雞蛋花好靚呀∼　＞ｖ＜

行程：

１.　番學
２.　聽四社、ｓｕ全年匯報＆課外活動頒獎禮
３.　放學
４.　番屋企食杯麵
５.　訓教
６.　起身落大快活食下午茶
７.　ｈａｅ
８.　煮飯

懶洋洋的一天............

ｔｏｄａｙ同阿清、＋ｙｉｎｇ去街街，＋ｙｉｎｇ係我地係汪汪手上搶番黎架，因為本來佢係同汪汪去ｃｗｂ架，哈哈，汪汪唔好意思哦∼下次同你去過啦∼
^_________^

本來今日ｏ既目係銀包架，不過我地真係搵唔到幾多個睇下囉，難難難得睇岩個，又貴到ｏ羊咁∼叫人點買得落手喎，話就話可以用到好耐ｏ者..............所以呢∼今日淨係買左份比黃ｓｉｒ既ｆａｉｒｗｅｌｌ禮物咋，好靚架，全人手造∼我係果間舖度見到個白色ｏ既花型吊咀，好似雞蛋花咁架，我以為係貝殼（最多咪係硨磲←深海巨貝），貴極有限啦，點知一問，完全同我ｅｘｐｅｃｔ既價錢差好遠，我心諗：「就算係全人手造都唔會咁貴啦？」所以就口多多問句：「唔係貝殼造ｏ既ｏ羊？」店主：「係象牙黎架。」我→樣衰死啦........＞＿＜邊個呢排想送禮過我呀 ？考慮下呢樣呀，我好中意呀∼∼∼

結果我就只係食左碗車仔緬、一枝蘆薈白茶同埋一杯細朱古力奶昔就番黎食飯啦，食食食食食∼我就快變懶豬

學校為左少放我地幾日暑假，話有規定放幾多日喎，ｓｏ考完試之後日日要我地番去聽埋晒ｄ無聊ｔａｌｋ，次次粒零兩粒鐘就放我地走，真係吹脹。日日無厘啦更咁走番學校果一陣，你估真係好過癮呀！難為我地呢ｄ學生仔，行到身水身汗，成身濕晒，又出出入入ｄ冷氣地方，都咪話唔易病。

一句講晒：「靠害」。

朝早搭車去阿清度果陣，聽到以下對話：

婆婆：「婆婆下次再帶你去我屋企好唔好？好唔好呀？」
細路：「唔制，我唔制！我邊度都唔去！」一路講一路狂拍我張凳，差ｄ拍到我嘔肺。
婆婆：「點解呀？去婆婆度唔好ｏ羊？」
細路：「唔好！我唔去，你吹呀，吹呀，我係都唔去呀∼我邊度都唔去∼∼∼」

我聽完之後真係想同個細路講：「邊度都唔去？咁你訓街啦！！！ｐｋ！！」

如果佢係我細佬，咁同我阿婆講野ｏ既話，我一定不留情面咁聲佢兩巴。雖然我阿婆仲在生，仲對我好好，但係我阿嫲就係早幾年過左身啦。阿嫲對我好到ｏ羊咁，而家我成日都發夢見到佢，同佢一齊行街買野食，但係紮醒之後，又會知度原來全部都已經過左去，無得番轉頭，我最多ｏ既眼淚都係為佢而流。所以我好憎果ｄ對阿婆阿嫲好無禮貌ｏ既細路，到佢第時知度邊個真心錫佢，對佢好果陣，一切可能已經太遲，點解唔係而家好好珍惜呢？