等左兩年終於有得去旅行!!  舊年因為失業同身體唔好, 儲唔到錢之餘仲用左好多錢睇醫生, 到今年四月搵到份工而又儲到D錢所以決定同老公去大阪旅行.  其實五年前同家姐一齊去過一次大阪, 不過係跟團, 隔左咁多年加上老公又未去過, 最難得o既係我同佢夾到日子一齊放大假, 所以我地毫不猶豫就去左旅行社book機票同酒店, 有左上次東京自由行經驗, 今次應該都無乜問題~~ 老公要返埋今日工先開始放假, 等佢收工再一齊傾下行程至得!