今次呢個領袖訓練營真係不得了喇,正到飛起~!!
不過唯一有不足ge地方係2日1夜,時間太少喇,
本身同d人唔係咁熟嫁嘛,點知熟絡左又話要走喇,真係好慘~><
琴日一朝早我去左恵康買零食,買左成80幾蚊,冇哂錢喇.....
之後就返左去學校進行一d自我介紹ge活動先~
今次呢個camp有f.2有f.3,所以d人我唔係識哂,但係唔知點解個個都識我...-,-"
跟住自我介紹完就玩下一d熱身遊戲先,玩完就去營地lu~
去到果到我地就去分房先,我同mr梅+4個男仔一間房~我地宿舍ge形式係咁ge~
一間間屋咁,有兩層,每層有兩間房,一個廳,一個wc~
咁呢我間屋果層就住哂男仔,隔離就住女仔,就係咁喇~
跟住我地就食下lunch先啦,之後有少少自由時間,
我同一大班男仔去左籃球場玩啤牌嘆冷氣,勁舒服呀~!!>v<
之後好快就去玩遊繩lu,我同世賢身先士卒,第一個就走上去游落黎~
我地仲擺左好多姿勢影相,好型呀^^"
之後男仔玩完就到女仔玩啦,有d女仔好犀利嫁,d姿勢勁正宗,又唔驚喎,
但係有d就驚到腳震(男仔有d都有-,-"),仲喊埋出黎,唔係就係到大叫嘈住哂~
真係比佢地吹脹,o係上面到跳落黎都仲得啦.......-,-"
跟住見有時間我同世賢就玩多次,我地今次o係到玩野,搭住膊頭咁落黎,
最衰相機冇哂電,冇影到相><
之後玩玩下就去沖身同食飯lu,都幾好餸~
然後我地去左d活動室到玩,考我地領袖生面對一d棘手ge事點解決~
要用劇表演出黎,咁我地組其中一個係"中四同學在班房倒立"
我做倒立果個,一倒立就好多人歡呼^^"
跟住我地就去左打籃球,我叻呀我,我同邊個一隊都未輸過~
係玩左成兩個鐘頭都未輸過呀>v<:"
跟住到左10點要返去宿舍果邊喇,返到去勁悶,二點先開波,咁我地就o係到搵野玩啦~
我同世賢就想叫埋d女仔一齊玩,但係唔可以入異性間房,
咁我地d男仔就搬哂d桌椅出去叫d女仔一齊出黎玩,跟住玩左勁耐啦,
點知d女仔冇啦啦話熱,咁我咪搬部風扇出去lor,點知唔知邊個開門,
成部風扇趺左落地下,扇頁同枝柄爛,咁我地就拎左把野入房整下佢,
點知整左勁耐都冇咩方法,又冇膠紙喎,咁咪問下d女仔有冇膠紙lor
跟住等左佢地好耐下但係勆地就拎左塊鬼仄咁細塊ge膠布比我地...
我地都唔知應該比d咩反應佢地lor,都痴線嫁...我都唔知有咩用,
跟住整下整下有支電筒趺爛左,跟住我地就諗到一個方法喇~
我地拎支野去詢問處到叫佢幫我地用膠紙"痴"返好支電筒~
然後我地就合作咁剝哂d膠紙出黎"痴"返好個風扇,最後都可以話係成功ge^^"
跟住差唔多開波lu,隔離d女仔都靜雞雞咁入哂男仔房
但係到開波ge時候,我禍我地比佢地入黎係錯嫁,傑地都唔係睇波ge,
淨係猛咁食我地d野喎,6筒薯片唔洗一陣比佢地食哂....
因為我地個廳有成廿人o係到就唔夠坐啦,咁我地就拎埋d牀"玉"落地下同坐,
點知一拎出就比d女仔訓哂o係到,真係吹脤~
咁我地都廢事理喇,專心咁睇世界盃啦,唉~法國輸左><仲要輸12碼><
跟住我地就繼續睇電視啦,咁d女仔唔肯走要o係我地到訓喎
又要拎哂d被,又要訓哂d梳化喎,唉~我又再次感到比佢地黎係錯嫁....
跟住佢地o係到訓覺而我就要坐膠椅,叫我點訓得著呀><
咁我地男仔咪o係到傾下計lor,點知d女仔話我地嘈住佢地訓覺喎~
咁第一次都算啦,點知仲有第二第三次,唉~咁我地就趕佢地走啦,
佢地好唔願意咁就過返對面啦,點知真係兩分鐘都唔洗佢地又過返哂黎~
唉~都低能嫁...我成晚都冇覺好訓,赲死喇.....
不過其實冇左班女仔又冇咁好玩ge,所以算啦~
話咁快就到左第二朝早,咁我地就去食早餐啦,最憎食粥><"
之後我同世賢就返去宿舍先啦,返去果時冇遮濕哂,返到去仲要冇門入,
冇鎖匙,咁我地咪諗住入女仔果邊抖下次亁個身lor,點知佢地唔比話,
我地即刻勁嬲lor,唉~食碗面反碗底~
跟住我地就去詩歌敬拜啦,我坐mr.梅隔離,佢叫我帶唱歌
話我o係佢隔離同佢鬥大聲左好耐,咁我咪帶唱lor,冇訓覺都唱唔到歌,
但係mr梅我把聲出左黎合唱團哂左,叫我入返去喎....
跟住敬拜完就去玩竹伐lu,我地扎竹伐ge時候落勁大雨,但係就繼續去玩~
我地組最快搞掂所以就可以玩先,咁我個組d人除左我個個都好似冇食飯咁,
搞到隻木戈係咁轉彎-,-"之後玩玩下我地上返去啦,
咁我諗住幫手搬隻木戈上黎ge時候差錯腳,趺左落水,仲比d激流沖左出去~
當時我feel到d人好驚,我自己都有少少驚,但係驚左兩秒之後我醒起自己有著到救身衣,
跟本就唔洗驚,咁就拿拿臨擺d有型ge姿勢出黎,笑死左佢地^^"
之後有人划獨木舟黎帶我上返去,但係我o係到玩野,係到拉住佢隻野唔比佢走,
跟住佢o係到叫我唔好玩野-,-"然後佢叫我扒上隻獨木舟到,嘩~!!原來係勁難嫁~
好彩我都扒到,我扒左o係上面,勁舒服,仲差d訓著左(因為我兩晚冇訓過...)
之後上返去d人好羡慕我有得咁玩,因為水流太急佢地連扒木伐都冇得扒~
跟住我成身濕曬咁去同ms.lok同mr梅傾計,ms.lok話趺落水果個好彩係我,
如果唔係佢會好驚,佢話係我趺落去知實冇事~哈哈!!>v<"
跟住就返去換衫食野啦,途中我勁o係到講o係海上漂流係幾咁好玩,
又話我今次係最抵玩,有得玩木戈,又有得o係上漂流,仲有得上獨木舟,
跟住冇得玩果d人唔据話要打我,哈哈~
之後食埋野就返學校lu~
呢次camp真係好好玩好掂,但係最衰就係太少時間喇,
識左好多fd,全部都好玩得,仲好搞笑^^"
|
