今日考考下ｃｃ　ｌｉｓｔ果陣，見到ｄ野，令到本人心有戚戚然，拿住拿住，好唔舒服。好彩我冷靜到，可以繼續考埋佢。

特此一記。

咁就過左一個考試ｏ既星期，仲有一星期，今年度ｏ既考試就會過去。

回想今年，時間真係過得好快好快，人地話快樂ｏ既時光過得特別快，但係我真係唔覺今年何樂之有，苦就大把。要將一大堆佢識我，我唔識佢ｏ既野質晒入腦，真係好難頂......：＞＜：我好想放棄呀∼∼！！邊個成日話番工辛苦過番學？搵錢辛苦過讀書？係無可能架∼！！！放工之後就係真正ｏ既放工，可以好好休息下；但係番學呢，即使係放左學，學生都仲係有做唔完ｏ既功課，溫唔完ｏ既ｎｏｔｅｓ，呢種簡直就係非人生活！叫人點忍！

我絕對相信如果要我讀多幾年書（中學），我會瘋癲，我會黐線！

Ｉ　ｈａｖｅ　ｌｏｓｔ　ｍｙ　ｗａｙ.

Ｃａｎ　ａｎｙｏｎｅ　ｇｉｖｅ　ｍｅ　ａ　ｈａｎｄ？

又黎啦又黎啦，我又開始病啦......點解我次次考試測驗都會病架∼∼∼＞＜

自從尋日比冷氣吹到頭暈暈，到今朝打左幾個乞嗤，我就知道傷風離我不遠矣∼日日朝早都要考試，搞到我唔敢食藥，怕眼花花做錯題目，到左下晝我依然唔敢食，費事瞌眼訓溫唔到書，咁搞法我個「小病」就要拖到考完試先有可能好番，ｏｈ　ｄｅａｒ∼！

下星期一就要考ｆｉｎａｌ啦，我無一科係已經溫好架，真係「聞者傷心，聽者流淚」......而且科科都要考咁多野，點溫喎？？ 特別係ｂｉｏ呀，多到唔知點入手，我有種不祥ｏ既預感，今次會係我ｂｉｏ有史以黎考得最差ｏ既一次＝　＝”ｐｈｙ唔好提啦，都無一次係考得好好睇睇ｏ既，次次都要加分先合格，有時仲要加左都係唔合格Ｔ＿＿Ｔｃｈｅｍ嘛......似懂非懂咁過左一年，明明上堂聽明晒，但係又唔識做，要做多ｄ練習啦∼！！我唔想ａｎｎｕａｌ肥兩科ＡＬ，我要升班∼！•＼ ／•

溫書！溫書！溫書！溫書！溫書！

加油！加油！加油！加油！加油！

我要相信我唔係→ ，我一定唔係！！！！！！