我都病左成三日喇    但係仲未好返    而且好似病重左...

呢排勁多病痛    咳, 喉嚨痛, 頭痛, 胃痛, 心口痛..頭果日仲發左陣燒    嚇到丫媽o哂..

今日食左好多藥胃痛, 喉糖, 咳藥水..    媽媽仲幫我塗藥(因為頭痛..)

今日早少少訓囉    如果唔係聽日又唔舒服就死得人多啦...

今日係星期六    我約左婉盈返團契    但係我又遲到啦xＤ"

行到馬路口    本來以為去左街街既CheV    咁橋撞到正喎(婉盈好眼力!)

so我地三個一齊去~

去到宣道    搵極都搵唔到金花    原來佢去左食飯

我同婉盈CheV一齊玩捉依因    好快CheV就捉到盈(偏唔捉我 )

後來金花黎到就一齊上堂堂喇!

上上下堂    團契D弟兄開始入黎喇    所以咁就上完堂lu,,

詩雅同詩婷,仲有麗君都返團契~    詩婷成日食野    仲唔敢請盈食tim    最後都要我同詩雅出面...

今次我地分開哂    因為個導師話廢事好friend果D玩埋一堆堆    我分到同麗君一齊    嘿

個哥哥好搞野    佢又讚我有見地又話我講野叻叻

仲有成日都話天祥爆光率高    天祥仲要話返哥玷唔低得佢爆光率高    哈哈

佢地話我講野好    所以我要出去講解    |||囧rz

CheV果組成日都係咁笑    咁唔留心我咪叫佢地聽下我講野囉~嘿

最後都有好多人拍手手    超開心丫

上完團契之後    又上金花堂喇~    完來今日係pigpig生日丫

唔怪得佢狂笑笑笑啦~(難怪囉~)    祝佢生日快樂!

今日又係好好笑既一日~    同曾姐, 李晉昇, 趙洋洋玩東南西北!

可笑既係    李晉昇竟然唔識玩

    教左佢玩之後就    次次同佢玩都係中到"醒目"個喎    真利害!

放左學之後    超開心丫    我去左果個咩咩茶會    力撐陳媽媽ma..

但係Mr Man同我地講一定要去左CYC個Meeting先    所以又要衝返上二樓

kaka*我又超好采咁撞正3D果個    真係好令仔丫(正確D黎講係可愛)

唉~但係盈又話佢唔夠何人令仔喎    邊有可能丫?

丫聰佢又令仔又可愛    哈哈(我狠不得佢留級丫 )

Meeting完左    我就落去捧陳媽媽場~    第一時間見到好多野食!

當然    我唔係好貪食既    而且太多野    望落去都冇咩食慾~

睇果D書睇到我兩隻眼仔都大埋    因為D野好令令ma...

陳媽媽係咁係度介紹    大家都講得超開心~

幾日冇打度日記    因為個死人project!    做左我好幾日丫...

不過依家都搞惦左    好采有CheV同馬田王幫我咋    如果唔係做死我都唔得天光!

今日超搞野    大佬聰竟然剪左佢果條可愛既頭髮仔..xＤ

搞到我地上堂悶到嘔茄~

不過有第二樣野玩    就係"畫鬼腳"喇

曾姐,我同埋李晉昇一齊玩    李晉昇係咁話白痴但係自己又係咁玩   車...

上A.D.堂    我一向都係同CheV一齊熄燈,關門口,關窗,叫人走..

今日等埋果三個白痴走    就搞到自己被人鬧喇    唉

當鬍鬚佬問我點解咁遲    我真係呆左幾秒丫!(唔可以告發人地咁衰既...")

之後開始做果個木盒    我地係咁同人地換磚    換哂綠色既返黎!

澤澤同McLay都唔係痴左邊條線    係咁走過黎偷野喎...好采何嘉杰擋住佢地

如果唔係D野俾佢地拎哂啦

今日打到呢度...........

P.S 李晉昇好絕情丫    竟然話趙洋洋"有佢係度同冇佢係度都冇咩分別~"  <-超過份!(不過好笑 )

終於到左星期六lu~    我今日又要去深圳東門啦~

過關果陣    有個女人走去排我前面既男人度    叫個男人帶佢過

個男人就好大聲話"梗係唔得啦!自己去排隊啦!"

搞到個女人無哂面...     個女人應該係唔想排隊    搵人帶過關..(個女人就走左啦)

整完牙之後    同姑姐媽媽一齊行街街    佢地一人買左對鞋

因為東門D野好令令    忍唔咁就買!(就好似香港既旺角 )

不過我冇買    我睇佢地兩個買.....................

返到上水    我成身冇哂力(行街好可怕...)    就去左訓訓    醒左都六點幾

食完飯飯之後    心血來潮~

爸爸同細妹唱腔大發    拎住個咪唱K    因為得兩個咪    我冇得唱

細妹仲整爛左一個咪   得返一個咪    成晚佢兩個狂搶咪!(我坐係側邊超無言...)

細妹唱Avril    俾爸爸寸    話佢唔識唱英文歌!

爸爸唱男女合唱歌    學女仔聲咁唱    第一次聽佢扮女聲

笑死我啦..kaka*    媽媽都笑到成塊面紅哂

要做英文project囉...辛苦死我...............