13.10.2008

今日番10點3,頭2堂上IFI...Joey冇上第一堂,因為佢唔知醒!小豬真係小豬,哈哈!

之後佢入到黎就開始派禮物俾我同Priscilla,好多航空公司既禮物!之後個幾堂我地

不停咁傾計,真係唔係好知老師講咩!P:S:終於送左禮物俾Norelle,希望你鍾意啦!!!

14.10.2008

今日亞Jam, Twinnie, Chocy. Wing & Iris冇番,真係覺得少左好多人咁!上Tony堂

都幾有壓力,講到唔清唔楚就叫我地討論,我地連要講d咩都唔知,真係救命!!之後上

左兩堂OAA,一D好易明既野都唔明點解搞左咁耐時間!之後就上IFI,Jerry教我仲

好過Miss教,佢自己都唔知佢自己教緊咩,做老師點可以唔備課咖?!真係廢咖...完!!

11.10.2008 {Happy B-day to May姐姐}

今日成日留左係屋企做OAA份assignment, 又唔可以話難做既...但的確好難諗!

差唔多4點果陣,小丸子打黎叫我落去拎野!!之後做到6點左右就出去上水食飯,哥

哥之前好討厭元綠,但宜家唔知點解咁想食,奇怪!見到小台真係好開心,我地要搵

一日一齊出去行街先得!11點又再繼續做功課...做到2點,終於都做完啦!安樂哂!!

12.10.2008 {Happy B-day to Norelle}

今日11點幾起身...之後就即刻梳洗,因為準備同媽咪出去元朗行街!去元朗之前,

去左元綠搵小台,因為琴日佢sd sms俾我話買左份小禮物俾我,真係好多謝你呀!!

原來係U*SA*HA*NA既糖,好可愛!!之後就同媽咪塔車出去,買左老婆餅!!行左一

陣就去左一間泰國餐廳食下午荼,真係好好味呀!I Love Thai Food & Thailand!!!

之後再行左一陣就走,番到屋企6點啦!!P.S:真係好想快D到16號,展開奇妙旅程!!

今日7點幾起身,第一時間聽到Joey既電話,因為件衫既問題...真係俾佢嚇死!之後即刻梳洗....

搞點哂d野之後,就塔273去去粉嶺火車站!!去到月台就見到Celia & Gathy!陪左Celia等亞瑩一班

火車既時間,因為果陣已經8點40分啦!!我要9點半番到學校,之後Rainbow打俾我,叫我差唔多到

大圍打俾佢!我到左之後就順便打埋俾Priscilla,佢都差唔多到...所以我地就等埋一齊番學校!係

尖沙咀巧合遇到Iris,我地4個9點40分先到學校,好彩冇人鬧咋...之後10點左右就開車去西貢!

45分鐘之後就到啦....係lunch之前,玩左2個遊戲!玩第2個遊戲果陣,有一個女仔唔小心整親,搞

到入醫院,真係慘!lunch都ok既,唔太差!一個鐘頭之後,就玩繩網!真係唔知好彩定唔好彩..講2既

同學就要玩一個幾難既活動,但之後因為時間問題,搞到冇得玩,有d失望添!!之後再玩流水柱,玩

到一半放棄左,俾個廢人訓話,真係唔多想聽佢講野!!完哂d活動,我,Joey & Priscilla就去左公園

到玩,好好玩呀!全部野都轉到你暈,Chocy.Wing d反應真係好正!!因為d男同學多口既關係,搞到

我地最尾一班上車!番到屋企6點半啦!宜家成身都好痛!P.S:今次活動尚算開心,同T1d關係好左!

8.10.2008

今日番早,同Maggie,亞麟 & Norelle一齊番學,塔273果陣見到柏林,好耐冇見啦!

之後番到學校上Tony堂,第一個答問題既人就係我,我答到唔知似咩,佢話我答得

好好...仲請我食朱古力添!之後上Kenny堂,真係冇野好講,感受到我黎緊個pres-

entation會死得好慘!Lunch with半班T2,好開心!之後上2堂好悶既英文就放學啦!

之後放左學去左上水搵亞邦拎飛俾Maggie,再係粉嶺俾件衫Shadow,之後回家!!!!

9.10.2008

今日1點3,塔273果陣見到亞欣,差唔多1年冇見啦,之後我地仲一齊塔火車,係火

車到傾左好多以前小學d野!上左2堂HSS+2堂OAA就放學啦!聽日outing,唔想去!

6.10.2008

今日放左學之後同左Priscilla去左沙田,第一時間搵亞Joe!去左關鍵傾左一陣,

之後就同Priscilla周圍行,行到已經冇力啦!!7點先收到亞Joe個電話,佢話佢宜

家放工,叫我地等埋佢,本來以為等佢落黎之後可能番屋企,點知佢要我地陪佢

買枕頭,佢話請我地食飯,最後就緊係陪佢啦!!我地梗係去左食飯先,食扖+打邊

爐@大家樂!!!食左一個鐘頭有多呢,之後就陪佢去一田買枕頭,冇幾耐又話要食

串燒,唉...我同Priscilla都就黎俾佢激死!之後再去埋MUJI買野飲就番屋企啦!

7.10.2008 {Dating with Suki}

今日相約左Suki去葵芳行街,12點1約左Maggie去樓下拎錢,再約埋啫喱係樓下

等,因為要幫Shadow拎衫!!最後番屋企執埋d野,12點4就出門口!!!係273站見到

肥B!!之後係火車站等Suki,行左好耐,個邊真係有好多野行,行到真係好累呀!我

地大約5點半就番屋企,買左一件衫,整係今個星期用左$500有多黎買衫褲,窮!