| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2005 年 12 月 11 日 星期日  | |
| * ~ # ((返香港啦)) }}}} ---* |
今日返香港啦，真係好唔捨得，不過我地返香港前都出左去洗頭按((摸))，宜我就剪頭髮，搞到3點幾之後我地就去食飯，食到4點幾左右我地就去車站坐車返香港，呢4日我真係好開心，我永遠都唔會忘記呢幾日，希望好快又可以快的返去玩過呀！！！
|
| 刊登時間︰2005-12-17 02:08 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 12 月 10 日 星期六 | |
* ~ # ((家姐結完婚既第二日)) }}}} ---*  |
今日我好遲先起身，可能係家姐結完婚之後冇咁多野做，所以就可以訓遲的，訓到12點幾我就起身，起左身之後媽咪就話去哥哥間影相鋪到玩，之後哥哥就車我地出去，去到之後我地就睇電視，睇到2點幾媽咪就返左屋企打麻雀，宜我同細佬就係哥哥間舖到玩電腦，玩到3點幾左右阿嫂個妹就坐電單車車我、細佬同細B((我阿嫂個BB))周圍去搵店舖買野食，搵左一陣之後我地就搵到一間餐廳食麵，食到4點幾左右我地就返去，返到去阿嫂就坐電單車車我、細佬同細B返屋企，到左6點幾我地就食飯，食完飯之後阿嫂就話去洗頭按((摸))，按到11點幾之後我地就去食宵夜，食完宵夜我地就返屋企，返到去我地全部就返房訓覺！！！ |
| 刊登時間︰2005-12-17 02:01 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 12 月 9 日 星期五 | |
| ──┼-+--°- 大家姐結婚既日子＜× ．∴＊□ |
今日我地好早就被媽咪叫醒，因為家姐佢要用我地訓個間房黎化妝，所以我地就好早起身，起左身之後個個都爭廁所，到左8點幾左右，家姐就化完妝，之後就到伴娘化妝，伴娘化完妝之後，家姐就打電話俾姐夫問佢地係邊，佢地話就快到，之後我地的姐妹就開始準備我地要玩佢地個的野，準備之後有的時間媽咪佢地就叫我叫幫家姐化妝個個人幫我化埋妝，化完妝之後新郎佢地就到左啦，首先我地姐妹要新郎讀一篇好感人題野俾我家姐聽，讀完之後我地就叫佢地的兄弟其中一個飲左一支可樂，飲完之後我地就開門俾佢地入黎，之後佢地就((針))茶被的親人飲，飲完之後我地就開始上車去男家既屋企，去到之後我地就睇佢地影個的結婚相，過左一陣之後我地又在坐車去酒店，去到酒店之後我地影左好多相，到左1點之後婚禮就開始啦，到左3點幾之後婚禮就完畢，的人就開始離開啦，之後我地就返屋企啦！！！ |
| 刊登時間︰2005-12-17 01:47 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 12 月 8 日 星期四 | |
| * ~ # ((返大陸)) }}}} ---* |
今日好早起身，因為我今日返大陸，我返大陸原因係因為今日係大家姐"結婚"，有差唔多一年冇返去啦，我坐緊巴士個時諗左好多以前係大陸既日子，諗到真係好想快的返到去，坐左個幾鐘既車仲於落車啦，不過仲要坐多次車，唉......坐左十分鐘既車仲於到左屋企啦，今日係女家擺酒，所以返到去見到好多人，個時既心情真係好開心啊，當我地好多人圍埋一齊傾解個時有好多人都話我"靚左"，真係好開心，傾左一陣之後我地就開始食飯，食飯個時我地傾左好多野，仲好好笑天，食完之後，我、家姐同表姐入左房傾解同影相，傾到3點幾之後表姐同家姐就訓覺，而我就自已出去周圍行，宜的大人就係度打麻雀，到左6點幾之後我地就食晚飯啦，一邊食飯一邊傾解話咁快己經到左7點啦，之後我地既親人就去左阿姨屋企，而我、媽咪、兩個家姐、堂姐同堂哥就去左洗頭按((摸))，搞到10點幾我地就返去，返到去我地幾個姐妹就係到傾天日點玩"新郎"，傾到12點幾我地就訓覺！！！
|
| 刊登時間︰2005-12-17 01:22 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 11 月 21 日 星期一 | |
| ╝ -_* ° 旅行 ∼＊∥▎ |
今日係學校旅行既日子，我一起身就刷牙洗臉，洗完臉之後我就換杉，換完杉我就同家姐坐車返學，返到學校我就係巴士站等佩兒，我地8點45分先返學，宜我就好早返左去，我本來約左佩兒係巴士站等我，點知佢好耐先黎，佢黎到個時已經要返學啦，搞到我傻傻地企左係度"食西北風"，返到學校過左一陣我地就出發啦，坐左一陣車就到左目的地，到左之後我地就周圍行，因為我地冇搞"BBQ"，所以好悶，之後班主任就帶我地冇"BBQ"既同學周圍行同玩遊戲，到左2點幾我地就返學校，返到學校之後我地就解散，解散左我就返屋企，呢次個旅行係我去左咁多個旅行之中最悶既一個旅行，係呢次旅行過程令我諗起一個人！！！ |
| 刊登時間︰2005-11-26 07:03 PM [ 訪客留言(1) ] [ 編輯日誌 ] [ 分享至FACEBOOK ] |
« | 12 | 13 | 14 | 15 | 16 | 17 | 18 | 19 | 20 | 21 | »
|
