今日晨早9點鐘返到學校~
之後就係咁上論壇同埋拍賣....開始睇到上癮添...
d時間過得好慢咁...就到左下晝既多元智能班啦
不過肥婆同隻羊都有返黎...唉...
最後一次既多元智能班都唔比我過得好d....
又要扮嚴咁叫d學生唔好玩....唉...
好快到左3點幾,,肥婆走左之後又同班學生 玩啤牌&踢足球&數字球!正正丫!!
到左5點,上學期既多元智能班終於都完晒啦...依十個星期六真係過得漫長呢...
下學期既多元智能班都係唔好搞我....實在太麻煩啦!!
之後同個小學同學+導師吹左陣水就走左佬
本來放左學想返去樂華邨到睇下既...因為搬左屋5年都無返過去....
但係最後都無去.因為zoe & winky 約左去海心打排球,
佢地遲到囉...都等左佢地兩個一陣,
由5點半打到7點半,打得最耐係今次@o@
臨走時佢地話不如去食晚飯啦,,因為我欠佢地兩個好多餐= =
我同winky & zoe就去左食日本野啦,
叫左個套餐+壽司拼盤食...都好好食嫁^^
仲撞到黃sir+麥老師+子軒去同一間野食野添...(好在黃sir佢地見我唔到姐....)
因為壽司等左好耐..所以一路食一路吹水食到9點半...
食飽飽就送埋佢地兩個返屋企,就塔車走囉^^
今日真係好開心丫!!!

臨近聖誕節假期...所以最近真係多好多野做丫...
今日開完個宣傳小組會議....又要我做...真係媽凸!!
工作真係無做完既一日的....
依排晚晚都好夜先訓,加上琴晚出左去飲野...
睡魔急call 丫= =
有機都無精神打丫..慘慘..
依家去訓陣先^^"886!

今日一早起身真係好鬼凍丫...
所以訓晏左....都知道一定會遲到嫁啦><
不過d大鱷仲係北京~所以遲到都無咩所謂啦~
返到學校先知今日有份去馬術中心~kaka唔洗留係學校去邊都咁happy啦~
1點半就出發啦@@"
初頭去到聽條友講野都幾悶下...無無聊聊咁...
無幾耐就去參觀個馬廐度...開頭見到隻馬咁大隻真係....xxxx
之後仲可以摸下d馬仔同餵佢地食蘿蔔添^^
餵餵下+摸摸下就覺得d其實都好得意
不過咁多隻馬我都係鍾意隻白灰馬~
又乖又靚^^
到左4點幾就塔車返學校...
回程果時我仲訓著左添~hehe^^
其實無得去北京留係香港都唔錯唔錯@o@

星期日一早要去崇拜丫..
10點幾就去左牧愛堂聽耶穌!!
唉...去到真係悶死人丫...
仲要聽成兩個幾鐘..真係XYZ~~!
完成之後無去做聚餐,就走左LOR!!
4點幾返到屋企就上網+睇電視+打機^^
晚夜就出左街食野~~咁又一日啦><
聽日又要返工啦....我想...訓覺...丫....

今日教師專業發展日...要返工!!!
聽日多元智能班...要返工!!!
後日強迫性要去牧愛堂崇拜...要返工!!!
大後日..崇拜後假期..我地無假放...要返工!!!
成個星期都無1 day 係放假!!
真係..「頂」佢丫!!!