16.9.2008

期待左好耐既開學禮終於黎啦!唔知係唔係太緊張呢,所以琴晚又再次訓唔到啦!

激死!因為我同Joey都成為左Diploma既Mentor,所以11點半要番到去!完左一輪

之後,我地去左和民食lunch,剌身飯呀,正!4點半完左Ad Dip,之後去聯和墟見工!

17.9.2008

今日第一日上堂,而第一堂就係上Tony,俾佢嚇窒左!上堂冇耐就問題多多,"你地

知唔知究竟讀書係為左d咩?"  "知唔知Diploma,High Dip & Degree有咩唔同?"

"Management, Tour Leader & Manager 做d咩 & 有咩唔同?"個個聽完都呆左!

14.9.2008

今日晏晝冇出街,因為出面既天氣真係好熱,熱到成個人都冇心情!!!等埋哥哥就一

齊出姨媽到BBQ!本來約左5E 9點係華明傾計,因為遲左開始BBQ,所以要成11點

先去塔巴士,11點4先 Join到亞芯佢地,今次約會有9個人!傾到1點就番屋企啦!累

15.9.2008

今日相約左3E打邊爐,好耐冇見啦!!!打邊爐既時間係9點先開始,但我地7點半已經

到左上水,解悶方法就係影相,影左好多,有成百幾張!今次聚會比起上次悶左,可能

因為大家已經唔係SFAC既學生,大家都各有各忙,話題自然就唔同!番到屋企1點lu

今日成日留左係屋企睇花樣男子2,之後走去執屋+抺塵,好累呀!

Douglas打左2次黎我都聽唔到添,之後打番去佢話叫我開學個日

11點半番去,佢揀左我同Joey做今年Diploma既mentor,真開心!!

8.9.2008

今日同左媽咪出上水,因為要拎盒月餅去姨媽到!到左上水,我就同媽咪去

左舊墟到食麵,俾錢果陣d廚房佬係咁望住我,真係驚驚地,俾完錢就即走!

之後上左姨媽到坐左一陣,傾下計就走啦!之後再陪埋媽咪買餸就番屋企!

9.9.2008

今日相約左baby Joey去買校服+手提電話!!!係去校服公司個陣我地唔係

好記得個條路點行,咁係我地身邊既小妹妹就好熱心咁講左一句!"我係呢

到住咖,睇下幫唔幫到你?"之後Joey就講"我地想去維多利校服公司!!!"之

後個小妹妹就講"我冇聽過喎!"之後Joey就講"咁你姐係唔係住呢到咖啦!

真係俾Joey笑死!!成日蝦d小朋友之後我地買完校服就過番旺角搵Joe

等左好耐,因為佢太多野做啦,所以我就同Joey去左先達買電話先!!!!買完

就去彩豐行睇野,之後亞Joe就打黎話一齊食野!!!食完就走啦,亞Joe睇黎

好唔捨得我地走,係咁望住我地!!之後我同Joey係天橋巧合遇上朱古力!!!

今日終於都同左我3個YMCA既babies見面, Priscilla & Joe都好耐冇見啦!好似對上見面係7月

26號呢?!我地本來約左12點係MK等咖,不過最衰都係我,我11點先起身!真係唔好意思,不過好

彩大家都仲未出門口,有得補救!之後我就約左亞Joe 12點3係大圍等,今次係佢遲到!搞到我要

落車等佢!之後我地去左田園書局睇d旅遊書!亞Joe你要比心機繼續做你個旅遊業界既巨子!唔

好令我地3個babies失望,知道麻?!之後我地諗左好耐先諗到食d咩,最後揀左阿瑪詩!第一次食

呢間野,尚可以既,不過如果早知我同Joey一碗會比較好,因為好大碗食唔哂!!之後我地去左行

朗豪坊行左一陣,就去左潮特,信和 & 瓊華行,再去影貼紙相!P.S:多謝亞Joe送俾我既禮物