今朝起身    細妹就放左學    點知返到黎就話整唔見左二家姐隻王冠戒指!!

二家姐超嬲爆!    又鬧又打    丫媽又打返二家姐!    仲係咁掟野..

所以打就俾CheV    同佢講提出去行街街    順便想買返雞權份生日禮物

 之後等盈黎    係welcome門口趴左一陣    就見到盈喇

去到宣道    又見到果個冬菇長大左...(驚訝 )

上到去    今次團契內容好無聊    本來係金花姑娘帶既    不過佢病左    冇返

突然之間發現手上咩都冇喎    兔子扇我俾左盈幫我KEEP    汽水就飲哂    雞權份生日禮物就"唔見左"!!!

驚死我喇    一直上團契一直希望唔好俾人拎左....

完左團契    我一支箭跑去惠康    最後................................

冇左!!!

我又睇Rubbish Bin,,又問服務員,,最後都冇...    好傷心丫

唯有買返張生日卡喇

返到屋企    都係二家姐同媽媽既冷戰中!

媽媽佢趁住自己心情唔好    係咁點我做野....     爸爸返黎都好激氣!

我細妹又係咁整到媽媽    搞到成間屋嘈到嘔茄...

今日打到呢度....

今日唔洗返學    係屋企同二家姐輪流用電腦    順便整好左個論壇

http://home.guestbook.com.tw/index.php?mforum=fionaki

Logo :   (會唔會大過頭!?)

希望大家多多支持~!    想搞大個論壇佢丫xＤ"

夜少少就CheV傾電話    我地兩個傾左好耐好耐...    都係講無聊野~

之後講下講下講左去唱詩歌~    心血來潮就拎左本詩歌集狂唱!

唱到喉沙tim丫!!~    誇張到我立即去沖左杯蜜糖水飲...

大家姐返到黎    本來都好聲好氣既...

點知無喇喇發脾氣!    我同媽媽傾緊我整果個風扇仔之ma..    就大大聲聲鬧我地!

佢話我地好嘈喎..    仲叫我靜少少...

我又冇得罪佢    發脾氣拎我黎出氣    又冇得用電腦,,佢又傾電話,,打唔到俾CheV,,sor!

之後又係咁講粗口    好采媽子唔係度    如果唔係一定鬧死佢...

大家姐係2點幾先同完個電腦..    依家到我用    點知CheV又off左..(等唔到我掛..)

唉...    唯有打日記喇    上多陣論壇就訓lu~

今朝CheV遲左起身    踏10先起身    佢打俾我我就超無奈...

好采今日唔洗去中英文xx班    如果唔係佢就遲到喇~真好采~

今次數學堂都係教畫圖    好多人唔識都搵我教    嘿嘿    幫手係好事~

而我就同曾姐既努力研究之下好快手搞惦左

李晉昇個白痴   佢本書畫到好似牛屎咁..    仲係咁畫錯    笑死曾姐!!

趙洋洋教左佢咁耐佢都唔識(其實係趙洋洋畫錯左- -")    跟住都係本小姐出手    更正趙洋洋既錯誤...

最後李晉昇恍然大悟!~看破紅塵!~    都係多得我咋    kaka*

上AD堂    我地組先整左少少咋....    人地組整好左個底喇

所以今日AD超趕    又係咁講笑喎!    魚絲同我都奮身去痴D石嫁!

星又成日同吉杰玩    撞去張枱度搞到KoeY手震    嚇到我暈喇

吉杰都還可以    佢有份幫手[註*幫得到手]     星就唔係喇    狂玩D石又話我地唔俾佢痴[註*愈幫愈忙]

佢真係丫~成個細路仔咁..我吵鬧佢都係想佢變得正經少少,,廢事俾人蝦,,    多謝都冇聲

Lunch果陣返黎見到長毛    一開波佢就話見到我條仔潘杰

邊個話潘杰係我條仔架!?  明明係長毛鍾意人地又屈我..    仲係我地班度話我鍾意潘杰!

搞到佢地個個都誤會我...    長毛..我俾你玩死喇..........

[P.S.    日記頂頭有個播放器，可以聽歌歌既，有咩歌想聽記得話我知，我加入去喇~]

頭果幾堂悶到我嘔茄    Lunch之前果堂我同米妹調左位xＤ"

不過好多人都眼金金望住    好采肥LEE冇左個坐位表    唔知我地調左

 Lunch返去    見到吉杰同澤澤同一傘子下    烽烽同雞權好親蜜

去到天美樓下    我同CheV好快咁整開把傘仔    諗住整濕吉杰    點知俾佢反擊!!

佢又冇整到CheV    一野整落我度    搞到我成身都濕哂

理所當然    本小姐整返佢一野!就係咁整黎整去    我地成身都濕哂~

又返返去學校    巧合係正門口見到聰    盈同CheV仲緊張過我

我係咁依笑笑下就算喇    佢地兩個仲係咁提我~!

驚我唔知佢仲係度    佢係我地後面跟住上樓    開心死我啦

之後諗住轉身去望盈同CheV    點知佢又係我側邊走上去!

嘩~呢個側面大特寫我唔會忘記既!!!

上到課室    盈係咁追住我同CheV    我諗住跟住CheV走既..

點知被三個大男人包圍!!    嚇死我喇    我仲以後佢地圍摳我丫...

點知原來佢地想夾住我    我走都走唔出去    痴痴地線架- -"

盈仲拎我黎講笑    見死不救...    推又推唔開    踢又踢唔走!

之後佢地仲話伸懶腰    想夾死我丫!.....痴線架~~

今日打到呢度...

由今日開始    就根據夏令上堂    所以堂堂都會short左...

中文堂悶下悶下就過左lu~

IS堂高LEE玩音波    我耳仔唔係太好    聽到我耳鳴喇啦黎!

上DT堂    佢好似幾欣賞我個風扇仔    話"放係度吹都幾好既..."    嘿嘿

尾二果堂    調左曾sir堂...

果堂係度講埋哂D淫野    成班人不知幾hige    我就聽到Ｏ哂咀

話咩以前D人新婚    要個男方媽咪教佢地點ML...    超BT!!

仲係咁講個性教育博士    話人地係專業既    真想嘔...

佢對仔女就慘囉    得閒就要成家人睇四仔...

最後仲話有咩關於性開問題整係張紙度問呀sir    我冇交xＤ"