今日係學校有爆多野做丫~
搞到連lunch都係食左5分鐘炸!!
因為要收錢同埋有個馬術講座/_\
個馬術講座仲請左余文詩黎
正當佢個助手係度講緊野既時候...我地成班人仲一個一個咁同佢影合照添~哈哈!
我當然都唔汁輸影左一張
不過影到佢有d似山頂佢蠟像咁= =

完左個講座之後又係不停做野...
唉....聽日一定要搞掂丫..唔係又會比人「少」...
今日終於都出左Winning 11啦...不過咁Q貴....
邊有錢買丫...想玩都無得玩....真係xxxx!!!
無Winning 打真係好悶丫...我仲要等幾多日丫!!

今日又長周啦!!
例排遲到,,,唔返早得唔得丫!!!
返工無咩野講...
到左一點幾無啦啦接到個電話,
有個買家打黎話想同我買野!!!
哈哈~勁happy 囉,等左成3日終於都有人bid左我拍賣既野啦^^"
放工5點即走去交易,最估唔到果個人係傷殘人士囉@o@我既第一次真係特別姐...
不過呢~好事真係成雙的!!聽日又約左第二個買家啦!!!又有$$賺啦!!真係開心死丫!!!

不知不覺愛上了你,是真的耶!!

依排真係懶左好多丫~
咩都唔願做,日記又懶得打,,,
係學校又比人鬧到狗血淋頭....
放工又日日7點超準時喎..
返到屋企得四樣野做....
做飯,打機,沖涼,訓覺- -"
買左部機真係累事....
邊個可以打救下我丫!!!

今日好正丫~~
無啦啦多左幾盒模型砌^_^"開心死~~
有兩個三年前畢業既學生返左黎丫~一個係陳嘉進,一個係梁志光(六仁班班長)~
我咁都記得佢地名,所以佢地兩個都話我勁!!!
我同佢地傾左一陣計之後佢地就走左啦
多元智能班果時仲約左個小學同學兼導師帶返d小學畢業相黎交換睇添~
大大話話都小學畢業左9年啦..咁都撞番真係幾有緣@@
所以我自己都要讚自己...我既認人既記性真係好叻叻,所以呢..大家畢左業之後,我都會記得大家既~放心放心。
完晒d多元智能班之後就去左土瓜灣運動場搵翁+張^^
仲撞到好多學生= ="
住個球場行左好多個圈+玩左陣,之後大約6點半就去九龍城塔車返歸kaka

要補打番..多謝mei mei 張 同 may may 劉 旅行果時燒左好多野食比我食^^"

今日係學校無野做丫~~正正
成日都係度上論壇同打機- -"
好辛苦咁由9點捱到6點收工....
不過今日個肚都依然好痛= ="係時候要去睇醫生...
講番琴日學校旅行丫@@
琴日玩得好開心丫~
食左好多野丫!!有燒腸仔同燒麵包我最鍾意食既兩樣野~多謝晒各位^^"(肚屙都要食!!)
自己都燒左棉花糖比自己食!!正正~
搞到我lunch都唔洗點食野><
又打左陣排球同踢足球,
不過最正都係BBQ
post d相比大家睇下啦><

聽日仲有一個喜信丫!!!
就係我終於都買左部 XBox 360啦!!!!
哈哈~以後放工返屋企都有機可以打啦^^"
不過部機好鬼貴丫= =成半個月人工//有少少心痛......
所以我以後都會少d開電腦的^^"886~~~