今日    又係我地買個狂傾計既日子...

上英文堂    我地之前話要去文西屋企打機    大昇昇話佢去文西屋企打飛機

果陣我仲未知打飛機係嘜    仲好大聲咁問曾姐"咩係打飛機丫?"    真係好對唔住丫...Orz

AD堂    我地組果個整得好令令    我都不禁係心中佩服自己~~(哭!)

而且自己有幫手既野    感覺果然係好好多丫!    不過McLay同大昇昇成堂都整估我- -"

唔知點解    好似同你既感情好左一大"舊!?"    我好開心你會係我唔開心果陣安慰我(好似係我一唔開心你就會安慰我 )

如果唔係之前吵得咁勁    我諗我同你都冇咩可能好似依家咁老友喇~

thx*

今日係 Mother's Day    但係朝早都係食M記,,    而且係媽媽買既..

我本來打算幫佢做下家務咁喇    點知又係佢做哂..

後來大家姐買左個新豆漿機返黎(舊既俾左公公)    點知又係佢自己整豆漿    最嚴重既係整完仲要由佢煮好..

所以話    今日真係冇哂佢辦法    Orz|||

好采爸爸最識做    今晚果餐由佢煮    不過有幾碟係佢買返黎既...

算喇    睇媽媽個樣都知佢好開人架喇!    今日打到呢度...

今日大昇昇終於都返黎喇    原來佢都係病左..(被趙波洋感染!?)

中文堂講咩咩詩唔知做嘜係咁同曾姐笑    哈哈

跟住I.S佢地傳左張紙黎叫我寫D野..

知已:澤哥(可能係因為夠哂老友!)

青梅竹馬:吉杰(我小二就識佢喇~)

男朋友:聰(唔好誤會係大佬聰, 我係指3D令仔D果個)

情人:聰(嘿)

老公:聰(會唔會覺得我好無聊!?)

二公:盈(其實好耐之前就包左佢嫁喇xＤ")

老伴:博士(佢夠哂老丫)

家政堂    我個大嘴鳥信插好卡娃伊    我都好佩服自己整得咁令    呵

之後係咁同盈,麗君,吉杰,奇哥,澤澤傾計    一時又講下小學    一時就講中一果陣    總之就好搞野喇~

就放Lunch果陣我係地下執到粒珠子    俾左吉杰...佢拎黎踢

最低死既係踢中左同Jimmy傾緊計既奇哥    奇哥一D反應都冇    笑死我同吉杰!

最後果堂係英文堂    Miss趙佢派之前份Quiz卷

第一題真係aren't you    聽到我就火大喇    個大昇昇仲要係咁yeah    搞到我火氣上升!

放左學唔想去睇班足...因為去到又唔知點..    上次都俾大佬入左波    今次係對3C    我驚佢地頂唔順..

但係我去左就更加唔好!    我唔想再俾人傳緋聞喇!!    我一心一意鍾意我聰聰架MA!

所以...唯有對唔住佢地喇...下次再去支持佢地啦~

英文堂Quiz    我覺得都幾難下呀份卷~    收左卷就大家一齊討論份卷

李晉昇話第一題係aren't you    但係我寫左were you    問左Miss趙先知原來係李晉昇岩左..(火大!)

上P.E堂    要跑９分鍾    之前我都好驚好驚架    因為次次跑親長跑都唔舒服...

今次好開心呀    有好多人幫我拉筋    而且仲提我唔好跑咁搏命!

我同Koey一齊跑    我跟住佢後面    佢有時轉個頭黎問我O唔OK    梗係OK喇    有咁多朋友支持我

去到最後30秒    我加倍個speed去跑    希望盡量跑多幾個圈    最後跑左17個丫~唔錯~

跑完之後呼吸困難    訓左一陣就同Koey,BELBEL傾計..    我同Koey身體唔好    下年田徑冇lu..真可惜...

Lunch之後係上I.S堂    高LEE俾左張約見紙我    嚇死我...係講缺席增潤課程!!

落左堂CheV陪我落去搵陳小姐    陳小姐話我要交返張請假信...    而且今日都有英文增潤...

CheV幫我交單元習作    我就上去英文增潤

入到去就見到個礙眼既馮文傑!!    係咁笑笑笑    都唔知佢想點!!

不過我一於少理~    自己溫我自己既~    佢地係咁同潘杰嘈    呵~低死~

text完之後我有22分    可惜我上次冇去到    Miss趙話要問下人地睇下我洗唔洗再補考過    thx*

今日星期日    本來打算做好哂D功課既    不過冇心機做...

今日媽媽買左個新枕頭俾我    係雅蘭牌子架    應該會好好訓..

而且仲有呢個薰衣草香    可以鬆弛神經    哈哈~

(我唔知係咪真既.個介紹係咁寫..)

今日叫左CheV上黎我屋企    因為好悶悶丫    可惜盈唔係屋企    如果唔係叫埋佢上黎!

CheV上黎    所以我就執好間屋    不過都係馬馬虎虎..(因為好少執野)

跟住我地睇動畫    又睇漫畫    仲打左陣機tim!

超好玩丫    我地係玩太鼓果隻game~

其實我之前都想玩架喇    因為係上次係機舖見到人地打得好激!    不過未夠年齡    所以冇玩..

最後就送CheV返屋企喇~

聽日要跑９分鍾耐力跑    都唔知點算    我打算跟住呀爽    好似有一次都係跟佢跑跑得唔錯

希望聽日自己平平安安    大家都係!

[p.s cherry    我睇到隻好核突既車厘子xＤ"  =>>   ]