心情總算好過前幾日，不過．．．
一句野都好過冇∼
或者，我知道答案＞＜”
５２０１３１４．．．都唔係同我講啦．．．唉！
今日都係上堂，測驗，默書，打波．．．．
今日就係咁喇∼
可以點姐我．．．．
冇人識得珍惜∼！
再係咁，咪又係白費心機．．．曬氣啦
我算得ｄ咩丫∼
應承自己,最後一次打關於妳ge事出黎,
因為一切都係我一廂情願,冇結果ge我就要學懂放低~
更不想因此一而再,再而三咁傷害其他人...
今日聽左首歌諗返好多野......
諗起我同妳點識,唔知算唔算係有緣呢,o係架船到識
仲比妳拎左我件外套著左好耐,我差d拎唔返添呀^^"嘻嘻...
識妳冇耐我就生日,妳問我想要咩,我話要自己諗先有意思,
咁妳就送左排朱古力比我,我食得一舊...其他比人分曬....
因為果時識左妳一陣咁大把,所以妳送生日禮物比我就已經好開心
"再等幾多晚 能共妳整夜暢談"
記得識左妳冇耐,第一次同妳傾電話就傾通宵,仲要係o係電話到冇乜講過野,諗起都搞笑^^"
之後就有同妳傾電話ge習慣,妳仲成日主動打比我>v<"我記我我唔係打過好多次比妳嫁咋^^"
次次傾電話妳都叫我等陣,都唔知係唔係咁忙嫁......同埋仲成日打比我之後就掛住睇電視...
跟住妳就成日比肥豬聽,好耐冇同過肥豬傾電話喇,仲好耐冇同過妳呀媽傾電話喇,哈哈
妳呀媽仲叫我得閒出黎飲茶,真係有趣!!
有次數學妳唔係幾識,我特登走左出大埔去自修室教妳,走果時仲淋濕曬^^"
呢次係第一次同妳單獨一齊,亦係唯一一次,真係失敗^^"
到左考試,我應承左話妳數學合格就送隻pooh比妳...
妳應承左我會努力溫書,果然冇令我失望>v<
到左派卷果日妳份數學唔合格,但係妳話拉返平均分合格所以都要送,
咁我之後就話到妳生日就送比妳~
派成績表知道妳升到班為妳而高興,因為妳話妳唔想留班~
我仲記得我講過話鐘意食大菜糕,我叫妳整比我食,咁妳就好比心機咁整多好多次,
到妳真係拎左返黎比我食真係好開心,我上堂果時o係到食,哈哈>v<"
之後好多次妳上家政都有拎過比我食,我都拎過一次比妳食,不過唔記得妳有冇食到喇~
其實好早我就已經想同妳一齊,但係妳果時就同住呀禮一齊,所以就冇講過,,,,/
到左依家...唉...我都知冇可能嫁喇
我都唔知妳依家當我係咩喇......
我會將呢d野慢慢咁放低,不過我都唔會唔記得^^
同埋隻pooh妳仲想要ge就問我拎啦,
我一定會比妳嫁!
岩岩特登上左呀樊個日記到搵返下面段野
"你究竟明不明白我的心意？一個以你為生活目標的人。你是明白的吧，我猜你大概
知道一點點。我對你是特別的溫柔。
若果你真的明白，是否在明白了以後便開始小看我？我愛你，我對你好，所以你便
看不起我了。我們總看不起愛我們的人。因為你看不起我，因此你永遠不會愛上我
吧。"
睇完之後我覺得真係好岩...人就偏偏係咁
我自己都曾經係咁,但係每次我都會記得返上面段野
我反而要多謝,欣賞,同埋報答愛我ge人!! |
