6.5.2008

今日番去上左兩堂QCC,對番上次既測驗卷,71分!之後再對埋ATS,有77分!算是不錯的成績!

之後Miss送左禮物俾我地!我覺得亞Wing果個好靚呀!但我低分過佢,所以冇得揀!之後上MFS

Miss講左tips俾我地,簡直係好大既提示呀!Miss第一次俾tips,真係唔同d!不過都係一件好事!

7.5.2008

今日頭兩堂係PSK,個個都做完最後一個Presentation.唔駛再做佢既玩具啦!之後上IDS吹水,

抄notes,個個都好勤力呢!之後TTB,叫Miss今日俾埋個範圍佢又唔肯喎,!!!之後我地就係學

校叮飯食,好方便,不過今日已經係最後一次係學校食飯啦!之後上英文堂,又係吹水的!Margie

請我地食野呀,好開心!其實我覺得佢真係好錫我地,ChristmasParty又請我地食Pizza,今次又

請零食俾我地!雖然唔係d咩特別野,但學生總係覺得老師d野特別靚,特別好味!琴晚失眠呢!

4.5.2008

今日陪媽咪去聯和墟飲茶,係飲荼之前陪媽咪去賣左d報紙...巧合地遇見maggie的媽媽!

5.5.2008

今日真係好唔想起身...但冇辦法,一定要番學!番到去本來有兩堂MFS既,但Miss俾左我

地黎溫書,但其實我地拎黎傾計!同Miss講講去泰國既喜悅,煩煩點樣寫好一張表格,我,

Joey, Joe & Jerry係咁走左去year 2既同學到問野!!好彩Teresa俾入姐!初頭仲以為會

cancel左個人妖show,好彩原來冇!希望d人妖唔好咸濕我啦!番到屋企開始執行李啦,因

為就黎考試,怕冇時間呢,一考完第2日就上機啦,趕!Joe記得黎粉嶺Join我塔通天巴士呀!

2.5.2008

今日9點半收到Joey電話...真係俾你嚇一跳!因為要傳聖火既關係,搞到Joey就黎暈!

好彩最好都搞得掂,我地要為我地既泰國出發!簡直係未出發先興奮呀!之後番到學校,

Anson同我地講,原本個團係$2558,宜家減到$2100,真係超值呀!希望到時玩得開心

啦!多謝爹地俾$3000我,就係因為佢肯俾我,反而搞到我好唔安樂!成個敗家女咁,唉!

3.5.2008

今日成日留係屋企做功課,因為就黎去旅行既關係,所以都係盡量少出街省番d錢丫

麻!做哂PSK要Present既Powerpoint & PTI既作文->怎樣做一個好的導遊!咩都搞點!

聽日又要開始準備溫書啦,如果唔係趕唔切咖啦!最後一個考試要努力D!唔好衰收尾!!

30.4.2008

今日本來番2點3咖,唉...又要補課,仲要上ticketing呀!因為上堂教既野都唔記得

哂,所以做得好慢!都唔明MISS做咩要將我地同T1比!人比人,比死人呀!問題黎啦,

我唔小心將0打左做O,MISS就開始鬧啦!你做緊D咩呀?個電腦唔知你想做咩喎!?

駛唔駛咁惡呀?!如果我識我就唔駛番學啦,果陣已經做到個人好燥底,因為做極都

唔岩..亞Jam仲做到喊添唉...機票呢樣野,真係唔多岩我!,我選擇放棄!DOWN

放左學之後,同左suki落左旺角買野,由5點半行到10點左右!今日晚餐係m記食Dip

& Shake!因為Suki有6折,所以變得好抵!因為好耐冇見,所以大家都有好多野分享!

1.5.2008

今日走左去翠擁華庭,因為我將會係個邊既Club House實習10個星期!真係好靚呀!

約左Priscilla係馬鞍山等,我地去左食米線,又底又好食!!!之後我地再去百佳買牛油,

杏仁等,準備去Priscilla屋企整曲奇餅!!整左好耐呀!!整完之後Priscilla媽媽留左我同

Joey係佢地屋企食飯,正!8點半就走啦!Priscilla送我地去烏溪沙火車站之後就走啦

28.4.2008

今日係學校既Sport's Day,番12點9...俾我想像中有所唔同,睇完Jerry比賽,我地

就走啦!之後陪Christy做MFS份功課,原來我已經幫佢做左=.=早知係咁唔駛哂時間

去借電腦,搞左成個鐘先知,唉!!之後其他同學去左飲荼,Joey &Priscilla去左打機,我

同Christy就去搵佢地!玩左一陣就走,之後我就陪Christy等佢男友,一邊食PizzaHut

一邊等!之後亞Joe打黎問我係邊...佢同Kabe就黎搵我地!!傾左幾句就走啦!!END

29.4.2008

今日本來約左Suki去旺角買套裝,點知諗落都係聽日放左學先去!!係屋企睇左夢幻街

少女&花鼠明星俱樂部!咁岩Suki都想聽日先出,因為佢要做project+上佢今日放6點!

人生道路未必只得一條~但走與別不同的路是很辛苦的,到時有甚麼事也不可怨人~要好好演繹屬於自己的故事!