琴晚一到12點,媽咪即刻行入黎叫我同佢講句野^.^哈哈!學埋我d衰野,之後我就同佢講句生日

快樂!第2日,12點左右就同左媽咪出左上水,因為之前表姐約左我地出去飲茶!好多人囉,搞到表

姐由10點等到一點,真係餓到肚都凹,坐底之後睇下表姐買果本雜誌,見到今屆既Miss Hong

Kong真係好好笑,又有波波裙小鳳姐,又有去Ball闊太,又有番板小儀..睇完之後,表哥,表妹&姨

媽就到左啦,食左都唔算多野,但個價錢就好金!食完之後去姨媽到幫表妹整裙,THEN...去亞欣

媽咪到買絲帶,之後冇幾耐就撞到SUKI,真係有緣!我地又去搵工,今次去元綠填Form,D經理好

Nice,好有禮貌!聽番我個FD講有D人去問都話請左人,希望得啦!唔想成日係屋企hea哂d時間!!

本來諗住去學西班牙文咖,話哂都有d底丫,不過媽咪話如果唔係成日用既話,又會好快唔記得,

咁我都認同既!行番去搵媽咪果陣俾表妹拉左去探佢爺爺!坐的士去坐的士番,我都想可以咁豪

氣呀!本來想係姨媽屋企食埋咖,因為表姐表哥下廚,但最後都冇!之後媽咪,哥哥,我&龜鍾一齊

去左扒王之王食飯,呢次重金呀!個個餐都過百,又冇飯又冇麵,得塊扒都咁貴!食完之後就去百

佳買野飲&蝦條!出黎又撞到Joan,傾左幾句就走lu!p.s:媽咪祝你生日快樂,身體健康,開開心心!

今日本來係去同姑媽飲茶咖,最後變左搵工!不過都同姑媽飲左茶先,之後"dum底媽咪同姑媽,再

同君去搵工!1)去左和民,d福利唔錯...佢又唔需要有工作經驗,又有野食!但係要自己寄張form!

2)再去Lasmiddle,又係唔需要有工作經驗...但係要等電話囉! 3)去左一間買衫既鋪頭,填左d資

料,佢就即刻面試,問下d普通野咁,不過咪又係要等電話!有1間佢係貼左張野請人咖, 不過唔

知係唔係我地著d衫唔岩佢間鋪頭d style,所以呃我地話請左人~!!請左人就唔好貼張野出黎啦!

不過算啦,我都知搵工係一件好辛苦既事,為有再努力啦!!!搵完之後再會合番媽咪,之後買左1件

衫&一條褲!去埋supermarket就番屋企啦!番到屋企都5點lu!

今日亞Roy請食飯,呢餐飯都爭左好耐啦,由CSE開始!我地約左1點係沙田火車站等,但係我地2

個都遲到!之後我地一路行一路諗食咩好,最後都揀左食The Spaghetti House~!!我叫飯你就

叫意粉,我要暖水你就要冰水,我要紅湯你就要白湯,我要熱檸茶你就要凍檸茶,搞到個waitress

(Cherry)都係到笑!你有時候問我d野,我真係唔知點答你好!我講每一句野你都"姪"住哂,都唔明

你想點!食完之後去左西田買Mother's Day份禮物,之後買埋Mickey份生日禮物,suppose係4月

21日送既,但無奈地要準備會考,所以要等到今日!之後因為亞Roy約左佢班fds!Then..我就番屋

企啦!5點半Mickey打俾我,我就拎番份生日禮物俾佢!I HOPE YOU WILL LIKE IT!~END~

琴晚溫書溫到2點先訓,只係溫左2日bio!好驚d字唔識串,心諗都係最後1日,就搏哂命咁溫!!!7點

半落到去,等左2架車先上到車!去到馬x燦門口又唔俾我地入去,要我地係出面等之後就見到

包包為,陳恩義&陳少文!佢地話冇溫過,包包為重話寫d physic既公式入去,eg:V=IR考Paper

(1)果陣,個監考主任好多野講囉,真係好想叫佢收聲!份卷都唔算太難,之前重驚到死咁,好多

餘!好彩佢冇出心臟,如果唔係我都唔知點算!考完之後,見到唐星亮,重係咁cool之後Paper(2)

個監考主任重衰,成日講錯野,個個英文字係唔係都+"s"!真係好難聽囉!check準考証果陣,果

個賤人好黑我憎!次次d人check完都會幫我擺番好咖麻, 佢pat過黎囉, 又要check人計數機喎,

我個計數機連個套都冇,都唔知佢check乜野!真係好鬼慶呀!不過算....都已經係最後1日!!考

完之後同亞芯行番去粉嶺火車站,之後同mila & bear食日本野!又咸又甜既豬頸肉,真係頂唔信

之後佢地2個係咁搵工,我就冇參與,因為我好眼訓番黎休息左一陣就訓著左啦!起身之後,收

到表妹電話,佢已經係我落下啦!上到黎我就俾哂d數學past paper & d練習佢,記得做呀!!!我屋

企又多左d位啦*^.^*食完飯之後教佢數,希望你真係明啦!溏心風暴好好睇呀!大家唔好錯過呀!

今日一落樓就接到carla電話,佢叫我幫佢係ok買早餐!買完出到黎就見到佢啦!

去到巴士站就見到bear &亞芯,之後就上車啦!!一上到車超多人,重有好濃烈既

臭狐味,好想死呀!前面o個兩個人又係咁食果d酸酸"叔叔"既麵包,搞到bear

好暈!!去到廖萬石堂,見到好多師奶打扮既人,著住閃閃令既高x鞋,好多白頭髮,

都唔知發生咩事d人唔知係做得快丫,定係冇做!我個小學同學重衰,做左都唔

知有冇半個鐘就走左啦!MC果陣,亞芯後面個男仔完全好似冇做過咁,好似係到

嘆冷氣咁!Paper(1):覺得自己好似做得好快,有15mins覆卷!! Paper(2):重快,有

30mins!2份黎講都比學校簡單!希望拎到自己想拎個grade啦!考完之後,同左芯,

suki,bear,carla食日本野,雖然個樣係好靚,但係唔係想像中咁好味之後塔7

0k回家,又講到溏心風暴&楊貴妃既電視節目!亞芯係巴士上好激動,好搞笑!!