每年既今日都係英國既”煙花節”,基本上呢幾日周圍d人都會係咁玩fire works…而今日,o係Himley Park度就有一個煙花匯演…當然,我地有去到啦!但好可惜既就會ELIAS冇得去,因為佢要番工,所以就只得craig,yasuko同埋我三個人去…

我地一去到就玩左一個好激既機動遊戲…本來我地唔唸住玩架,因為yasuko話唔想玩,而且我又怕自己玩完之後會嘔,費時影響心情睇煙花啦..點知之後佢又話想玩啵,亞craig又想玩,咁我地3個人最後都去左玩…

玩完之後,真係想死…本來我都冇咩野架,但係又凍,又落雨…又冇野做,個人自然就會亂咁唸…最後,我嘔左兩次,將成日食左既野都一次過嘔晒,而yasuko都同我一樣命運…

嘔完之後真係好辛苦,因為好凍….但好彩就有番d show睇,可以睇下靚女跳舞,唱歌….個人都warm番d…8點半,fire works就開始喇…

好靚呀….我覺得香港既同英國既煙花係有d唔同既感覺,呢度既煙花係真係好近,就好似o係你眼前差距唔遠度放,好似去左”超動感影院”度睇煙花咁..香港既都好靚,因為有埋維港景色睇..不過我覺得呢個煙花匯演係我睇咁多次最靚,最震撼既一個…加上英國既地方始終係空曠d,睇咩都清楚d…

睇完煙花…我地就好辛苦咁終於”迫”到上架巴士…番去dudley..

之後去左間細pub度飲番柸野,傾下計…我地都好累,而且norma+david呢兩日都唔o係屋企(佢地去左wales玩),所以我地就齊齊番屋企…o係屋企傾計飲野仲好…而elias放工之後都上左黎添!!!

我地玩到兩點幾……頂唔順喇….都係訓左…

原來風雪可以使我堅壯 使我堅強

假使敢夢與想 假使天真地唱 我也會笑容漂亮

原來歲月太長可以豐富 可以荒涼

 能忘掉結果  未能忘記遇上

Continue my false life in here...I cannot trust them anymore. They used to be my frineds...but not now!

My sadness and anger is because i did share everything even its good or bad with them, i did think they are my frineds...However...everything against "money", and this will destroy all the things in our life!

呢幾日…好煩惱..

聽日亞爸亞媽就番香港喇…幾個星期過得真係快…

禽日我地去左london玩…..由朝去到夜晚先番去..去左食sushi dinner添..我地去左harrods,買左d糖呀,cake咁..(貴野買唔起)家豪仲買左個harrods既袋仔比我…多謝唷..不過有d後悔唔揀個大d既袋,可以用黎番學放大file呀嗎..不過算啦~唔買都買左~我都好開心架喇!!

星期一…我知道左個好壞好壞既消息….我真係冇唸過佢地竟然可以咁樣做…

我Host Family向我學校既international office投訴我．．．話我用電腦太多．．其實故事真係好大篇，好難而家一口氣講晒．．．一個“錢”字，可以將所有野抹殺，我成日都唔係屋企，佢地竟然可以話我成日用電腦，其實咪又係因為電費貴，佢怕要ｐａｙ得多．．總之．．唉，佢地令我太失望，話晒大家都住埋一齊成年幾，而家會係因為錢而搞到咁．．仲要每日都用“虛偽”既樣子黎同我玩，笑，傾計．．真係好假．．我果頭叫我亞媽亞爸整野食比佢地，果頭佢地就complain我，好不幸地比我知道左．．番到屋企佢地依然可以繼續帶住個面具對住我．．．上年既Norma,David已經走左喇．．而家既佢地只係記住錢．．我地只係佢既Business．．好失望，死都估唔到佢地會咁．．如果我有做錯到，我唔介意比人投訴，但我做錯ｄ咩？我比３００Pound一個月比佢地，我已經成日唔係屋企，唔會食佢既，用佢既都唔多，就算我係用電腦，都正常呀．．我做學生唔通唔洗用電腦？我相信我離開呢度既日子將近喇．．

每日都要帶面具．．．放工番到屋企，好累好累．．仲要擔驚受怕驚比人鬧：“做咩開燈？！”

今日係轉時間既日子…全英國既時間由禽日兩點鐘就會變早一個鐘,姐係話,而家係夜晚12點31號…但事實上而家只係11點30號…之前summer time英國同香港係相差7個鐘,但由今日開始,時差就變得8個鐘喇…所以今朝我可以多一個鐘時間訓…因為今日我10半起身,但其實已經係11點半喇..

今日我地4個再次去birmingham飲茶,但我見yasuko並唔係太開心…呢排發生太多事喇,佢同亞craig依然未好番,仲係好似朋友,即使yasuko想同佢close d,亞craig仲故意同佢拉開距離…

4點鐘我地就齊齊番dudley….由於今日亞爸亞媽黎我屋企整春卷,所以dave同我地就去左gornal接佢地…番到屋企..哈~真係好熱鬧呀..亞媽唔識講中文,所以我不停要做translator, 亞爸識講少少,所以佢就係最嘈既一個…大家一齊食春卷…呀,真係好掛住香港新年,大家一齊食春卷…我見佢地個個都話好好味,食得好開心…我都好開心…亞媽不停整野,佢黎既目的好似就只係為左整春卷咁…哈哈~亞爸就最開心….又可以學下英文,又有得食,仲可以同dave, craig飲酒….

食完之後就坐左陣,跟住佢地都差唔多走…我地都好累喇,雖然冇做d咩…但係就好似忙左成日咁,周圍走…最死就係仲未病好,個人已經精神番好多,但始終都係停唔到咳…所以佢地走之後,我都即刻沖個涼.執下野先….聽日又要番學喇…assignment又黎喇…

聖誕節就黎黎喇…好期待今年既聖誕,唔知會有d咩搞呢…定還是又係留o係屋企,同埋番工呢?但同時…..聖誕禮物…….oh ｍｙgod..又係洗錢既時候!!

別人問我…該怎樣回答?

前幾日由nottigham番黎,已經知道自己病病地,咳到頂唔到…不過當時都仲以為應該冇咩大礙…點知…

本來今日我要番工,禽日去左nova講話我可以星期6番conventry,但係…禽晚我地又出左去,果陣已經好辛苦…又頭痛,又咳,又流鼻水…跟住又飲左d酒,真係想死架…亞craig仲叫我飲多d,跟住頭痛就會走…但我當然冇啦,如果我真係咁做,我怕我會即刻湯!!今朝起身…知道自己一定死硬…10點鐘打去nova同佢地講我番唔到工,結果就比人鬧到一面屁…仲話以後都唔比工我番..唉,算啦,我都知係自己衰架喇…呢單野遲d先算…

所以今日我好乖..全日都留左o係屋企..danny同luke黎左,佢地當然捉住我同佢打機…我打左一陣,就開始做finance assignment,dan都冇計…因為我好認真咁同佢講我真係要做二,三千字功課…..一直做…夜晚食完飯,睇左陣電視..跟住又繼續做…其實坐左成晚做既唔多,最花時間既係唸究竟應該點寫…個人又累,唸野都唸得慢過人…最後做到12點,先寫得千幾字…但唔理喇..聽日先再做啦…星期一再番去問下d同學仔..

黎緊既星期4亞爸亞媽就番香港喇…所以聽日佢地就黎我屋企整我最愛既spring roll, 我唸一定好熱鬧,亞craig都過埋黎,姨媽又話過黎….成10個人..

下個星期2..我地就落london 玩…希望到時病好啦…

朋友…好掛住你地呀…突然好想番香港…好想見細細呀,如果我從來都未黎過英國..所有野會變成點呢??

應下我…好冇?