都好耐下冇打到日記喇我~冇呀...都唔知打d咩好
又冇打到波,又冇出到街,咪日日都o係屋企戇居居咁坐o係到lor~
見依家等緊睇葡萄牙對呢個法國咁得閒咁咪打日記lor~
等我諗下呢排做過d咩先...打乒乓波,睇電影,訓下覺,
仲有成日要留o係學校採排畢業禮lor,都冇咩喇~
講下今日啦,算係幾無聊ge一日~|
比著係以前ge我,早就已經約左人出街-,-"
今朝早起身又打下機lor,同呀軒一齊玩ro私服~
好耐冇玩到喇,依家玩返好多野都唔同哂~
跟住就刷牙洗面換衫返學lu~
返到去見到冇咩人,咪自己一個o係到做自閉仔lor~悶
之後愈來愈多人返黎lu~跟住有人冇啦啦話問答比賽ge人要上去先,
咁我咪上去lor,遲左成4個字-,-"(我都唔知要上去)
跟住唔夠一陣又話要落返去點名喎,都渾吉嫁-,-"
跟住上禮堂問答比賽lu~我做後備,叫定左蔣遠基唔好換我上去~
廢事我上到去唔識咁瘀啦~最後我地社包尾,不過唔緊要啦,志在參與姐~
之後小息lu~我要留o係禮堂到採排集誦,咁就冇左個小息lu~
不過唔緊要啦,我小息都冇咩好做嫁喇~點知練左一次就放人lu~
嘩~唔係真係由得我地自生自滅呀~
小息完左上去聽d f.1f.2講故仔,有d都婕有趣ge~有d就....
記得自己上年都有參加到,仲拎左第二,叻仔~我個故事係"聰聰闖地球".......-,-"
話咁快就升f.4添喇,有人開心有人愁~唉.....
跟住聽完中文故事要聽普通話故事,嘩~少d耐性都唔得呀
我以為鐘飛揚好勁嫁啦,點知佢一出聲,又係唔好提喇.......-,-"
跟住聽哂d故事之後就到我地集誦lu~冇咩特別ge心情~
好快就講完lu,之後d人話我同晶姐把聲好響喎~乜真係咩??a_a"
跟住放學就要聽下去camp果d細則啦,唉~撞正世界盃呀陰功><
mr.梅都話唔好提呢d傷心事~哈哈><"
聽佢講今次呢個camp有得玩木戈同游繩,好期待添>v<"
之後我就返屋企lu,返到去門都未入有人打黎叫我打乒乓波~
我廢事再出去就冇去到啦,跟住食左呀媽煮果d好好味意粉又開始同呀軒一齊打機up lv~
打打下文傻話4:00打波,我諗住去嫁,因為都好耐冇打過排球喇~
但係我打打下機赲得濟就返房訓左,一訓就到5點幾,所以就放左佢飛機~sor呀><
跟住都冇咩野做lu,咪又係打下機過下d無聊ge生活lor~
依家都冇咩野好做啦,係到等睇世界盃~
見仲有咁耐先有波睇就搵d野打下,打下d平時唔會講人知ge野出黎啦~
好煩呀呢排,其實自己都覺得係好無謂嫁煩埋呢d野.真係唔知點~
早果排我同佢分開左之後,我都覺得自己好衰,點解要作出一個咁ge決定呢~
我講完之後自己o係到係咁喊係咁喊,o係到諗:到底自己係咪仲愛佢呢??
去到依家都有一大段日子喇,我發覺我對佢都仲有感情,但係就唔係冇左佢唔得果種~
我都有諗過同返佢一齊,但係又唔知點解,
我會覺得我同返佢一齊之後會有一日令佢比依家更唔開心~
因為我知道我自己唔係一個專一ge人,我亦係一個唔肯點去付出ge人~
同我一齊ge時候可能會覺得開心,但係時間耐左,會覺得我好難頂~
唔知點解我會對一個我鐘意ge人去成日發脾氣,而對其他人係冇咩野~
我亦都唔知點解會去做一d好自私,損人不利己ge野,總然之,百害而冇一利~
直到上個月開始,我開始同另一個女仔熟絡,成日傾電話,漸漸就對佢有一份感情出左黎~
起初我唔知呢份係咩ge情,但係愈傾愈熟~仲成日都傾到夜晚兩三點,
我開始覺得我有d鐘意佢,我開始凡事都去討好佢~
就係咁,我有d想同佢一齊,但係一路都冇出過聲,因為我想佢都鐘意我先~
但係唔知點解,佢上兩個禮拜佢開始冇打過黎搵我,而我亦都冇主動打比佢,
就係咁去到依家我同佢都冇咩點傾過計,o係學校更加冇打招乎~
o係呢一徹ge開始,我發覺我對佢ge意思消淡~
我唔係話感情經唔起考驗,而係我發現我對佢ge跟本就未去到話拍拖~
只係最普通果隻朋友,係未去同最悶果刻都唔傾計果種~
(當然有機會發展啦^^"果果ge機會都係平等ge a_a")
今次真係令我可以反省到好多野,我記得何輝講過話愛一個人唔係一時三分ge事~
係要經過長年累月ge,要由欣賞開始~(但係我都係想追佢-,-")
嘩~我考慮左好耐唔知張唔張↑呢篇咁ge野公開,但係諗左好耐我都係決定左公開,
因為我知道有人想知我諗乜,我亦都唔怕比任何人知我諗乜~
|
