| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 9 月 30 日 星期六  | |
──┼-+--°- 同家姐去街街＜× ．∴＊□  |
今日訓到11點就起左身，起左身之後就坐係度食餅乾同水果，食到差唔多12點就食飯，食完飯之後我就睇電視，睇完電視電話就響，之後細佬就聽電話，原來係姨媽搵媽咪叫佢中秋節返去BBQ，媽咪話唔返，於是我就話我返，之後姨媽就叫我聽電話，仲叫我返去BBQ同幫表姐買月餅返去，收左線之後嗲D話唔准我返，佢仲威脅我話如果你中秋節返去，你10號就唔好返去拜山，之後我話唔濟，之後佢就唔理我，到左2點幾之後我就同家姐換杉去街，換杉同搞其他野搞到3點幾就出去，出到去就周圍行，我諗住今日出去買杉，點知咩到冇買到，只買左一只眼線筆，行到5點幾左右就返home。。。唉........唔知呢個中秋去邊，好煩呀，有啲fd叫我陪佢地，而姨媽又叫我返去BBQ，唉……好煩呀！！！
|
| 刊登時間︰2006-09-30 06:22 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 9 月 21 日 星期四 | |
~病病---*  |
今日病左呀，好辛苦呀)))))尋晚差唔多12點先訓，而今日晨早((流流))5點幾起身<扇>鼻涕，仲搞到個鼻流血血，好彩流得唔多，搞鼻涕都搞到成6點幾先訓，話咁快就7點，之後細佬就叫我起身，我累到起左身都坐係張床度，之後二家姐就起身去左廁所，之後我見到家姐去左廁所於是我就訓返落張床度，過左一陣之後Home電話就響，之後家姐就聽電話，佢傾完之後就叫我聽，之後我就聽，原來係媽媽打俾我叫我"如果返唔到學就唔好返"，之後我話我返到，其實我係返唔到，只係唔想英文默書唔返((因為唔想補默))同埋今日有數學堂，我驚追唔到，所以返。。。傾完電話之後就去廁所刷牙洗臉，搞掂所有野之後就同家姐返學，返到學校冇咩唔舒服，只係上視藝堂個陣時個頭有的暈))))到左食lunch既時候超黑仔，個飯盒裹面有頭髮，於是就同prefect講 la，點知個prefect話將頭髮整走佢就得，連班主任都係咁講((真係黑人憎))咁我先唔濟ar，於是就換第二盒，點知第二盒又要，唉....{我心諗算la...唔講啦}於是我就將成盒飯掉左，我已經病到唔想食搞到我更加冇餵口。。。#.# |
| 刊登時間︰2006-09-21 04:50 PM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 9 月 13 日 星期三 | |
* ~ # ((被老師選做英文科長)) }}}} ---*  |
今日好似平日咁返學，7點鐘起身刷牙洗臉換校服，換完校服之後就同家姐落樓下坐車返校，返到學校同的fd傾左一陣解，鐘聲就響，之後我地就集隊，之後早會就開始啦，過左幾個字之後早會就完左，我地就返課室，返到課室就交功課同班主任處理班務，個陣時我係度填緊一的野，點知班主任既係英文老師就無啦啦叫我個名，我仲以為做咩，點知原來佢係叫我做英文科長，我都未答佢，佢已經以為我做，真係超無耐，其實我都唔係好想做，唉....再加上我又唔鐘意佢。。。 |
| 刊登時間︰2006-09-20 05:14 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 7 月 16 日 星期日 | |
| * ~ # ((返左5日大陸既日子)) }}}} ---* |
今日岩岩係大陸黎香港，係大陸玩左5日，呢5日被我感覺係冇之前返大陸咁好玩，因為呢幾日天成日落住雨，而媽咪又係阿姨屋企冇返嫲嫲到，又唔出去行街，所以我覺得超無聊，而落雨個幾晚阿姨屋企又冇電，真係得人驚，不過好彩表哥去整返好，有一日都唔係好悶，得早上同中午悶，而晚上就冇咁悶，因為夜晚我、家姐同表姐佢地打紙牌，今次好難得表姐佢地會搵我地一齊玩，之前佢地都唔會搵我地一齊玩，我好想知點解佢地之前唔搵我地一齊玩，不過咁次都幾好呀，俾我贏左$，玩到3點半我地就訓覺，呢5日係大陸既日子我就係咁無聊度過。。。 |
| 刊登時間︰2006-07-20 07:25 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 5 月 30 日 星期二 | |
| * ~ # ((我生日)) }}}} ---* |
今日係我既生日，不過都要返學，所以要夜晚先可以慶祝，今年既生日係我咁多年黎最簡單既一個生日，不過都好開心，因為大家姐第一次送生日蛋糕俾我，我放左學之後就同大家姐一齊去買蛋糕，買完之後我地就返屋企，返到屋企我就將蛋糕放入雪櫃，之後我就打電話俾堂妹佢地叫佢地過黎食蛋糕，到左9點幾左右我地就開始食蛋糕，食到10點幾左右我地就執野。。。
|
| 刊登時間︰2006-07-20 07:05 PM [ 訪客留言(0) ] [ 編輯日誌 ] [ 分享至FACEBOOK ] |
« | 12 | 13 | 14 | 15 | 16 | 17 | 18 | 19 | 20 | 21 | »
|
