今日終於又返學lu    功課都做得七七八八

上堂果陣超搞笑    成日同曾姐玩大佬聰

就好似拎本簿整大佬果執頭髮仔啦~插楊枝甘露落佢張椅背~等等..(呵)

   笑足全日丫!

放左學之後   同BELBEL, Cherry去電腦室

我就落去S.U果度買F4紙    因為要印閱讀報告丫...

落到去同果個哥哥好好笑

佢問我買咩    我話F4紙    佢問我買幾多張    就真係考起我喎...

跟住呆左幾秒    我話唔知道    然後就話買一蚊雞啦!

坐係隔離個哥哥笑我    問我中幾     我就話"中二囉~"

果兩個哥哥係咁嘿嘿嘿    話我中二都唔知F4紙幾多蚊(我都冇買過 )

之後佢拎左一大堆F4紙    仲話"呃..我唔識數喎..你拎20張啦"

盈係我側邊    佢都係買紙    但係最少要買一蚊雞

我就話    如果有多既    我就俾佢

個哥哥又係咁笑    話"呢D就係真正既友誼啦~~~~"

我好無言..........

上到三樓    個印印機都唔知係唔係有問題

我地由四點幾開始    搞搞搞搞到五點幾先印到    悶死我

跟住就返屋企啦...

今朝都唔知邊個咁早打過黎    整醒左我

落到廳個電話就收左線    之後就冇再打返個黎

再望下個電腦    點鮮開左既?....(恐怖)

之後就狂做功課    仲差個EE未做    所以唔做啦

個電腦又唔知佢痴左邊條線    開一次網輕機一次

算啦算啦    我大人有大量ma..hehe*

最後    我打算重新整過個音樂分享

因為同趙洋洋撞左    唔係幾好既    不過我要聲明    係佢抄我既~

最後我就搵左Do As Infinity既"樂園"    好好聽丫

我鍾意個唱手"伴都美子"    好靚女丫!~(心)

呃...   BELBEL個功課好難搞...   因為冇左果張紙    我幫唔到手

Cherry要加油啦    搵返張野都算好    遲d俾你影印返d工作紙啦

今日又要捱夜啦    唉    算啦!加油!

因為要借書做中史    順便補領返張圖書証

所以約左BELBEL同Cherry去粉嶺圖書館

點知未去我就肚痛    仲遲左去tim    要BELBEL等真係sor丫...

去到之後    因為我同Cherry兩個都食左lunch

So就陪BELBEL去熟食中心食野

坐左冇耐    我地係咁傾傾傾傾傾...

無啦啦有個大叔走過黎話"你地飲唔飲湯丫?我請你地飲。"

BELBEL一口拒絕左ｘＤ

又冇幾耐    個大叔又走過黎話"食唔食西瓜丫?我請你地食喎。"

BELBEL再一次拒絕左ｘＤ

到左埋單果陣啦    個大叔好似死不足惜    再問我地

"我請你地食西瓜啦，好食嫁，個西瓜好靚喎。"

BELBEL最後一次拒絕佢   "真係唔洗啦" 

都唔知個大叔有咩居心    想sell自己既野食都唔洗煩成咁掛    唉∼

 後來我地返去圖書館    繼續做我地既功課    做完仲畫畫tim

最後    我想講    我終於知道    芒果汁係咩味啦!!!!!! 嘿

      嘿嘿　大家好　入得黎呢個日記應該係我死黨黎嫁啦

之前果個日記我唔係唔用

不過果個係用黎貼我畫既畫畫　貼我打機既相相　大約係咁

今次呢個新日記　係打我既日常生活既

所以呢　唔好隨便講俾人知道丫

仲有既就係　希望大家多多留言　好想見到你地回覆丫