12月2號 星期日

起身之後同老豆去飲茶~老婆都係度~

老婆話要請老豆飲茶~我話下次先啦~

反正老豆d錢都係拎黎賭~不過老婆有呢個心意~真係幾開心~

食完就返上樓~下載最終兵器彼女俾老婆睇~自己都睇埋一份~

我上次睇都唔記得係幾時啦~肯定好幾年了~e+睇返~有d位都已經唔記得左~

但肯定既就係~呢套野真係好正~會令人睇到流眼淚~會令到人學唔少人生道理~

睇左3集兵器彼女就去左訓攪~發惡夢-_- 係夢到打緊差佬-_-

成個故事太長了~唔知點講起~總之我無辜咁俾人煩住~

結果係我將一隻狗飛左落街~打死左一條友~再打多2件差佬~

故事內容唔提了~都唔知要打幾多隻字先打得完-.-"

係個夢未發完果陣~我就醒左~

唔知點解第一眼見到老婆眼甘甘咁望住我~

就不知覺地打左老婆個面豬一拳仔~結果俾佢話左好耐~

自己都覺得好好笑~遲d買個香芋批氹返老婆~

人醒左~但仲未離開到個夢~真係一個好有趣既經歷~

咁大個仔第一次發生呢d咁既事~

12月1號 星期六

唔記得幾點起身~下就老婆同佢細佬黎左我屋企~

我幫細佬剪頭髮~感覺剪到好一般~因為佢上一手係髮型屋剪~

剪完學校又唔收貨~真係麻Q煩~好討厭學校d規矩~

學生又唔鍾意~剪果個又麻煩~剪完唔收貨又要剪~真係攞黎攪~

香港既教育制度真係好黑我憎-_-~ 剪完之後~細佬去打波

我同老婆去買m記食~返到屋企睇全美一叮~之後訓攪~

一訓又到夜晚~2個人訓真係好書服~

11月30號 星期五

今日收工之後~要等老婆到6點~同佢班同事去食野~

於是去左旺角新寶戲院果邊既公園仔度坐低~係度睇書~

睇左無一陣~就已經好眼訓~仲訓著左1,2分鍾~

真係好想可以一訓就訓十幾個鍾~補足精神~可以一口氣做好多野~溫書~睇書~

老婆收工後就同佢係朗豪行左陣~同埋佢既朋友~阿joe~

去魚米之尊食野~私房菜~d野食好好味~

不過同老婆d同事真係唔知講咩好~個個都咁老~

又唔知佢地係度up咩~我整係可以聽~叫我插口講下野~又唔知講咩~

攪到成晚都無野講~其實呢d情況~近呢年已經少左好多發生~

因為e+識到新朋友~都比以前主動~會試下自己打開話題先~

但對住d老野=0=...我真係唔知用咩做話題好=0=

而且佢地係度傾公司d8掛野多~傾下新聞或者花邊新聞~

我都話叫可以插下咀姐= =.....佢地自成一局~我就似撘"木台"

成晚就係食同埋食~拖住老婆隻手食~

食完就同老婆返康盛~係巴士傾下計~

夜晚再傾電話~但傾到嗌交~詳情唔想打了~都好無謂~

唔係話你同邊個玩會癲~呢d我無承應過~

我只係將自己感覺到既表達俾你知~無其他意思~

我e+咁唸~唔代表將來我唔會改變呢d想法~所以唔好為呢樣野嘈了~

對唔住~整喊你係我唔岩~sor~

11月29號 星期四

返工返學~對腳好累~真係好無精神~

時間呢樣野~係自己搵出黎的~

偏偏自己成日用無時間溫書黎做藉口~

成日用呢個藉口俾自己~突然覺得自己好逃避~好無用~

只係自己唔想去溫~好無精神~真係好累~好難溫入腦~

一定要改變自己..........

11月28號 星期三

同琴日一樣~收工之後等老婆~

今日俾老婆問返過往一d特別既日子係幾多號~

我幾乎全部唔記得~真係大獲~俾老婆係咁話~

2006年4月17號相識~

2007年4月25號一齊~

2007年5月7號~kiss~

2007年7月26號~我第一次叫你做老婆~

11月27號 星期二

今日原本應該係返屋企休息訓攪~

但返緊工果陣~老婆sned sms俾我~話黎搵我~

其實有點覺得突然~因為好似未試過咁樣的~因為前日見完~

明天又會見~只係相隔左一日~但我最後得出既結論係~老婆掛住我xd~

所以收工後食完野~就周圍行~直到6點老婆收工~之後一齊返尚德~

11月26號 星期一

返工~收工~返屋企~之後再返學~好悶既一天~好眼訓~

11月25號 星期日 (同禎係埋一齊七個月既日子)

朝早禎黎我度~之後落街跑步~但只係跑左一陣~

因為禎話條褲攪到佢好唔書服~囧~

結果好快就返左尚德~同老豆去3樓飲茶~好耐無飲茶~真係好味~

返到屋企睇勇者傳說~好似好好睇~但我睇左陣就訓著左~

睇完訓左係度傾計~傾左好多將來野~生唔生仔~

養唔養狗仔~幾時去旅行~不過只係好表面咁樣傾左陣~

遲d有機會~要深入咁去傾下我地既將來~

傾完去左沖涼~同埋整河粉,牛油粟米食~

食完就洗碗~但禎禎唔幫我手~攪到我自己一個係度洗~

洗完話返佢~點知好似語氣重左~囧~整喊左禎~對唔住~

11月24號 星期六

中午行去地鐵站接禎禎~去左惠康買野食返屋企煮~

買左牛排~魚蛋~粟米~仲有河粉送tim~

係屋企玩煮飯仔~煎牛扒~煎魚蛋~整牛油粟米~

牛扒煎到好得意~外表幾靚~但食落要咬好多下先咬得爛=0="

至於牛油粟米就整到好好食~另外仲有買左壽司果d八爪魚~但有d怪味~唔好食~

煮飯仔真係好玩~哈哈~

食完野就睇合約情人~個劇情唔知幾多年前邊度睇過~好老套既一個劇情~

11月23號 星期五

收工就返屋企~無野做既一日~

11月21號 星期三 & 11月22號 星期四

(星期三)

今日約好左同阿joe~kiko~生抽~4個人去碌齡~

點知emily起哄話要攪多個節目~結果夜晚+多場~去bbQ~

收工同阿joe過奧海城搵kiko佢地~食左野先~之後就去碌齡~

多人碌真係好玩d~玩左2局~1次拎第三~1次拎第一

碌完仲好早~發現要等到emily佢地夜晚收工真係要好耐~

同阿joe都發覺~下次要唸清楚d先好應承~

係奧海城既百住買bbq要用既野~拎返太子~之後再去阿joe屋企坐陣~

到夠鍾就出發~同阿joe一齊坐emily車~

一開始攪個爐攪左好耐~真係好麻煩~好在唔洗我同阿joe整~

都無咩野好打~都係一路燒野食一路吹水咁樣~

散水果陣~坐返佢地車出去~返到屋企有咁快得咁快沖涼~之後就訓攪~

 (星期四)

朝早訓醒~就去返工~成朝都好眼訓~

收工之後原本要返學~但太眼訓唔想返~

結果老婆黎左搵我~同平時一樣~夠鍾鍾就同老婆返屋企~

夜晚傾電話~又有少少嘈架~希望好快無事~

11月20號 星期二

一到12點正~我就踏左入20歲lu~唔經唔覺就做左20年人~

新既一年~努力做好本份~不論成功與否~繼續向住自己既理想進發~

要學要做既野仲有好多~希望自己越黎越大個仔~好好享受人生~

到左12點~就同禎交換禮物~我先俾禮物同生日卡佢~

我送既係一隻錶~真係選左好耐先選到呢隻錶~希望禎會鍾意~

另外生日卡~亦都係我第一次寫俾人既~以前最多都係寫下聖誕卡俾同學仔~

呢張生日卡~我想寫落去既野有好多~不過一張卡又點會寫得曬~

以後再慢慢表達我對你既愛啦~多謝你送俾我既ipod~我好喜歡~

交換完禮物~就食禎整俾我既蛋糕~佢係第一次整~

真係開心~又拎多佢一樣第一次~

蛋糕好好味~真係勁甜~蛋糕好甜~個心又好甜~

食完蛋糕~休息陣~半夜坐的士同禎返康盛~

多謝祝我生日快樂既朋友~希望你地都會過得開開心心~

朝早訓醒~發現自己訓過頭~因為約左禎~最後我遲到~

好快咁出左門口~去apm~睇戲~睇魔戰王~

套戲d動畫好令~成套戲我俾75分吧~

睇戲之前~整喊左禎~我唔係唔想同你媽媽飲茶~只係想生日2人世界~

都係因為自己用錯方法去表達~攪到生日整喊左禎=.= 我真係好衰仔=_="

睇完戲就去左九龍灣碌齡~禎第一次碌齡~我第2次~好好玩~

玩完去左影貼紙相~之後買情侶戒指~刻埋名~

但係刻名果條友明顯唔識刻~真係慘慘~

但算啦~戒指係記念物~d字好定衰無咩所謂吧~

又唔係衰樣到睇唔到d字~xd~

之後就返尚德~到6點幾就去左新都城~同禎去拎俾屋企人食既蛋糕~

去埋百佳買壽c~之後就陪禎回家家~

今年既生日就係咁樣過的了~

11月19號 星期一

今日已經收到第一份生日禮物...polly送的~

不過份禮物好o咀~竟然係wella洗頭水一支（已我所知~支野唔平＝口＝）

真係多謝曬~知我做過髮型屋~送呢d野俾我~哈哈~

今日要返學~所以係公司收左工之後完全唔知可以去邊~

4點收工~足足有成3個鍾頭3個字無野好做~好無聊~

收工之後係公司食飯~食完阿joe就走左lu~(呢餐20蚊飯係阿joe請~)

阿joe走左之後~enily叫我唔好走住~留係公司~

我見無咩野做~所以留係度吹下水~

開頭無唸住留得耐~唸住吹水吹幾個字就走人~周圍行下都好過係公司~

途中emily話去廁所~靜雞雞順手買左個蛋糕~可惜俾我睇穿左＝口＝

emily D戲好屎~因為佢去之前問左我有無咩禮物想要~我話無＝口＝"

但點都好~好開心有人買蛋糕請我食~

佢地送蛋糕俾我果個方法都幾得意~

emily買完蛋糕返公司之後~就同kiko入左房~叫我係鋪面幫住手先~

但佢2個一入完去~就係房度大叫~好似見到小強咁~

我聽到大叫~就去睇下咩事~1開門就關曬燈~有個蛋糕~真係好有趣~

食完蛋糕~坐多陣~就走人去返學lu~

放學禎接我~第一次唷~哈哈~

一出學校門日~就見到禎拎住個蛋糕~知道佢整俾我食~

但一見到蛋糕既同時就知道左~禎講左d大話呃左我~

心情即刻有喜有怒~又開心又唔開心~

或者我真係太討厭有人對我講大話~

禎禎可能唔知我有幾討厭~所以先會咁~

但我知禎係善意的~所以無嬲度~但真係唔好有下次啦/_\

我寧願你話我知你整個蛋糕俾我仲好=3= 我一樣會好開心的~

以前有一個對於我黎講~係好重要既人同我講過~

佢呢一世最討厭既事~就係有人對佢講大話~佢非常反感~

我非常清楚佢有幾討厭~所以我應承佢唔會講大話~

可惜呢個人~每一日~每一個星期~每一個月~

都講住一大堆既大話黎呃我~而我....完全不知情....無知地騙~

我問自己~點解偏偏要呃我~要對我講大話~點解要暪我~欺騙我~

最可笑係~佢通通都唔係出於善意~所有都係惡意既大話~

到我知道事情既始末~我終於痛哭起上黎~

如果你問我因為呢件事之中~究竟傷得有幾重~學識到幾多野~

我真係唔識得去答~我只可以講~e+既我唔會信人太多~

我對人既戒心多左~而且！對同我講大話既人~我一定唔會俾第2次機會佢~

朋友既~我會絕交~情人既~我會分手~係咁多~無面俾~

呢d都係我同我自己講過既說話~我好記得~

11月18號 星期日

上個星期日~禎唔舒服~所以無去跑步~

所以等到今個星期日先開始跑步~

今日跑既路程好短~完全唔覺唔夠氣~但禎跑完好累~

成個過程都只係一個鍾多d~但有好多時間都係休息為主~

跑完返屋企煮面食~之後訓攪~到5點咁上下就陪禎返屋企~

佢話要返屋企整蛋糕~所以今日見既時間俾平時少~

11月16號 星期五

收工去左剪頭髮~剪完陪禎行左一陣~

睇下魚仔同狗仔~之後就陪佢返屋企~

到左夜晚傾電話~因為好少既事鬧架~

禎同我講左一句：你好一時一樣，我唔識同你溝通~

簡簡單單既一句~令我好震驚.......因為我從未唸過禎會講呢類說話~

其實自己明白...自己係一個好難相處既人~唔多唔少...有時會令你好辛苦~

整個晚上不斷地問上自己~

你到底可以對住我這個人忍耐到何時~忍耐到什麼程度？

我們是否總有一天~會分開呢？

我在你心中~在你的心底裡~又是否合適的老公人選？

如何可以2個人坐在一起~無所不談？我跟你可以做到嗎？

在你心中~我又會是一個怎樣的人？會是一個怎樣的男朋友？

我這一刻流的眼淚~我這一刻的心情~為何這麼酸？

這一次後~同樣的問題還會來多少次？到底解決的方案在哪?

是否要哭得死去活來~戀愛才是精彩？我害怕！

11月17號 星期六

今天的問題~比昨天還要可怕~由我們開始的第一天到現在~

這次是我唯一 一次~開口去跟你吵架~這次不再是冷戰了~

從來我都只是選擇逃~避免去跟你嘈架~任由你發脾氣~而我選擇沉默~

可是每次這樣~問題一樣再發生~結果這次....我在想~我是否該開聲說點什麼~

我是否要說清楚些什麼~我在想~你為什麼總要跟我對著頭幹~為何總要永不服輸~

一想到這兒~我也不自覺地脾氣變差了~結果我瘋了般的對著你說話~

最後當然不好受......你哭得很利害.....而我卻一點想去安慰的心情也沒有~

只是任由你哭~怒火把我蒙蔽了~

發現自己很想證明這次不是自己錯先~是怒火令心底裡的大男人跑了出來吧...

雖然最後我軟化下來~但發生了的~已經發生了~希望不會令我們感情有變~

老婆~謝謝你還肯煮面給我吃~

現在的我們還未能做到互相體諒~到底日後的路會變成怎樣呢？

其實贏了一場架~輸掉一份感情~值得嗎......其實每一次我都很想哭~

5點幾同禎出左去旺角~去到等kris~見到面後行左去信和~

禎買整蛋糕要用既材料~買完之後放低d野係ricky度~

然後佢地就去買生日禮物俾我~我唔可以同佢地一齊行~所以周圍走下~

去左書局~上到去~發現自己完全無心情去睇書~

只係望左幾眼就走左人~周圍行下~行左去太子~

打俾joe~佢7點幾係太子放學~原本唸住吹下水~

點知佢今日係放9點鍾~無緣見面~

於是搵公司同事吹水~飲下野~企下企下d時間就過左去~夠鍾就過返旺角

好替隻傻豬開心~終於有新電話用~應該唔洗怕電話會輕機了~

原本今晚應該係幾開心既一個晚上~要替隻傻豬開心先岩~

有新電話用~又多朋友同佢慶祝~但係偏偏佢地3個傾計傾得好開心既時候~

我發現自己多左一種無明既失落感~哈哈......

攪到自己靜靜地坐係度~結果俾ricky話~

今年~大概會係我過得最寂寞既一年~亦係最感觸既一年~

今年屋企唔會同我慶祝~1推曾經係好友既朋友亦唔會找我~

未試過有生日係咁唔想去過~失落感真係好重....有人明白這種心情有多難受嗎.....

問一問自己~如果無左禎~我今年會變成點呢~

呢種失落感既成因~自己都唔清楚~

或者~自己也想被受到重視吧~想會有多d人同自己講生日快樂吧~

仲有唔夠2日~我就20歲了~要面對d咩呢.....

第一次覺得做女人都有好處~就係唔洗好似男人咁背負太多既"將來"~

多數的女人會把將來交給男人~

而男人要把自己和另一伴的將來都安排得妥當~照顧好家庭~照顧好另一伴~

由於不想做ricky這一類型的男子~我只好努力去計劃將來~

男人的月經~大概在開始成熟懂事的時候~便開始周期發作吧~

用2隻腳行路既方法~同用4隻腳行路既方法~原來係差咁遠~

ps：今日都係無人同我溫過書~再咁落去~我唔想再讀~