ｄ　ｐｒｏｊｅｃｔ都唔係路架，做黎做去都仲有，想溫下書都唔得，好煩呀！

唉ｏ也ｏ也∼∼

尋晚游水竟然好失策咁抽筋喎，我明明做足熱身架啦嘛＞"＜左腳小腿抽完到右腳趾抽，好慘呀.........早知唔游得咁行啦......好彩我細細個就學游水，所以應付到，無乜事，唔係ｏ既話，我就要命喪池底啦

不過，抽筋還抽筋，我抖左陣又去游過啦^０^呵呵，我真係唔知個死字點寫∼~話就話游到咋，我行番屋企果陣，隻腳都仲拿住拿住，而家一用腳趾ｇａｔ高，小腿就痛......

－－－－－－－－－－－－－－－－－－－－－－－－－－－－－－－

特別一記：今日ｌｕｎｃｈ果陣，君同婷妹食酸辣麵食得好痛苦，但係我覺得好好味喎

個天又好似想‘拗’雨咁啦，即係代表我又有一輪無得游水ｌａ∼＞＜

好唔鐘意ｄ咁悶熱ｏ既天氣呀，做乜唔光明正大咁出猛太陽佢喎！！！！！想焗死人ｏ羊！•＼／•

－－－－－－－－－－－－－－－－－－－－－－－－－－－－－－－－－

那天，你見到我嗎？
我看得很清楚呢.........

酒能醉人，何不醉我...............？

－－－－－－－－－－－－－－－－－－－－－－－－－－

早幾日，將自家釀製ｏ既梅酒，放左入雪櫃，諗住雪凍ｄ好飲。樽梅酒係用雙蒸釀ｏ既，酒精濃度一ｄ都唔低架，肯定高過啤酒∼∼今晚見到ｄ送幾好味，就倒左三分一杯飲啦（隻杯我諗有我拳頭咁上下大）酸酸甜甜都幾易入口，但係太大啖飲都會有ｄｄ嗆，飲完我就真係無乜醉意，好難想像有人會飲完一啖啤酒之後，滿面通紅∼

或者我要多謝我伯父啦，因為當我仲係手抱ｂｂ果陣，佢竟然灌我飲桂花陳！（印象中飲左都唔少，雖然唔夠一大枝........）桂花陳係一種甜ｏ既酒，酒精度數絕對唔低，有興趣大家可以去超市望望，我覺得桂花陳好好味架　^－^

今朝又去左阿清度做ｐｒｏｊｅｃｔ，有奇蹟出現！就係＋ｙｉｎｇ竟然遲到∼仲遲過ｋｗａｎ呀，哈哈哈∼∼ｋｗａｎ上黎果陣買左好多飽呀，佢話諗住買埋比我地食喎，ｋｗａｎ真係好好人呀＞＜如果我係男仔，我第一個排隊娶左佢！！結果呢，我地就食到ｌｕｎｃｈ時間都仲好飽，搞到成兩點幾先食ｌｕｎｃｈ，最後都仲有個菠蘿飽比婷妹做ｔｅａ添∼

我因為要去買送煮飯，準時五點鐘就走人，搭２７３ａ返家啦，我上左部特別矮果種雙層巴士（方便輪椅果ｄ呢∼）咁ｄ位咪比原來果種矮過個窗ｄｄ囉，個窗變到高左哦∼我坐係度，岳高頭，見到個天好藍好靚＠＠令人越望越舒服呀∼所以呢，我就全程挨左係椅背度，享受住呢個藍藍ｏ既天空，加上少少白白ｏ既雲，直至落車啦。

邊個話暴雨前夕特別平靜？
我就話風暴後ｏ既天空格外晴朗ｌｕ∼