13.6.2008 (黑色星期五)

今日番夜...一番黎冇耐就去坐保齡啦,不過唔緊要,都係1個鐘姐!!之後上左去就幫亞荼整

野,亞嘉之後上左黎一齊cut野!!!!之後April諗住叫我印野,但點知我落到去就俾亞荼拉左去

幫佢整野!一整就整到差唔多六點啦,之後就食飯再繼續我既工作!p.s:多謝rainbow既沙律!

我同Nicole等左9個字小巴,途中有一架黎過,但佢唔停俾我地上,有冇搞錯!搞到我同Nicole

好鬼嬲,之後決定都係塔的士,咁又冇左$20番到屋企12點!小丸子約我星期一睇戲呀

14.6.2008 (Fafa happy b-day)

今日本來番早咖,但因為亞茶有事,所以同我調左!真係好後悔呀!因為又要對住個衰人!

真係好辛苦,下下都針對住我咁!如果呢個club house冇左佢會好好多!點解佢要係到喎!

11.6.2008 {HAPPY B-DAY TO 亞麟}

今日又係番夜,都唔知好定係唔好,好就係可以訓晏d,唔好就係好夜先番到屋企!!

番工之前同左媽咪去左飲茶,真係好!!之前成日話唔想番,但宜家又做得幾開心,食

飯果陣Tidus係咁問我"我靚仔d定係亞鴻靚仔d?"到最後我都冇答原因係兩個都唔

靚仔!放左工,同左班同事買野食,因為有多$,所以可以買零食!番到屋企11點3啦!

12.6.2008 {HAPPY B-DAY TO 表哥(Billy)}

今日仍然番夜,番到去冇幾耐就坐保齡,坐左半個鐘,其實d學生都唔係打既,係咁影

相,之後就幫亞荼cut野..then再幫亞ka畫野,咁就差唔多6點啦!又係時候食飯,同亞

ken一齊食!呢到d客好好,成日請我地食野,今日又有朱古力+香蕉!之前又有蛋撻等!

8點半左右,有個客黎話book保齡球場,之後我又落左去坐左一個鐘!!!佢好似好勁咁,

有自己既私家鞋&保齡球!佢個女既保齡球仲有hello kitty添!番到屋企11點半!!累透

了!P.S:今日見到我小學老師(馮sir)同佢傾左幾句!期待聽日Rainbow既薯仔蝦沙律!

9.6.2008

今日day off,終於可以同媽咪去行下街,飲下荼!!!11點左右約左maggie係佢樓下等,

因為要俾份生日禮物佢,10號因為要番工,所以陪唔到佢,唯有睇下聽日放工再打俾

佢啦!之後我,媽咪,哥哥&佢女友一齊去左花都飲茶!!食完再出元朗行街+買老婆&老

公餅食!去左一陣叫"ELITE"既鋪頭買衫,買左$734!!做埋VIP,個度D衫好靚咖!

10.6.2008 {HAPPY B-DAY TO MAGGIE}

今日番1點半,12點半左右出門口...去左大學火車站都差唔多一點啦!!上左村巴之後,

先發覺自己唔記得拎飯盒,真係激死,又要哂$啦!!之後番到Club House,媽媽俾左個杯

麵我,但我真係唔想成日食杯麵,所以到左食飯時候去左OK買叮飯食+利華朱奶!好味!

7.6.2008 (黑雨->紅雨->黃雨)

今日6點半出門口,6點8到火車站...之後天文台話黑色暴雨警告,真係頂佢個肺!

早唔掛遲唔掛,等我上左火車先黎掛!琴晚訓得四個鍾咋,番到公司之後因為天氣

問題而唔駛做野,之後同左April去左食早餐+上左佢屋企訓覺!!因為真係好累!訓

到11點左右,之後就準備番去club house!番到去準備開番,因為已經係紅雨啦!!1 

點成個clubhouse先開番哂!!1點半我又食飯啦,食完飯又去開會,其實今日真係冇

咩點做過野,真係好!原本今日去睇Kelly演唱會咖,但因為四川既節目cancel左

8.6.2008

今日照番完本既時間係大學站等村巴,點知原來佢會遲5分鐘先開+上佢仲要停馬

鞍山,真係俾佢玩死!搞到我遲左5mins呀,唉...激死!之後April又捉住我傾計,真係

就黎俾佢煩死,講黎講去都係果d,真無奈呀!!今日第一次見到女救生員,仲要係得1

7歲,真係厲害!!之後係咁做做做...做到4點4左右就換衫,我就同April走先,之後上

左April屋企陪佢放低d野,再去寄信+入八達通!之後就去等巴士入沙田買生日禮物

俾我兩個好友(10號-maggie+15號-君) 終於都搞點,唔駛煩啦!等埋亞Ken過黎,再

去食Triple O,正呀!同亞Ken share(食左BC + Mushroom burger),9點8番到屋企!

5.6.2008

今日番1點半,冇咩特別,番去都係做差唔多既野!都係坐下保齡+開場等等,

不過都開心既!放左工同nicole番屋企!傾左好多野,愈來愈清楚佢個為人!

6.6.2008

今日都係番夜,好多野做呀今日!!但我真係覺得有野做好過冇野做!係番工之前

同左媽咪&哥哥去左花都飲茶!5點幾個陣,亞KA叫我落去拎野follow,原來佢叫

我落去既真正原因係想我做完左個實習期繼續幫佢手,但不過要去到青衣既灝

景灣,雖然有$7-8000一個月,但係車錢都冇左好多啦,+上佢要我做full-time,

我e+真係要認真諗清楚!!'HAPPY BIRTHDAY TO 表哥(BRIAN)'