同志們,係咪等睇我今日既經歷等得好苦呢?
真係辛苦晒啵！呵呵
唉，如果當日有野做既話，次次都係好早起身，都唔知點解
因為今日要練籃球，所以今朝８點起左身
琴晚，我一邊諗野一邊訓，成晚好似冇訓過咁
訓雀左仲可以諗到野，你話係咪勁呀
到左９點，我終於出門口啦，今日帶左5蚊雞出去
番到學校，先知道我冇帶〝發達窿〞，要登記添，真麻煩
入到去，打左一陣．同細哨１ｏｎ１，佢又輸啦，呵呵
今次佢去搵幫手，搵埋閹文幫拖
２打１，唔緊要，照打．打左一陣蟲哥哥就黎左啦！
今次暫輸４分，咪比佢地開心陣先囉！
岩岩打完又要跑２０個圈，唔緊要，１００個都仲得
今次唔洗練體能,好野，今次教戰術!
不過今日黎得個6條友，小７頭杰同科豆又唔黎
好難練呀．你地學下我啦，雖然遲到過一次
但冇缺席過喎！
死啦，今日教既戰術，我驚我唔記得左７７８８啦
今日，我發覺我廢左，不過打左一陣，我又發覺我勁左！呵呵
蟲哥哥走左之後同Jason １ｏｎ１
先打７分，我ｗｉｎ左
再打３０分，讓１５，又我ｗｉｎ左
打完後，陳姑娘比左張去海洋公園既通告我
本來想帶埋FishMan去嫁,但係冇位啦
想叫細哨讓個位出黎啦,閹文又係到玩野啦
ｓｏｒｒｙ牙，蕭ｍａｎ，有機會再帶你去啦
之後我地去左新北江，去美國冒險樂園呀
嘩，好大呀，大到好似個籃球場咁呀（可能冇籃球場咁大添）
後黎同細哨玩果個打飛碟，我出左絕招∼用手
之後１：１．打和
跟住閹文話玩鉗公仔，嘩．好高能呀
玩完次後玩打蟹，細哨叫我地禁住隻蟹唔好放手
我禁住隻蟹，跟住部機旭唔到，哈哈，好似神左
部機失控之後緊係有咁快走咁快啦
有ｄ口干，想買野飲，點知冇錢
問細哨借住先，不過都唔會還嫁啦
飲完後，番歸ｌｕ．我搾我架ｂｅｎ屎載Jason番屋企
番到屋企,到左晏就,細哨打電話比我
話星期四佢陪唔到我去游水啦,頂
到左夜晚,教我游水果個牙sir話星期四唔洗練
改星期五,好野,真係好采......
唔經唔覺,就打左咁多字啦,我驚再打冇人想睇,唔打啦
係咁啦,88,明天見....待續
仲有樣野唔記得左添.....希望蕭Man快D好番啦 |
