本身自己用開MISSHA, 佢每個月8號都會出新產品, 而今個11月就出左蝸牛系列, 我都係抱住試新野的心態買呢隻MASK來試下, 哇, 點知有意外驚喜!!!  我之前未用過GEL MASK的, 個SALES姐姐阿MAY強烈推介呢隻新MASK, 佢話佢同D同事試完個個都讚好, 同埋話去印超掂, 於是我又買左一盒六片來試.

我左邊面有一個細細的暗瘡印但好深色, 我都煩惱左好耐, 既然呢隻MASK係SALE去印我梗係試啦, 點知敷左一次就已經見到效果, 真係快到連我自己都唔信, 只係一次, 暗瘡印的顏色已經比未敷MASK果時淡左起碼40%!!

用護膚品真係唔係齋聽人講邊隻有效就得, 真係要親身試過先知!!  有暗瘡印煩惱的朋友可以一試呀!!  (效果因人而異, 詳情上MISSHA個网站睇睇或者親身去MISSHA問下啦~)

等左兩年終於有得去旅行!!  舊年因為失業同身體唔好, 儲唔到錢之餘仲用左好多錢睇醫生, 到今年四月搵到份工而又儲到D錢所以決定同老公去大阪旅行.  其實五年前同家姐一齊去過一次大阪, 不過係跟團, 隔左咁多年加上老公又未去過, 最難得o既係我同佢夾到日子一齊放大假, 所以我地毫不猶豫就去左旅行社book機票同酒店, 有左上次東京自由行經驗, 今次應該都無乜問題~~ 老公要返埋今日工先開始放假, 等佢收工再一齊傾下行程至得!

冬天來臨, 天氣都開始乾燥喇, 補濕點少得呀, 而我至愛補濕面膜就係MISSHA呢隻DEEP SEA WATER SHEET MASK, 我已經用左佢一段時間架喇, 就算來到乾燥天氣塊面都唔會甩皮或者覺得好乾, 每日只需十五至二十分鐘就有水潤肌膚啦^^

真係誠意推介呢本書俾大家, 係一本心靈勵志的書!!

我有一段長時間都為工作而煩惱, 覺得返工唔開心, 俾人針對, 每日不停問自己辭唔辭職好, 由於日日受情緒影響搞到自己成日肚痛同唔舒服.  有日同老公行書局佢揀左呢本書俾我睇, 諗住反正無咩做就買左返屋企睇, 睇完真係令到我成個人唔同左, 諗野方式都唔同左, 而家個人開心左好多!

何權峰先生係一個醫師, 有句說話佢講得好o岩, 就係人除左身體要健康, 心靈都要健康!!  人如果控制唔到情緒, 調返轉俾情緒控制的話就會變成情緒的奴隸.  呢本書內容由好多個問題組成, 每個問題都以一個簡短故事來啟發讀者思考, 簡單易明.