已經放左5日假期喇…..呢幾日,真係好忙碌,基本上根本就唔可以話係假期…亞爸亞媽過左黎,佢地當然會好把握呢個星期既假期同我周圍去啦…但死在佢地自己PLAN好晒所以野….問都冇問過我就叫我去,就連我得唔得閒就唔理就叫我去LIVERPOOL, MANCHESTER同埋NOTTINGHAM玩…如果唔係家豪同我講,我根本就唔知要去到星期3….所以呢個假期我真係玩得唔係太開心…

星期6去左番工…4點幾放工(又係番NOVA),跟住就過左去AUNT屋企…夜晚星舅父就揸車落黎車我地3個上去LIVERPOOL…

玩左幾日又去左MANCHESTER,行左街,買左野,食左飯…今日星期3,我地就搭火車落左去NOTTIGHAM visit我既cousin同佢既仔女…而家呢一刻,我就係o係佢地既房入面用緊我電腦打緊日記…打埋個日記我都差唔多訓lu…

聽日我地終於番去喇….但係”歡樂”仲未完,星期4我地就落london玩…家豪都一齊去,我完全搵唔到一個透氣既空間…

一唸起,有3份assignment等緊我去做,finance果份係最難,但就要最早交…真係好想死呀….呢個星期本來係用黎做assignment,但而家睇黎都唔洗啦….去埋london都星期5….星期1又番學…所以呢次豐富既trip我帶左我部電腦黎,可以隨時做assignment,雖然所用既時間唔多,但總好過咩都冇做過呀…

除次之外…我真係好嬲佢地竟然可以一句都唔問我就話去邊去邊…當我晌點解係咁既時候,我亞爸仲可以同我講話係因為我自己唔問….哈~呢個世界真係冇咩道理…佢地去邊唔緊要,但至少都可以同我講聲等我有個知字呀…唉….真係好討厭…一唸起份assignment就想喊….

妹…係咪真係過黎英國呀???係就好喇…姐姐等你唷..如果你真係過黎我最多唔去第二度玩啦..!

我會堅持落去….秘密地堅持..!

禽日18號,亞爸同埋亞媽就過左黎英國玩…因為機票唔洗錢(因為政府有得claim埋),所以亞爸都黎得較爽快…

禽日朝早3點幾,我同家豪就搭coach出去london機場接佢地….跟住再等到早上9點幾先再搭coach番dudley…真係好累好累好累…所以番到dudley之後,我就番左屋企訓下覺先…夜晚起身又要再過去同佢地食飯…唉,其實真係唔想周圍走黎走去…如果好近的話都仲好d,又要轉車…仲要d車成個鐘先一班…一走就大獲..禽晚同佢地食完飯之後就同左亞craig+elias去左篤波(近來日本小姐yasuko同craig先生有d爭執,所以yasuko冇出席)….之後再去Hustlers飲酒….點幾鐘,我地就走lu..

今日唔洗番學,勁free,禽日所累積既疲憊一下子就掃走..今日12點先起身…真係好開心…好滿足既感覺…可惜,今日要番工…

3點出門口,點知果陣家豪打黎同我講話我亞爸亞媽又要落黎舗頭陪我…唉,真係唔知開心好定唔開心好…突然好似監視我咁-,-….落到去,都係咁啦…佢地點實狂太悶頂唔順就叫左fian車佢地番去…而我就繼續番工…

下個星期就放half term，我地應該會落ｌｏｎｄｏｎ玩既．．但係我相信我之後一定窮到燶．．爸爸媽媽玩足３個星期，我都會盡量陪佢地既..不過佢地都唔會長期住係ａｕｎｔ屋企．．佢地會去下Liverpool,又要去Manchester,仲要去Nottingham…我都未必會去得晒．．．

英國開始凍喇．．．冬天來臨了．．每天要躲入被窩才可以感受到溫暖

夢中見．．．我哭了

禽日8點幾出左去,仲約埋果兩個法國同學出黎玩,點知佢地又帶多幾個唔同國藉既人出黎…成班人變得好開心,而家我地o係酒吧度係咁玩d drinking games,飲到我地傻下傻下….佢地幾位男士仲飲到痴晒線,飲極都唔肯停…哈哈~真係好開心,當然唔少得就係”交流”一下啦..佢地既法文實在太難學喇…真係唔明佢地點發音…不過佢地一學d中文粗口就好快上口,一講就識….仲要講到真係好似香港人咁…哈哈~跟住亞craig又係咁唱所謂既”中文歌”(其實大家都唔知係咩黎既,只係佢想扮野)…禽晚真係好開心,好耐都冇試過咁熱鬧喇…玩到兩點幾,我地就各自回家了..

今日訓到12點幾,終於肯起身….好彩唔洗番學..

星期3,又係番工既日子…都好呀,有錢搵….好過連錢都冇得搵…

今日NOVA(job centre既東東)打比我,問我星期5,6可唔可以番工,我當然話可以啦,yasuko又番,我就梗係part住佢一齊…呢份工其實都幾唔stable架..我地係o係個大球場入面既餐廳度做waitress…做7個鐘,一日有35鎊幾,但扣埋tax,only30鎊..不過都好過冇呀…仲有埋接送..上兩個星期我都想番架,不過佢地又冇…今個星期就兩日一齊,正!雖然星期5就12點幾先放,不過我地可以放工之後落pub搵craig+elias..星期六7點就收…番去食埋飯,跟住就齊齊落club玩..時間岩岩好!!!!好期待呀….

聽日要番9點幾學…唔打喇~~再見~

難以形容的難過…

禽日去完aunt屋企上網….今日又要對番住自己部電腦打日記…

今日一早,11點鐘,我地4個人就出左去Birmingham飲茶..我地已經有兩個星期冇去飲茶lu,亞craig先生話好掛住d中國野食,所以我地就出左去….

飲完茶之後,我地就行左陣bull ring(birmingham的一個大大大商場)….買左d野,行下街咁,之後就去左露天starbucks飲coffee…好relax,好想即刻打比香港既朋友仔叫佢地過晒黎嘆coffee…4點鐘,我地就走,因為家豪要番工,而我地都累,想番屋企…

番屋企既途中好想嘔 ,我知道係柸ice mocha作怪….我既身體就係咁古怪,有時飲幾多酒都得,但一飲coffee就即刻黎料…但有時又完全冇問題…所以番到屋企,我都冇咩心機,即刻入番房休息下….好似訓左一陣,跟住又起番身….心情就開始直落…原因我都唔係太清楚,可能係因為一番到屋企Norma(我屋企既鬼婆)就話我出門口冇關到窗,講左一大陣野…而且又唔舒服,真係冇咩心機….家豪送左條skirt比我for聽日大家一週年,我試比大家睇,點知Dave竟然話"terrible",佢覺得一d都唔靚,Craig就覺得有d古怪…好彩Norma同埋Yasuko都覺得好靚…不過心情就更加差..始終有人講過唔好睇..搞到我都冇咩信心著出街..

仲有d原因既我唸…不過…都係無謂既原因..

夜晚終於有心+有時間去執notes喇…兩個星期上既堂既notes我都周圍飛,到要上堂既一日我先搵..全部都亂七八糟…今日終於執喇…而且睇埋financial既assignment,約略知道點做,聽日可以問亞sir…

唯一既可能性都失去…莫非,真係要咁絕?

12:00am,雙十節快樂….一週年快樂!

番到黎英國....明白到,今年既生活同上年既生活會有好大既分別...

以前身為所以有既都係中國人,中國既玩意..充滿中國感覺既地方..但而家,就唔同左.絞左係鬼佬既朋友,鬼佬既生活,鬼佬既地方同埋鬼佬既玩意...可能係有d頹廢,但我反而好enjoy...我唔需要顧忌d咩野,只要自己想做既,就可以做到...而且我既朋友並唔係d咩壞人,爛仔...大家都好正經,同時大家都好瘋狂 ....我可以感受到真真正正既英國生活...放假就落酒吧飲酒.....英國既酒吧唔同香港,香港既酒吧係黑色一片,好嘈,好大聲既音樂....落得去,都預左會醉,一係就好high咁番屋企...但英國既就唔同,我地落去,就真係只係傾下計,飲下酒,同香港既coffee shop可能真係差唔多...當然有時都會好熱鬧啦...我又教左佢地玩十五二十,所以我地成日玩...好開心...有時下午冇野做,就會去打下壁球,打完又去食下野,飲下酒咁....星期日我地有時就會去birmingham唐人街度食下中國野,飲下茶...

craig,yasuko,elias,我...我地4人既生活就係咁...不過我地已經好開心lu...

學已經一直番緊lu..但d亞sir真係好cheap...一係就上幾十分鐘就話落堂..一係就上到你嘔白泡...星期一就要上到7點幾夜晚..但星期2,3就放假...星期4又番到8點...星期5就正常d,11點至點幾...不過我都覺得比左咁多錢..唔可以咩都冇學就走架....所以我都會好努力讀好佢!!!

咁耐都冇上黎打日記...就係因為我呢排真係比較忙...一係就出左街,半夜先番黎,一係就要番學,冇時間打,再唔係就要番工...更有好多時間就係我自己懶..不過今日我黎左aunt屋企上網,又可以同下d朋友仔傾計...雖然都唔係好多人可以同到我傾,可能因為星期6,個個都出晒街啦...所以我都有時間打下日記,我以後都會打多d架喇...

仲有呀..我之前話可能裝 broadband...不過我而家可以話比大家知,就係唔得喇...因為英國既電費好貴,個鬼婆已經成日話我地用電話用得太多...如果我地裝埋broandband,佢一定發顛...唉...我唸都係冇望架喇...算啦...所以我而家都會成日過黎上網,星期六你地應該見我既機會率都ok大架..

10月7日...jeff哥哥生日快樂!!!妹妹無心...對唔住..

連天都唔幫我...仲可以點...認命?並唔似我既作風..