今日對我黎講都算係一個大日子，因為苦練一段時間...總算有一個小交代，今日我創新路既繞圈比賽之中得第九名，都算滿足了。

其實今日都多波折，因為我係離家之後就發現前鈴出現左少少問題，咁就係去到比賽場地，我問一個東涌鐵人既師兄借打氣泵打前胎先知大鑊，原來前鈴鈴線鬆得好緊要，個嚴重程度係可以就咁用手以上下抽動鈴線，都幾麻煩架!因為條鈴咁樣係惡化，漫延到其他鈴線都會有問題，到時有可能炒到趴街。

好啦，頭都大埋之際，我見到Devil's Team既博士!我知道佢向來都帶好多裝備去到roller都有!真係比佢吹脹到佢連唧鈴匙都有...你話呢個人係咪有米到呢?我自己搞，我係對唧鈴一無認知，因為我只係見單車鋪師傅大概既方式去搞，至於何謂唧鈴術語「前後左右」、磅數、偏線繞流...其實我到今日都花d時間去理解，因為我本身係無唧鈴座，無唧鈴匙，更無自己唧鈴既經驗同知識，結果就用一個「斷估」方式，搞好左就算...

貴人二號亦都出現左，就係今日做大會staff既飛球單車店既光師傅，非常感謝他出手相救，講真香港唧鈴數一數二既高手，佢就係HK TOP TEN!

埋線了，比賽一出閘...我入LOCK鞋既情況麻麻唔係太順，不過就好跟進到，3個圈溜前鬥後，結果有時比10多位車手鋪上哂呢，好明顯呢D記得成TEAM人哂眼聲..

第九名...好開心!