見今日有人咁早打日記,等我又早d打啦~
今日一朝早好唔願意地起身,事關女丙今日9:15am就開波比賽~
乜都冇食就出左門口~要自己一個人出到去大埔,悶><
佢地比賽ge時候都真係替佢地緊張,最後佢地輸左2:0~
有d唔低lor我覺得,因為我夠膽話佢地練波ge時間係人地ge兩倍....
但係依家都輸左就唔緊要啦,下年同monkey一齊要努力呀!!^^
之後睇完比賽我地就去左m記食野(又係m記-,-")~~~
不過有人請就唔緊要啦~叫左個飯tastic食~
我覺得唔係咁好食,不過食到個人勁飽都幾抵ge^^"
食完野返左上水,monkey帶左我去佢平時去開果間野到剪頭髮~
剪得都ok~不過呀軒見到佢話我平時自己剪都係剪到咁~o哂-0-
跟住我同軒去左買排球鞋,特登同佢買左同款~yeah^^"
之後我陪佢睇左陣衫~一入間舖頭個女侍應(2x歲)好姣咁走過泥,
懶哂熱情咁對我地,搞到我地都比佢嚇走左......
之後我去左上水名都間m記搵呀so佢地~
見到朱天o係到返緊工,佢請食免費雪糕,不過我冇食到~
跟住吹左陣水就過左紅場打波,點知打左唔夠一陣佢地又唔打喎~
咁我就返左聯墟買校服,買完就返屋企lu~
哇,今日用左700幾蚊呀.....冇哂錢喇><
返到屋企玩下msn就食飯lu~今日就係咁喇~~~


今天在車箱的其中一個片段>v<"

今日一早就起左身lu~o係到玩左陣電腦~
跟住夠鐘食左兩塊麵包and飲左杯奶就出門口lu~
出到去火車站等左陣就搭火車去太和再轉的士過超級城唱k~
有我啦,子豪,ms,希同軒~5個人~
哇~間neway超廢呀,乜歌都冇~不過d野食就唔差lor~
只係唱左2.5個鐘,都唔夠喉ge><"
不過唱d歌都唔錯ge~最後勁唱 lmf d歌~勁正呀>v<"
唱完k去左吉之島買炸蟹食~好咸好鯹,不過又幾好味^^"
之後搭巴士走人~其間勁好笑.......
我諗住打子豪jj,點知打中左佢個咀~
佢個咀仲腫鬼左,超搞笑!!a_a"
之後返返上水諗住打波,點知冇人打,
咁就去左軒屋企游水,乜都冇帶照去游水^^"
問軒借左條短褲就落水~
今日好掂呀我,識游喇,不過唔叻lor游得,仍需苦練><"
之後落左個公園仔玩~1on1企o係平衡木到推人落地~
我係長勝將軍,勁呀!!!>v<
o係個泳池邊有條友玩玩下仆低冚穿左個頭,
好恐怖.......
之後上左軒屋企食左d野玩左陣msn...
上左一陣靈異網就走lu~
今日就係咁喇!!



無意中找到的,值得花時間去睇~!!
http://home.graffiti.net/qrf1:graffiti.net/disappointment.htm