Make By My friend Curry,in Barber Salon, Causeway bay. 11/09/2005

上個星期3…我搭上飛向英國倫敦既飛機番到英國..繼續我既生活..

雖然番到黎只得一個星期,但我感覺就好似番左黎好耐咁…每一日都係一模一樣..o係香港,始終係差天共地…兩款完全唔同既生活我都享受,香港,有我既屋企人,好朋友…仲有我最鍾意食既野…而英國,就有我最鍾意,最嚮往既寧靜生活…

離開香港當日,當然我冇再好似上年咁喊到死去活來…但心裡,有一點兒講唔到既難過…或者係對呢個悠長既假期有點兒唔捨得…又或者係仲有好多好多野o係香港其實都未做…番左黎咁耐,好多朋友其實都未見,就算係見過既,都只係得一兩次...有既,係遺憾…

當我笑住咁入閘,再上到去飛機,獨自感受飛機由地面飛到天上,再由高處望落香港…果一刻,心情真係好難以形容…我並唔係唔想番英國,只係…

禽晚係我表哥亞jon既生日…所以放工之後,12點,我地就即刻出左去birmingham唱k…經過禽日,我明白到,好多野係變左就係變左,原因係咩已經唔重要,只需知道…一切都改變…上年既,依然好美好咁留o係我腦海裡…

今日…做左好多平時唔會做既野,亦唸左好多平時唔唸既野…應該係話,係好耐冇唸既野…所以同時影響到心情,我完全唔享受呢個過程,喉嚨好似有樣野吐唔出,但吞唔落…

各位朋友..你地幾好嗎?希望你地可以得閒黎呢個日記度探我啦…我遲d可能會裝上網,到時可以時時見到大家喇…同時都好希望會有朋友寫信比我…如果唔知我地址可以問我…就算冇時間寫,你地可以留個言比我,我已經好開心架喇….

番英國既日子只剩番一日,聽日呢個時候我就已經係飛機上面,準備番去等到我既地方..仲記得果陣一日到黑都希望早d番去,仲話兩個月既時間真係好長...其實,轉眼間我就要走喇...

好討厭咁忙碌既生活,或是可能英國真係養懶人,呢幾日真係好忙,對其他人黎講唔算,但對我黎講真係好忙,好辛苦...個個都趁我準備走果一剖搵我,出黎,食飯,見面...總之就要出黎啦...我並唔係唔想見朋友,當然我係好開心原來我有咁多朋友都咁想見到我....但..我而家已經支撐唔到一日做咁多野,雖然都只係維持埋呢幾日,但對我黎講已經足夠到極點...加上呢排不停有事情影響我心情,即使我果日係幾開心,幾盡興,之後都係因為一d好無聊既事情令我既"好心情"一掃而空....我唔明白..都已經唔想去明白,因為要去知道個答案係要做好多野,而且會令我心情再度下沉..

今日..忙左一日,而且我覺得今日真係超級熱,所以做咩都燥過人..我完全係有推晒所有人既約跟住番屋企睇電視既衝動,當然,我冇咁做到..朋友唔係成日都有得見,所以有得見既時候就應該好好咁珍惜...

我相信聽日都係一樣,一個下午就要約3個人出黎...好辛苦呀..

陰差陽錯...所有事情就此改變!就連一點點...也沒有

今日好開心呀.....因為今日終於出到糧喇,事實禽晚亞輝先生已經比左張支票比我,但係果陣已經係6點,所有bank都close晒...唯有係今日先拎d錢出黎啦..哈哈~好開心呀,番得果8日,仲係要唔洗點做,咁就有千幾蚊喇....亦都係因為咁,我今日就出左去買左好多野.....哈哈~好開心呀!

本來今日係約左亞king先生唱k架,但點知禽晚佢話佢唔舒服,唔知今日去唔去到,今朝我一起身打比佢,佢又冇聽我電話 ...咁岩禽晚盧小姐又提過叫我出去,所以最後我就同左盧小姐出去旺角...

第一站就係去配番對眼鏡先,既然出得糧,就當然買d實用既野,而且我番到英國番學果陣真係好辛苦,咩都睇唔到..所以我就配左一對$388紅紅地色既眼鏡,好平呀!!!! 仲要個幾鐘頭就拎得~正!之後我地就去左波鞋街,盧小姐想買指南針for girl guides,所以我就部佢去搵....買完之後,我地就去左"上海坊"度食番個下午茶,我知道文俊先生係o係度做,我又真係幾想見佢,因為實在太耐冇見喇...咁咪叫個waiter去搵搵佢囉...點知佢今日原來冇番工...唉!

食完野之後,我地又周圍行下....突然心血來潮想買條掛住電話既帶.......所以就去左旺中睇下有冇又平又靚...況且上次我去完海洋公園之後,我隻耳環(chair耳環)又唔見左,而家得一隻,所以我就去買多一隻,咁咪唔洗得一隻咁古怪囉...

行完之後已經係5點幾,盧小姐趕時間離開...所以我地就各自離開...今日覺得真係好開心,可能係因為第一次真係有千幾蚊可以狂比我洗,因為我過幾日就番英國d錢如果唔洗就要等到出年番黎先有得洗,所以反正都係,而家又有野買,咪洗下囉...哈哈~真係好開心呀..

離...如風...不知不覺..

呢張相係哥哥之前去hk disneyland影既...我一睇完就即刻好鍾意喇...

白雪公主好靚呀!!

樣子有點兒可怕既小魚仙..