| «‹ August 2026 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
2006 年 6 月 19 日 星期一  |
| 斷正「偷柴」 |
分類: 未分類 |
今日考完世史之後,我地班冇啦啦殺出個梅sir call左黃記出去,我睇佢比祖領問佢,我聽唔到佢地講咩,不過我睇到佢地既唇語,黃記既唇語係:「我係學校門口個邊比人捉食煙」,我就諗佢可能係搞笑係狙擊手隔住架貨車,係度「偷柴」...食煙,罪名真係要問何家希,話哂prefect,熟校規ma!不過大多數都係小過冇自新
我都試過係放學之後,係學校附近「偷柴」,但係從來唔會比人斷正!最好笑有d人係學校個d廁格偷完柴之後,比d訓導係門口企係到等佢!呢d真係唔識做,你估你係上官咩,話「扯」就「扯」?
比著我偷柴一定唔會係學校,學校鬼死咁多cam,雖然來來去去都係停車場,正校門,玻璃屋同埋「笠」,再加埋其他人肉cam,d人肉cam成日都走來走去,肯定係廁所都捉埋你出黎...
上官就唔同啦!出到校門外,話知你成包一次過上,都唔會比d老師管,我契仔以前讀上官,係門口分枝煙比我,冇事!而家佢係東涌,直頭冇人理,上堂話去廁所,問一問隔離位比個火,走入廁所明食都可以!
有時我覺得學校d訓導真係好多事,人地出左學校門口,就唔係你地頭,你係學校就話主場姐,出到去咪又係作客?人地去網吧打機你又上黎掃場,你估你係「y屎」咩,話入機鋪查牌就查牌,好聽d咩話你好人,唔比d學生學壞,難聽d咪話on居lo!出左校門就唔係學校,咁d老師咁多事理d咩呢?
就算係學生壞,都唔到你理啦!咁多事不如做義工,去做蝙蝠俠ar笨?
|
|
|
Steven 於 2006-06-19 10:56 PM 發表：
咩叫好唔過我好多@@?
我有好多歪理咩?
我之前係好多歪理~
不過而家改左好多啦=.="
食煙始終都係唔好，
香港政府忠告市民:吸煙危害健康﹗
唔好等遲d有事先後悔呀~
|
網主回覆
|
你既正面觀點,我非常支持,可以話係難得有個咁乖既同學!
我都覺得珍珍講既野都幾令我抓破頭腦,佢講得出你有歪理,不過佢冇舉例說明,所以我都好懷疑佢是否搵你笨...
下次有呢d你個人認為被中傷既留言,你可以選擇不回應,直接向我申訴!正如法庭,可以因為被控方中傷,而不作出任何回應,法官是接受的!
與此同時,希望珍珍在此事件後,作出適當既反醒,never try me again! |
|
| Posted at 2006-06-20 05:27 PM [ 編輯 ] [ 刪除 ] |
|
|
minnie 於 2006-06-19 10:25 PM 發表：
你既觀點，我不敢苟同，估唔到你心裏面都咁多歪理……唉……好唔過Steven好多……唉，好失望
|
網主回覆
|
呢d野好睇你地點睇既,不過希望你唔好因為呢d小事而發生無謂既爭議,簡接會中傷他人!
其次係歪理既問題,食煙係某程度上係意識不良,不過我就覺得人有好多唔岩,但還是有十萬個理由之多,去踏上不正確既路線!例如係好似核能,人人都知核能有輻射,但依舊有人用緊,咁又點解呢?答案係我我地現時冇法擺脫能源不足既問題
又或者戰爭武器危害人類既安全,但人類點解又要不斷咁係研究同製作,點解唔將d飛彈全部引爆佢呢?答案係導彈太多,分分鐘炸埋地球
什至近生活少少,電腦會引發好多罪行同對人有害既問題,例如自閉症,打機打到暴斃之類,但點解人類會依舊用電腦,什至你會教cit呢?答案係電腦成為人類既生活
失望我唔知點解你會有咁既看法,不過是否歪理我唔係好認同,人人都有歪理,什至傻到電影達文西密碼入面,影響全球基督既問題,但人又出奇地仆住去戲院買戲票!谷到票房爆哂...
歪理未必人人都接受,但某程度上我地每天都要面對歪理,呢d就人類可笑之處!
|
|
| Posted at 2006-06-20 05:18 PM [ 編輯 ] [ 刪除 ] |
|
