3.6.2008

今日番早呀...唔知幾時冷親搞到係咁流鼻水,真係辛苦呀又有少少喉嚨痛喎>﹏<"

食完Lunch打左落Office請定病假先,因為聽日得我一個女仔番早,所以唔可以咁唔負

責任!番到屋企好似死左咁訓左係到!因為真係好累!今日同救生員哥哥傾左一陣電話!

4.6.2008

今日本來請左病假...但因為好似又冇咩事,都番工啦!廢事個Report唔好睇呀!真係好

慘!其實今日比琴日係嚴重咖,但冇辦法,因為都番左黎,多謝同事既關心!!Dinner with

April & Tidus!食完Dinner又要坐保齡,係下面係咁睇書+食野!今日黃太請食蛋撻!!!

今日約左亞Brie & Joey食lunch,Miss對我真係好!講左好多秘密+想法俾我知!多謝Miss係我面

前都咁坦白,我真係好開心!!送左小小禮物俾Miss,希望你鍾意啦!之後同Miss番左YMCA, 再搵

Douglas + Teresa...佢地對我都好好,想盡辦法咁幫我+聽我既遭遇,諗番起都覺得自己好傻!!

多謝Kenny Sir仲記得我,本來冇諗過同佢講拜拜,因為佢同Margie傾緊d野!!但佢見我走都講左

句"Fiona,走啦?!!"YMCA d 老師確實對我好好!!如果下年Maggie+亞麟一齊讀就好啦,我地一定

好開心,期待呀!!!之後再去星光行會合Joey,因為Joey公司出面比較焗,所以我走左去屈臣氏行

左個round,再番去星光行'車立'口等Joey!等佢個陣見到有個亞差偷野,之後有3個人捉住佢,真

係好恐怖!之後再落旺角食和民,每人$104.5,再去影左2次貼紙相,咁就番屋企啦!番到黎11點!

今日係我做個間會所既暑期報名日,今日本來番11點,但遲左5分鐘=.='番到去個個

都到左啦!唉...佢地有佢地忙,我就好似被人遺棄咁,真係好唔開心!!之後亞ka俾野我

做,我真係好開心!幫手"痴"下blue tack....之後食個lunch,等埋Shadow,梓華 &卡霖

黎到幫手做義工(其實我叫既),就開始開會,3點鐘未到,d人已經黎報名,真係好多人!

總括黎講今日個function尚算成工,多謝Shadow,梓華&卡霖黎幫手,真係唔該哂呀!

30.5.2008

今日番7點三,番到去唔駛見到個仆街,真係好開心!開下門,整下報紙就9點啦!

之後食左20分鐘早餐,再開始!唔知係唔係落雨,所以冇咩人!行下簽下野咁....

又到1點半啦,食飯!食完就去開會....開左半個鐘之後有人book保齡球,我就去

坐下啦!完左就4點啦,執埋d野番上去到差唔多走得啦!真係過得快呀d時間!!

31.5.2008

今日都係番早,同樣做琴日既野!!!1點半個仆街番到黎就開始發癲鬧人,都唔知

痴乜撚野線!!?我真係廢事理佢,我就入去食飯先,唔關我事!!食完之後打左俾亞

SIR(Douglas)佢聽我訴心聲,我都忍唔住喊左出黎,佢真係好錫我地!love you

28.5.2008

今日番1點半...仆街larry係咁同我講野,我只係點頭,冇出過任何聲音!

之後佢係大家面前講"呢個會所得亞Ken一個好人,我就係衰人!!"自己都

知道咩事就好啦!!好彩今日唔駛對住佢好耐,如果唔係真係死俾佢睇!!

29.5.2008

今日真係好開心,因為個仆街冇番工!!番10點...到3點我地又去左office

到開會!傾左半個鐘...真係好難捱呀d時間,因為今日黃色暴雨警告,所以

冇咩人黎book場,真係悶到嘔呀!希望呢十個星期快d過就好啦!唔想番啦!