今日终於可以早D瞓啦~真係太好啦~聽日測數學啦~本身可以去補課嫁~最衰都係miss章~如果唔係佢捉我返屋企拎返張嘢比佢~我都唔會比miss關捉住話要罰我~頂佢個肺呀~正PK嚟嫁..........五點幾先比我去~仲有得補咩~miss章又要我做埋張嘢佢喎~跟住走果陣去搵麥sir~麥sir話D題目比左阿BE喎~走過陣~死啦~唔記得問麥sir借計數機tim~點算呀~聽日要測啦~返到屋企~睇左一陣電視~做埋D功課就去沖涼~沖完就去食飯~十點幾~叫阿BE佢地嚟溫書(不計肥喬在內)~咁就唔洗對住佢啦~太好啦~太感動啦~少左個阻住晒~真係唔同D嫁~溫到11:30~佢地就返屋企~我打埋日記就瞓左啦~希望聽日數學合格啦~死啦聽日仲要補中史呀~

今日係11月7日~今日測中文呀~因為中文唔使溫~所以今日可以瞓晏D^^一起身就去沖涼~沖完涼都差唔多8點幾~死啦唔記得做功課呀~等到屋企冇人就唯有即刻開公啦~做到8點35分~阿BE就打嚟話走得喎~今日得經濟要交~本嘢因為冇做到~所以同佢講話唔見左~跟住拎左張paper做俾佢~佢話唔收喎~勁賤格個死人miss關~佢叫我再做過~勁cheap~今日放學要補中史~慘~雖然可以唔去~但係聽吓都好呀~放5:30~個阿sir仲死纏難打~冤鬼纏身咁纏住晒~好似要吸晒人地D血~吸唔晒唔俾走~D人都差唔多死晒咁樣~佢仲要講~唉.........講多都晒氣~今日仲要做6音~9點幾先開始做~頂~肥喬條粉腸~做指揮囉咁叻~係咁轉份劇本~勁賤格~做做吓佢又唔做~又話走喎~搞到做到12點幾~仲要開一次羅拔高峰會議~個個係咁講佢D惡行~開左陣會~佢地走啦~打完日記就瞓啦~