4.10.2008

今日成日都留左係屋企...悶到死!!聽日約左Shadow去旺角行街,期待呀!!

5.10.2008

今日10點幾個陣收到Shadow sms,因為太大雨我地改左星期1先再去,但

之後又冇咩雨,所以決定照去!行左好多地方,我又買到野,哈!反而Shadow

想瘋狂購物,但係唔成功!!大約五點半左右我地去左一間餐廳到食野,好抵

呀,$10一碗牛丸河...大大碗,正!!行到差唔多9點先番屋企!番屋企途中見

到好耐冇見既Ripper!!P.S:Shadow唔好亂諗啦,我又點會厭你煩呢,傻既!!

1.10.2008 {國慶日}

今日又多1日假期...又係留係屋企!!好想搵野做呀,唔想哂左d時間!!

2.10.2008

今日番學...上左四個鐘之後放學,係學校對出見到周潤發呢,真人好

高呀,好有衝動行過去影相!!!聽日相約Norelle去MK,Shopping呢!!!

今日送左本<話走就走>俾Priscilla,見到佢咁開心,我地都好開心呢!!

3.10.2008

今日一起身已經差唔多1點啦,真係好好訓呀!!之後hea左一陣就裝身!!

塔273果陣,亞Joe打黎約我去打邊爐呢,仲要係九點,亞Joe應該想玩

我,佢仲話好早,真係俾佢激死!!之後同Norelle行到6點,用左$300,爽

29.9.2008 {happy birthday to 芯芯}

琴晚又訓唔著啦,都唔知點解...好辛苦呀!今日仲要番10點3,8點就起

左身,9點出門口!!!Joey今日病左"冇番學,Priscilla又病埋,唉...大家要

小心身體呀!!!上完2堂又食lunch啦,陪左Priscilla去海防道買牛丸河,個

度真係好得人驚,我多羊 & 亞差!!!我地8個T2同學永遠LunchTime都會

買番黎學校食,相處一日比一日好!!!之後上亞Brie堂....好輕鬆咁度過,

上埋HSS就放學啦!放學果陣見到Margie同佢傾左1陣,我會聽你話咖!!

30.9.2008 {happy birthday to Christy}

今日係9月份既最後一日,不知不覺間又番左接近三個星期學啦!!!今日

輪到Priscilla冇番!第一堂上Tony堂,今次要跟學號坐,同Joey相隔多麼

遠,唔想咁樣,討論完就落堂啦!!之後上兩堂Teresa堂,感覺真係好親切

之後上多一堂IFI就放學,不停咁計數,Joey就停左係到,第1次見Joey

咁confuse,努力吧!放左學同Joey去7仔買野食,食完約Norelle番屋企!!

27.9.2008

今日十一點起身...裝身後同左媽咪去左花都飲茶,之後陪佢去買餸!!黃昏6點4左右,

同媽咪去大埔行左一陣,食埋飯(和民)先番屋企!!等左好耐巴士呀,番到屋企11點lu!!!

28.9.2008

今日晏晝出左聯和墟飲茶,3點左右番到屋企,訓左一陣,就準備出上水預祝芯芯生日

我地7點到左元綠,都唔知點解今日咁多人,等到8點3先有位,個個都就黎餓暈啦!!

我地食到9點3左右,埋單$1078!!我地食完亞正先到,仲買左sor蕉,哈哈!!真係俾佢激

死...我地之後去左影相!!!唔知係唔係因為太大聲,所以搞到警察黎搵我地,咁樣都係

第一次,之後冇幾耐我地就走啦,番到屋企11點半!P.S:芯芯你要幸福呀,要同君君過

得甜甜蜜蜜,最好就係快D請我同其他5E既同學飲...成為世上最幸福個陳師奶!!!!