今日係亞玲生日既大日子,我地本來約好左2點係粉嶺火車站到等,點知原來個個都未準備好,

為有延遲半個鐘啦!!但係最後都係得我,君&主角出現,因為其餘3個都未得!去到旺角上左一間

叫熊館既cafe,係個網到睇同實際現場有d分別呢!但都冇辦法,唔通即刻走咩!?之後我地3個睇

左個menu半個鐘,都唔知揀咩好!?最後雖然係揀到,但都唔係發自內心既!!!之後我地一邊睇"塚

愛",一邊飲野+食野!等齊人+佢地食飽哂之後,我地就切蛋糕&送禮物,希望Mana你會鍾意我為

你揀既禮物啦!!我地睇左大部份既"追擊8月15"之後,就埋單走人啦!!本來諗住去明將都食壽司

咖,但因為岩岩食得太飽,所以為有取消!我地去左朗豪坊行街,成個旺角都俾我地行左兩次!!真

係累到嘔呀!!9點半到就塔車番屋企啦,主角要去搵佬,所以唔係粉嶺落,我地5個係粉嶺落左車

之後,就去左吉野家到食飯!!亞君大力到連一張上左鏍絲既檯都般得郁,真係化悲憤為力量呀!!

講笑姐...張檯d鏍絲一早鬆哂!!我地坐左好耐,行番屋企果陣講番以前中三既野,真係好值得回

味呀!好想番番之前呀!我地永遠都冇講完既話題,識到你地真係好呀!FRIENDSHIP FOREVER

今日7點起身....因為服務時數唔夠,所以要去買旗....琴晚又訓得唔好,訓下醒下咁,好辛苦呀!

由9點3開始買到10點左右,我地6個人就去左M記食早餐.....試左煙蔥蛋個早晨全餐,真係難食

到嘔呀!!之後係咁傾計....傾到11點半就去還旗袋!就出發去東涌開始我地既行程啦!我地1點

2就到左啦,因為琴晚約好1點半係個邊等,咁話哂都係我地既功課....遲到都唔係咁好!!!之後我

地由1點2等到1點8組員先黎齊....之後再等到2點4左右d參加者先黎齊,我地6個足足等左1個

鐘多d呀!!!!之後就塔車出發入大澳!導遊係Jerry & Ling,我地第一站係去睇白海豚,今次又睇到

呀!!真係好彩..如果睇唔到,唔知Brie &Douglas會唔會扣我地分呢?之後第二站係去參觀文化工

作室雖然唔係我地既組員講,但我相信果個人講好過我地講,講錯左就閉啦!!!之後我地去左整茶

果,雖然個環境好差,但係d團友玩得開心就得啦!!最後一站係去食豆腐花,當我地入到去,又飲豆

漿,又食魚蛋,又食燒賣!18個人都食得好飽,好滿足!!係回程之前我地有半個鐘既自由時間,大家

都去左行下市集,買下手信俾屋企人!行程就咁完結啦!番到黎屋企雖然好累,但都睇左貓之報恩!

24.4.2008

今日10點就起左身啦...訓左6個鐘係火車站見到亞Milk,番到去又聽d師兄師姐

同我地講internship 要注意既野,好無聊呀,俾我訓多一個鐘會比較好!之後上左兩

堂IDS冇break過!Then一堂QCC就可以放學啦!我就黎死啦!呢個星期冇一日訓足!!

25.4.2008

今日番2點3...真好!番到去兩堂TTB,仍然係week 5,真救命!教左3個星期,教到死唔

斷氣咁!好辛苦呀...之後上PTI,讀書+派卷,今次有87.8分,有進步呢!下次再努力!

六點幾番到黎粉嶺,之後就即刻打俾Maggie我會遲d去!因為佢地準備出粉嶺火車站啦..番到屋

企就即刻沖涼換衫,約埋Mana就一齊出!!佢要去拎蛋糕;我就去拎錢!!!去到奧海城2期,唔識行

所以Mana就打俾亞Milk教路...入到去,真係後悔...d男仔唱到痴哂線,嗌救命咁!全部女仔因為

唔想受到noise pollution影響,所以出哂去傾計!!差唔多12點,我同其他女仔就出左去叫d人黎播

生日歌&拎蛋糕!佢地原來一早諗定亞Milk一吹完candles就禁佢個頭落個蛋糕到!點知真係做左

搞到亞Milk個頭好多Cream!!佢就開始扔番人,搞到成間K房都係蛋糕,個經理入左黎話我地!!!之

後亞Milk入左洗手間整番好個頭,亞丙& Maggie就呃d男仔話亞Milk喊,講得好真...之後第2個

蛋糕又入黎啦,今次呢個唔係玩,真係食咖啦!!!!之後我地又補番唱多一次生日歌,搞到亞Milk感

動到喊啦!唱到2點幾...我地就走人啦!因為曼聯爭豪dee一個開場=.=我地行去塔車果陣,班男

仔係咁嚇我地,嚇一次都唔夠,要嚇足三次!!塔小巴番到粉嶺都已經3點半啦!!!!今日真係好開心,

玩開既...都算出得7788,下次活動於5月18日舉行-屆時活動係BBQ!希望到時會有更多3E既

同學仔一齊出黎聚下啦!識到呢班同學真係好開心,呢一世都唔會忘記你地,要搞多d活動先得!