪到我勁唔好意思~又o咀~

難道呢d就係~管理層令員工臣服既心理戰@o@???

唔知點解~emily真係俾到呢d感覺我~總覺得佢有種老奸巨滑既影子=0="

但點都好~唔應該咁樣去唸人~佢又唔係害我~

的確要多謝佢既一番好意~~

夜晚~禎黎左我度~買左粥俾我~

真係好驚2個人既感情會變~總提不起神來~

11月1號 星期四

返工~好似病病地~但唔理了~收工就去返學~

夜晚同禎嘈架~好唔開心既一日~大家都唔岩~

唉~都唔知自己食錯咩藥~唉=_=

10月31號 星期三

又係返工~好無聊=0=

收工禎黎搵我~1齊返尚德~

老媽子~老豆~阿妹~係大家樂食野~於是過去搵佢地~

我同禎坐第2張"木台"~我食意粉~禎唔食野~

食完就返屋企~